Actividades

 O xurado do II concurso de debate escolar Regueifiñas 2021 que forma parte de Regueifas de Ciencia 2021, unha iniciativa da USC financiada pola FECYT, anunciou que o equipo do IES Valga formado por Alexandra Bandín de 1º Bacharelato e Samuel  Rial de 4º ESO resultou finalista e gañador deste certame. Mencionar tamén que este equipo, que defendeu a postura en contra nun debate sobre a legalización da maternidade surrogada en España, tivo como moderadora a Alicia Iglesias (1º Bacharelato) e como colaboradores ao alumnado Noelia Miguéns (1º Bacharelato) e Rodrigo Vidal (4º ESO), sendo coordinados polas profesoras Dulce Serramo e Loli Rego.

 O xurado valorou moi positivamente a relevancia e actualidade dos temas escollidos, a boa preparación das intervencións dos/as poñentes e a súa capacidade de argumentación. Ademais, o respecto ao formato proposto por Regueifas foi excelente, destacando tamén o papel dos/as moderadores/as dos debates.

Parabens!!! a todo o equipo por este recoñecemento.

O mércores 24 de febreiro, o alumnado de Xeoloxía de 2º Bacharelato participou na fase autonómica da XI Olimpíada de Xeoloxía. Foi organizada pola AEPECT (Asociación Española para la enseñanza de las Ciencias de la Tierra), a Sociedade Española de Xeoloxía e o Colexio Oficial de Xeólogos. na que participaron centros de toda Galicia e entre eles o noso Centro, que estivo representado polo alumnado de 2º Bacharelato: Sonia Costa e Álex Cortés. Foron acompañados pola profesora do Departamento de Bioloxía e Xeoloxía, Ana Bueno. A proba realizárona na aula de Informática do centro porque, ante a situación sanitaria actual, esta olimpíada realizouse de forma telemática.

O mércores 12 de febreiro o alumnado de Xeoloxía de 2º Bacharelato participou na fase autonómica da XI Olimpíada de Xeoloxía. Foi organizada pola AEPECT (Asociación Española para la enseñanza de las Ciencias de la Tierra), a Sociedade Española de Xeoloxía e o Colexio Oficial de Xeólogos. Este evento tivo lugar en Santiago de Compostela, no Museo de Historia Natural da USC, e na Facultade de Bioloxía. O alumnado, ademais de realizar as diferentes probas, asistiu a unha conferencia sobre as turbeiras galegas.