RESOLUCIÓN DE BECAS PARA ALUMNADO CON NECESIDADE ESPECÍFICA DE APOIO EDUCATIVO (NEAE)

IMPORTANTE!

Xa publicado na web do Ministerio de Educación e Formación Profesional a resolución das becas e axudas para alumnado con necesidade específica de apoio educativo.

Para consultar toda a información, clicade no seguinte enlace: 

BECAS ANEAE INFANTIL

BECAS ANEAE PRIMARIA

 

Na sede electrónica poderedes consultar a concesión ou denegación da beca de maneira individual, pois non é posible visualizar as listaxes pola protección de datos.

FIN DE CURSO

INFORMACIÓN SOBRE O FINAL DE CURSO:

Entrega de notas:

  • As notas serán publicadas en Abalar Móbil a partir das 9:00 do día 18 de xuño.
  • Os boletíns serán entregados ás familias o mesmo día no que se entregue o material e se recollan os libros do fondo solidario.

Entrega de material escolar (o que quedou nas aulas), boletíns de cualificacións e devolución dos libros do fondo solidario. Para evitar aglomeracións, asígnanse os seguintes días para cada curso:

  • Luns 22 de xuño: 3 anos, 4º e 6º de Primaria.
  • Martes 23 de xuño: 4 anos, 1º e 5º de Primaria.
  • Xoves 25 de xuño: 5 anos, 2º e 3º de Primaria.

Só debe vir unha persoa adulta e é obrigatorio o uso de mascarilla.

FONDO SOLIDARIO DE LIBROS DE TEXTO E AXUDAS PARA A ADQUISICIÓN DE MATERIAL ESCOLAR

 

 Presentación de solicitudes:

 As solicitudes presentaranse preferiblemente por vía electrónica no formulario normalizado

 Prazo de presentación:

  • O prazo de presentación de solicitudes está aberto e rematará o día 19 de xuño.

 Formularios: estarán dispoñibles

  •  Na secretaría do centro

Documentacion:

En todos os casos, ademais da solicitude (Anexo I)

  1. Anexo II.
  2. Copia do libro de familia ou documento equivalente, onde figure o alumno e os demais membros computables da unidade familiar. *En caso de separación ou divorcio, deberán achegar ademais a sentenza xudicial e/ou
    convenio regulador onde conste a atribución da custodia do/da menor.

De ser o caso:

  1. Certificado do grao de discapacidade do/da alumno/a ou de calquera membro da familia recoñecido por un órgano que non pertenza á Xunta de Galicia.
  2. Documentación xustificativa da situación de violencia de xénero no ámbito familiar, en
    calquera das formas que enumera o artigo 5 da Lei 11/2007, do 27 de xullo, galega para a
    prevención e o tratamento integral da violencia de xénero.
  3. Resolución xudicial de incapacitación con patria potestade prorrogada ou rehabilitada.
  4. Resolución administrativa ou xudicial acreditativa da situación de acollemento ou do
    certificado do centro de menores, para o alumnado en situación de tutela ou garda da Xunta de Galicia.
  5. Certificado de convivencia, volante de convivencia ou informe dos servizos sociais ou
    do órgano equivalente do concello onde resida a familia, no caso de que o pai e a nai ou o
    titor o titores carezan de DNI e NIE.

Cando a documentación se presente no centro docente, achegaranse fotocopias e os respectivos orixinais, para que a persoa que a reciba verifique a súa autenticidade.

Devolución libros do fondo solidario do curso 2019-2020:

  • A devolución dos libros emprestados é requisito para a concesión de axudas para o próximo curso.

  • Indicarase no seu día o calendario de devolución.

As listaxes provisionais e definitivas de admitidos e excluídos serán publicadas no taboleiro de anuncios da entrada do centro e tamén se poderán comprobar na aplicación Fondolibros accedendo coa Chave365.

 

Mais info:

Ligazón á orde completa

Ligazón ao resumo das instrucións elaborado pola Consellería

 

Adaptacións das Programacións Didácticas

Nas seguintes ligazóns están as adaptacións das Programacións didácticas para este terceiro trimestre:

Educación Infantil

1º de Primaria

2º de Primaria

3º de Primaria

4º de Primaria

5º de Primaria

6º de Primaria

As notas finais do curso sairán da media entre o 1º e o 2º trimestre, é dicir, do traballo presencial no centro. O traballo do 3º trimestre poderá contar para subir a nota do alumnado ou recuperar materias suspensas.

 

 

Matrícula no Conservatorio de A Guarda

Nestes intres está aberta a de reserva de praza para o curso 2020-2021 no CONSERVATORIO DE MÚSICA DE A GUARDA. Si che gusta a música e estás interesado en aprender a tocar un instrumento, a estudar música, a coñecer novos compañeiros non o dubides e fai xa a reserva. Podes facela cubrindo un pequeno formulario na nosa páxina web https://www.edu.xunta.gal/centros/cmuselementalaguarda/

PRAZOS DE MATRÍCULA

Solicitude de admisión de novo alumnado en Educación Infantil e Primaria desde o 11 ata o 18 de maio. (O centro estará aberto desde as 9:00 ata as 14:00 horas)

     A documentación a entregar é a seguinte:

  • Impreso ED550B. (Pódese solicitar na secretaría do centro ou descargar aquí).
  • Fotocopia da páxina do libro de familia na que aparece a nena ou neno.
  • Fotocopia do DNI da/o menor (se o ten) e dos/as proxenitores/as ou persoas titoras legais.
  • No caso de separación ou divorcio será necesaria a sinatura de ambos proxenitores, agás que a patria potestade estea atribuída con carácter exclusivo a un deles, e presentar a resolución xudicial correspondente.

      As prazas dispoñibles pódense consultar aquí.

 

 

Listaxes provisionais de admitidos/as antes do 9 de xuño

Listaxes definitivas de admitidos/as ata o 26 de xuño.

Formalización de matrícula do 1 ao 10 de xullo. (Mesmo prazo para a matrícula na ESO)

Axudas da Cruz Vermella

Estimadas familias!

Desde o centro facilitamos o contacto da Cruz Vermella a algunhas familias. Apelamos ao sentido común para que soliciten axuda desta agrupación aquelas familias en situación real de vulnerabilidade.

Queremos aproveitar para agradecer a labor que están a facer desde a "Asamblea Comarcal Cruz Roja Bajo Miño".

GRAZAS!

Desde o Sinde queremos agradecer ao GES de A Guarda o seu traballo en xeral e o esforzo realizado para repartir material escolar ao noso alumnado. Por iso o alumnado fixo uns debuxos de agradecemento cos que creamos este vídeo:

 

O teu navegador non soporta este vídeo.

 

LIMPEZA DA PRAIA DO MUÍÑO

 

No blog da Biblioteca tedes un resumo da xornada de limpeza que o alumnado fixo na Praia do Muíño do noso concello:

 

Fai click na imaxe para acceder ao blog

DÍA DA MULLER

 

O día 9 de marzo celebramos no Sinde o Día da Muller. O alumnado puxo as camisetas de cor rosa co lema "O Sinde rumbo á igualdade". Cada clase ideou unha frase sobre a igualdade e leulla ao resto de compañeiras e compañeiros. Por último cantamos La puerta violeta de Rozalén. A continuación tedes un vídeo resumo:

 

ENTROIDO 2020

A continuación tedes un video resumo do entroido deste ano.

INFORMACIÓN DO CONCELLO

DEPOAVENTURA A LANZADA

APERTURA DE PRAZO PARA CAMPAMENTOS DE DEPUTACIÓN: DEPO AVENTURA A LANZADA 2020.

Participantes: nenos/as que teñan o seu domicilio habitual nun concello da provincia de Pontevedra e que nacesen entre o 2007 e 2012 ambos incluídos (entre 8 e 13 anos)

Prazo: ata o 25 de marzo de 2020 (na OMIX 24)

Presentación solicitudes. As solicitudes poderán presentarse: - Preferentemente por medios electrónicos través da web da deputación https://www.depo.gal/depo-aventura, cubrindo os datos no modelo oficial de solicitude https://sede.depo.gal/web/. No caso de presentala en papel a inscrición terá que imprimirse, asinala e presentala en calquera rexistro establecido na normativa reguladora.

DOCUMENTACIÓN: Solicitude e no caso de que os/as menores solicitantes non teñan DNI ou NIE libro de familia.

Se é o caso acreditación da condición de familia monoparental

PREZO: 100€ e no caso de familia numerosa 80€

INFORMACIÓN OMIX A GUARDA ou directamente na web www.depo.gal en Depo aventura A Lanzada

 

ENTROIDO 2020

Este ano Superlector quere que aprendamos que as cores non son de nenos nin de nenas por iso nos pide que cada día do entroido traiamos unha cor nas nosas vestimentas.

Non teñen xénero

as cores do arco da vella

o luns comezamos

traendo roupa vermella.

                  

Aquí ninguén perde,

o martes vestid@s de verde.

          O mércores, que subidón!

vimos tod@s de marrón.

Para ter unha xornada fermosa

o xoves vestid@s de rosa.

 

       O día 21 de febreiro  realizaremos as seguintes actividades no Centro:

·        10:50 horas: xogos no pavillón.

·        12:00 horas: chocolatada ofrecida pola ANPA e degustación de sobremesas do entroido achegadas polas familias.

·        13:00 horas: desfile no Centro ao que estades convidadas/os a asistir.

As familias que o desexen poden colaborar achegando algunha sobremesa típica desta época do ano (filloas, orellas,...)

Os disfraces estarán relacionados con diversos aspectos do mar, que é a temática que este ano se está a traballar no centro.

                                   As vacacións do Entroido abranguen os días 24, 25 e 26 de febreiro.

CONCURSO PILABOT

Este ano volvemos a participar no Concurso Pilabot.

O alumnado poderá traer ao centro pilas, pilas de botón, acumuladores e baterías de uso doméstico.

O período de recollida durará 6 semanas.

Para máis info fai click na imaxe:

pilabot

 

FESTIVAL DE NADAL

FOTOS DO FESTIVAL DE NADAL 2019

A continuación tedes algunhas das actuacións do festival de Nadal do Sinde

(En algúns navegadores non permite o seu visionado. Ademais é preciso Adobe Flash Player)

1º de primaria "DE ELLOS APRENDÍ"

Segundo bailou "Vivir"

Powered by Drupal - Design by artinet