Como cada venres levamos a cabo outra sesión de obradoiros interniveis en Educación Infantil. Esta vez amosamos o obradoiro de arte, onde realizamos uns útiles de baile hawaiano.
Hoxe comezaron as charlas informativas dirixidas ao alumnado de 3º e 4º de Ed. Primaria, organizadas pola Biblioteca de Don Mexillón, para coñecer o funcionamento do Club de Lectura.
En Arts o alumnado traballou Samaín/Halloween realizando un mural para a entrada do colexio así como distintos elementos decorativos para as aulas e corredores. Tamén bailaron ao ritmo da canción Spooku Scary Skeletons!
Ao longos dos últimos días, o alumnado estivo realizando numerosas actividades relacionadas co Samaín/Halloween. Aquí mostrámosvos uns exemplos do que fixeron os cativos do colexio.
O venres volvemos a realizar obradoiros en Educación Infantil. Esta vez amosamos un deles, o de motricidade fina. Neste obradoiro fixemos recortado e fiado de palliñas de cores. Podedes ver unha mostra na seguinte foto:
O pasado venres o alumnado de sexto curso acudiu á igrexa da Pastoriza para realizar unhas lecturas ininterrompidas con motivo da celebración do Día de Valle-Inclán.
Con motivo da celebración do 24 de outubro estreamos a nova imaxe de Don Mexillón, moito máis actual e atlético (acorde ao proxecto deste curso sobre os Xogos Olímpicos). Esperamos que vos guste!!
Xa rematou a formación de usuarios da Biblioteca de Don Mexilón realizada durante os plans lectores. As colaboradoras e colaboradores explicaron a cada unha das clases o funcionamento deste espazo e atenderon ás dúbidas do alumnado. Fixérono estupendamente!