Onte tivemos a sorte de poder gozar da actuación de Avelino González, un home de teatro, de cine, de series... pero nesta ocasión veu ao noso instituto a contar contos e lendas da zona, a como xogar coas palabras e sentilas. Pescudou sobre as orixes dos nomes e apelidos do alumnado de 2º de ESO e fixo un percorrido polo noso patrimonio inmaterial máis próximo. Sempre tendo como fío condutor a nosa lingua, o galego. Todo isto sacándolle un sorriso a todos/as os que o escoitamos. Porque Avelino é un home de teatro, de contar, de saber e, sobre todo, un home do que aprender moito. Grazas!

Hoxe estivo connosco Marcos Calveiro. Hostaleiro, avogado de profesión e escritor de vocación. El di que "está feito de palabras" e diso mesmo viu hoxe falar co alumnado, das palabras que falan e das palabras que calan as  personaxes do seu libro "Todos Somos" que leron os alumnos/as de 2° ESO.
E xa hai  segunda parte "Todos fomos" e quen sabe, quizais terceira tamén...
Grazas, Marcos!