O día 23 de maio, os alumnos e alumnas de 5º e 6º de Primaria tivemos un agradable encontro co escritor Marcos Calveiro, conciudadano noso.

Marcos veunos contar cousas sobre o seu libro "O carteiro de Bagdad", co que ten acadado recentemente o Premio Ala Delta.

O escritor chegou acompañado dunha montaxe coa que nos explicou o xeito en que foi xurdindo esta obra, que ten como telón de fondo a Guerra de Iraq e que se inspira en distintas novas publicadas en diferentes diarios do noso país.

Moi amablemente, Marcos rematou respostando ás preguntas que os nenos e nenas lle fomos facendo.

Sabela!

O día 29 de abril, os nenos e nenas de 1º estivemos con Sabela, que veu ó noso cole a nos contar contos.

Sabela, como Tomé, ten no peto unha morea de polvos máxicos: os polvos máxicos da imaxinación.

Sabela fíxonos pasar un rato moi divertido, convertíndonos nun auténtico galiñeiro. Incluso, algúns de nós transformámonos nos improvisados actores dun dos seus contos.

Aquí tendes ás galiñas máis guapas do galiñeiro (que discutían entre elas quen era a máis fermosa) e ó rei, que debía decidir cal era a gañadora deste singular concurso de beleza.

Logo, por arte de birlibirloque, Sabela trasladounos á selva, onde nos atopamos cunha mosca chinchosa, cun camaleón, cun armadillo, cun loro, cun mono e cun tigre.

Como o conto nos gustou, rematamos rascando o narís. E como nos gustou moito, agasallamos a Sabela cun forte aprauso.

O día 9 de abril, os nenos e nenas de 3 e 4 anos recibimos a visita de Lois e Sandra, que estiveron a contarnos contos durante un bo anaco de tempo.

Viñeron acompañados de fantásticos instrumentos cos que nos fixeron bailar:

E de libros marabillosos que nos deixaron abraiados:

Grazas polos vosos contos! Voltade axiña!

Os nenos e nenas de 4º estamos a ler un libro que se titula: "Los zorros de Norte". O día 31 de xaneiro tivemos a sorte de coñecer en persona ó seu escritor: Ricardo Gómez. Falóunos da sua obra, por certo, moi interesante, tamén dos seus proxectos.

Houbo autógrafos, fotos, apretóns de máns, sinatura no noso libro de visitas... e despedímonos cun ata sempre.

Se queres ver fotos destes momentos visita a nosa galería

 O día 21 de Xaneiro, os nenos e nenas de 4 e 5 anos participaron nunha actividade de Animación á Lectura a cargo dunha contacontos. Os rapaces e rapazas pasaron un rato moi lúdico e enriquecedor.