No IES Pino Manso sumámonos á iniciativa convocada polo colectivo "Docentes con Palestina", nun acto que se desenvolveu dende as 12 ata as 12:30 da mañán do venres 12 de abril. Interviron alumnas e alumnos do centro, que quixeron manifestar a súa solidariedade co pobo palestino con  poemas e textos seus. A nosa directora leu o manifesto, do que destacamos algunhas das súas palabras:
«Está pasando agora, mentres lemos estas palabras, mentres andamos polos corredores do noso centro, mentres o alumnado estuda e aprende, mentres o profesorado explica a materia. Está pasando agora, mentres saímos de clase, subimos e baixamos do autobús camiño das nosas casas. Esta pasando agora».   «Non fai falta ir aos libros de Historia, nestes momentos Palestina sofre un ataque continuo en forma de xenocidio por parte das tropas ocupantes de Israel. A día de hoxe se superan se superan  as 37.000 persoas mortas, masacradas, das que máis de 13. 000 son nenas e nenos.  Máis de 80.000 as feridas. 1,7 millóns de persoas desprazadas dos seus fogares. Casas, hospitais, escolas destruídas de forma sistemática e planificada»

 «Esa mesma lei [en alusión a la Lomloe] comprométenos a velar polo cumprimento da Convención sobre os Dereitos das Crianzas adoptada polas Nacións Unidas. Esa mesma convención, no seu artigo 6, afirma que toda crianza ten o dereito intrínseco á vida. A vida de todas as  crianzas, tamén as palestinas».

A  comunidade educativa nin pode nin debe de quedar calada ante «o xenocidio que o Estado de Israel está a cometer nos territorios ocupados de Gaza».

«O silencio, a equidistancia, ignorar o que está a suceder en Gaza é incompatible ca solidariedade, a xustiza e a cidadanía democrática».

Dende o IES Pino Manso reclamamos "o cese inmediato do fogo en Palestina e a apertura dos pasos fronteirizos para a libre circulación da axuda humanitaria."

Boas, os departamentos de Filosofía e Plástica, xunto ao alumnado que conforma a dirección da revista Opino, queremos convidar ás familias a participar no número deste curso. O tema é "Adolescencia"e trátase de que trasladedes as vosas reflexións, inquedanzas, opinións... sobre como estades a vivila, que sentides, que vos preocupa, vos preguntades ou pensades. O formato é diverso, dende unha frase ata unha pequena disertación, unha imaxe, poema,etc. As colaboracións podedes envialas a revistaopino@gmail.com

O prazo límite é o 30 de abril. 

Un saúdo e grazas,

A Dirección da Revista Opino

   Poden atopar información sobre a "Avaliación Diagnóstico" no seguinte enlace.

Exames finais das materias pendentes de 1º Bacharelato. Click aquí