CANDO MERCAR O PRIMEIRO MÓBIL
Estimadas familias: Facendo click na imaxe teredes acceso ao documento que nos envía a Asociación Érguete sobre o uso das NNTT. Agardamos que sexa de utilidade.
OBRA DE TEATRO POR VIDEOCONFERENCIA... O QUE INVENTAMOS!
Como remate de curso, a profe Andrea, de audición e linguaxe, xunto co seu alumnado de 5º fixeron unha obra de teatro á que invitaron aos seus compañeiros e compañeiras da clase. A obra estivo fantástica, os actores e actrices tiñan un vestiario moi adecuado para a situación e os decorados foron moi diversos, tanto como as habitacións de cada un/unha deles/as, ja, ja, ja.
O público estivo moi entregado en todo momento, tanto que mesmo tiveron que repetir a obra por petición dos asistentes.
Un gran espectáculo!
Grazas, Andrea! Grazas Silvia, Mateo, Lucía, Xabi, Auri e Ainhoa!
VIDEO CON LEDICIA
Aquí tedes o enlace para acceder ao artigo do Faro de Vigo no que se recolle a videoconferencia que mantivemos con Ledicia Costas, autora do libro "Escarlatina, a cociñeira defunta"
Semana das Letras Galegas 2020
Ricardo Carvalho Calero | Aquí atoparedes actividades para coñecer a vida e a obra de Ricardo Carvalho Calero |
Ricardo Carvalho Calero naceu en Ferrol en 1910 e faleceu en 1990 en Santiago de Compostela. A Real Academia Galega salienta da súa figura o seu compromiso galeguista, que o levou mesmo a sufrir cárcere tras a guerra civil; a súa faceta de creador literario nos eidos da poesía, da narrativa e do teatro; o seu labor no campo da historia literaria galega, do que pode considerarse fundador coa monumental Historia da literatura galega contemporánea (1963); o feito de ser o primeiro profesor e catedrático universitario de Lingüística e Literatura Galega e a influencia, nos últimos anos da súa vida, das súas ideas sobre a lingua propia de Galicia.
A traxectoria de Ricardo Carvalho Calero pode rastrexarse nas numerosas institucións e entidades vinculadas á lingua e á cultura galegas das que formou parte ou que recoñeceron o seu labor. Foi membro do Seminario de Estudos Galegos, do Partido Galeguista, da Real Academia Galega e da Academia de Ciências de Lisboa, ademais de membro de honra da Asociación de Escritoras e Escritores en Lingua Galega e da Associaçom Galega da Língua (AGAL); dirixiu o colexio Fingoi; participou activamente nas actividades do Grupo Galaxia; foi recoñecido coa Medalla Castelao da Xunta de Galicia (1984) e declarado Fillo Predilecto de Ferrol (1990).
As miñas primeiras Letras Galegas (con vídeos dos Bolechas)
23 DE ABRIL DE 2020. CELEBRAMOS O DÍA DO LIBRO
Nun momento tan especial coma este, confinados, alonxad@s d@s amigos e amigas, familiares e coñecid@s, queremos seguir mantendo a normalidade das celebracións e que mellor que un libro para acompañarnos ao longo dos días.
As nosas amiguiñas e os nosos amiguiños recoméndannos as súas lecturas preferidas.
- « primeira
- ‹ anterior
- …
- 4
- 5
- 6
- 7
- 8
- 9
- 10
- 11
- 12
- …
- seguinte ›
- última »