Novas, avisos, premios
INSTRUCIÓNS PARA O DESENVOLVEMENTO DO TERCEIRO TRIMESTRE
O 28 de abril publicáronse as Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia.
De cara ás familias e ao alumnado salientamos:
- A avaliación final realizarase sobre as aprendizaxes desenvolvidas nos dous primeiros trimestres do curso, así como sobre as actividades de recuperación, repaso, reforzo ou ampliación das aprendizaxes realizadas dende a declaración do estado de alarma polo Real Decreto 463/2020, sempre e cando se beneficie ao alumnado.
- Mantéñense as convocatorias das avaliacións ordinaria de xuño e extraordinaria de setembro na ESO, Bacharelato e FP Básica.
- As programacións didácticas actualizadas serán colgadas na páxina web do centro a partir do día 13 de maio.
Podedes acceder ás citadas instrucións AQUÍ.
GUÍA DE BOAS PRÁCTICAS NAS SAÍDAS DA POBOACIÓN INFANTIL DURANTE O ESTADO DE ALARMA
Podedes consultar a guía AQUÍ
Se podedes saír, disfrutade do paseo!
OFICINA DE INFORMACIÓN UNIVERSITARIA DA USC
Como consecuencia da alerta sanitaria a Oficina de Información Universitaria (OiU) da Universidade de Santiago (USC) viuse obrigada a suspender a súa actividade presencial.
A OiU sigue a disposición da sociedade a través do correo electrónico: oiu@usc.es
Coa intención de manter vivas as canles de comunicación coa sociedade e de forma especial co ensino medio, a Universidade de Santiago de Compostela (USC) pon a disposición da sociedade, os mércores de 10 a 14 e de 16 a 19 horas, un servizo de Chat/Videoconferencia coa súa Oficina de Información (OiU).
Pódese acceder a este servizo de Videoconferencia a través da Páxina Web da OiU:
https://www.usc.gal/gl/servizos/oiu/
ou directamente a través da seguinte URL:
AXENDA PARA ADOLESCENTES CONFINADOS
Con motivo da alerta sanitaria, o Colexio Oficial de Psicoloxía de Galicia publicou unha "Axenda para adolescentes confinad@s", que ten por obxectivo proporcionar pautas para esta etapa evolutiva.
Desde a Sección de Psicoloxía Educativa, responsable desta publicación en formato infografía, explican que afrontar o confinamento partindo dunha actitude positiva e fomentar as fortalezas dos mozos e mozas serán necesarios neste momento de espera.
ENCONTROS VIRTUAIS NA USC
Os Encontros Virtuais da USC, terán lugar en pleno confinamento a vindeira semana, os días 6, 7 e 8 de abril (luns, martes e mércores de Semana Santa), a través da Web da USC.
Esta páxina Web estará dispoñible dende o sábado, día 4 de abril, na dirección
https://www.usc.gal/gl/encontros-virtuais
A través desta páxina os alumnos e alumnas encontrarán:
o Presentacións das titulacións
o Obradoiros, Retos, etc.
o Opinión de alumnos/as sobre a titulación
o Pílulas relacionadas coa titulación
o Concursos
o Unha VIDEOCONFERENCIA para cada titulación
O estudantado terá un enlace para interactuar por VIDEOCONFERENCIA cos/as responsables da titulación para aclarar as súas dúbidas. No enlace indicaranse os horarios de cada unha das videoconferencias.
INFORMACIÓN OMIX O PORRIÑO
Dende a OMIX do Concello do Porriño remítennos os seguintes enlaces de interese para o alumnado e familias:
https://oporrino.org/porrino-cidade-amiga-da-infancia-agradece-nun-bando-aos-nenos-e-nenas-o-seu-comportamento-exemplar-axudando-a-vencer-o-coronavirus/
https://oporrino.org/a-concelleria-de-educacion-anima-a-infancia-e-xuventude-porrinesa-a-participar-na-actividade-clip-club-tv-promovida-por-unicef-e-a-familia-alcantara/
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »