Lingua Galega
4º ESO e 2º Bacharelato: espectáculo A todo Risco
20.03.2024
O alumnado de 4º ESO e 2º Bacharelato acompañado das súas profesoras de Lingua Galega e Literatura, Pilar Martínez, Ana Otero e Sara Porrit, acudiron á Casa da Cultura Lois Pereiro para gozar do espectáculo teatral "A todo Risco" que Pepe Rodríguez da Fundación Vicente Risco trouxo a Monforte de Lemos. O monólogo literario estivo a cargo do actor Avelino González onde se mesturou humor, literatura da Xeración Nós, lingua e curiosidades da vila Monfortina.
1º Bacharelato. Parlamento Xove. O Carballiño
15-16.03.2023
O 14 de marzo estivemos preparando os últimos detalles para participar o 15 e o 16 de marzo de 2024 no Parlamento Xove no Carballiño. O alumnado de 1º Bacharelato participante representará ao IES Río Cabe neste encontro. Moita sorte!
O 15 e o 16 de marzo levarase a cabo o Parlamento Xove no Carballiño onde o alumnado de 1º BACH, acompañado das profesoras Pilar Martínez e Sara Porrit, representará ao IES Río Cabe.
Achegamos as ligazóns para seguir a fase clasificatoria da categoría da Bacharelato en streaming por salas:
SALA A: https://www.youtube.com/live/gsKvuROCNbU?si=r106DxarrPGPGE2O
SALA B: https://www.youtube.com/live/aJNcEnmDPt0?si=BGVvR1bP6N_h2Pqf
SALA C: https://www.youtube.com/live/0YeM2Q4D8pI?si=xbEjQszSZuAPL9Bz
Todos os cursos. Día de Rosalía. 23 de febreiro de 2024
23.02.2024
Alumnado, profesorado, persoal non docente e familias do IES Río Cabe recitaron versos de Rosalía de Castro para conmemorar o seu día, o Día de Rosalía. Entre as actividades deste día cómpre destacar os murais e os código QR que se puxeron en carteis con poemas da musa das nosas letras que levaban a poemas musicados. Ademais, varios dos poemas rosalianos foron traducidos polo profesorado, alumnado e polas súas familias ás máis de 25 linguas que temos no noso centro educativo. Moitas grazas!
4º ESO. Roteiro A Esmorga. Ourense
23.02.2024
O alumando de 4º ESO, acompañado das profesoras de Lingua Galega e Literatura, Ana Otero e Noelia Besteiro, realizou o Roteiro Literario da obra de Balnco AMor: A Esmorga pola cidade de Ourense o 23 de febreiro, coincidindo co Día de Rosalia.
Acompañados de José Ramón Gómez, Guía oficial da Oficina Municipal de Turismo de Ourense, percorreron os lygares polos que se desenvolve a novela.
Foi unha mañá moi entretida e cun roteiro inmersimo, xa que. igual ca na novela, a marabillosa choiva acompañounos no percorrido.
4º ESO. Obradorio literario por Nuria Vil_Erre que erre
02.02.2024
O venres 2 de febreiro acompañounos no noso centro a poeta Nuria Vil do grupo Erre que erre. Ofreceu un relatorio-taller de poesía ao alumnado de 4º ESO. Foi un tempo moi enriquecedor onde Nuria nos recitou varios poemas e nos mostrou libros e curtas que ten feito. Ao final do relatorio varios alumnos e alumnas quixeron que lles asinara un autógrafo e tomar fotos con ela.
Moitas grazas Nuria Vil e moitas grazas a Erre que erre!
Tamén queremos agradecer á nosa profesora de Lingua Galega, Sara Porrit, a cal pertence a Erre que erre por facer posible que este taller se levase a cabo.
4º ESO_1º Bacharealto. Debate Fundación Barrié
31.01.2024
O alumnado de 4º ESO e 1º Bacharelato que participa no Club de Debate do IES Río Cabe desprazouse á cidade da Coruña para participar no Torneo de debate da Fundación Barrié. O alumnado foi acompañado das profesoras que dirixen o club de debate do noso instituto: Pilar López e Sara Porrit.
Parabéns a todas e a todos!
1º Bacharelato_2º Bacharelato_A Ponte entre o ensino medio e a USC_Visita facultades_CSHG_residencias universitarias
30.01.2024 e 31.01.2024
O alumnado de 1º Bacharelato (30.01.2024) e de 2º Bacharelato (31.01.2024) visitaron Santiago de Compostela dentro do programa A Ponte entre o Ensino Medio e a USC. Acompañados do seu profesorado Pilar López, Sara Porrit, Emilio Sotelo e Yolanda Soba (o aumnado de 1º Bach), e das docentes Ana Otero e María Padrón (o alumnado de 2º Bach) visitaron pola mañá as diferentes facultades das que constan os Campus de Compostela (Campus Norte e Campus Vida). Pola tarde, ambos os dous días, alumnado e profesorado coñeceron o Centro Superior de Hostelería de Galicia e as residencias universitarias Monte da Condesa e Burgo das Nacións.
1º ESO. Proxecta Igualdade. Obra de teatro "Mulleres na rede" por Estíbaliz Veiga
29.01.2024
O alumnado de 1º ESO puido gozar da obra representada por Estíbaliz Veiga "Mulleres na rede", dentro do Plan Proxecta Igualdade deste ano académico 2023 2024 que encabeza a profesora Noelia Besteiro. Foi unha representación onde o alumnado puido comprobar os perigos que conlevan as redes sociais e aprenderon a facer un bo uso delas.
1º ESO. Club de lectura
19.01.2024
Na mañá do venres, 19 de xaneiro de 2024, o alumnado de 1º ESO B xunto coa súa profesora de Lingua Galega, Pilar López, xuntáronse na biblioteca do centro educativo para pór en común a lectura do libro de María Reimóndez, Usha, acompañado dunha deliciosa bica.
Con esta obra o alumnado tivo ocasión de descubrir a cultura popular da India, lugar a onde unha rapaza galega, Uxía, Usha para os amigos, chega acompañando a súa nai que era membro dunha ONG.
A través dos ollos de Usha descríbesenos a súa estancia en Devastana, unha vila do estado de Karnata, na India, onde fixo algunhas amizades, especialmente con Lakshmi e Deepak e puido coñecer novos costumes e lendas e descubrir unha nova lingua: o canarés.
A xuntanza foi moi interesante e permitiunos comparar moitos aspectos da cultura india e galega.