Revista O paroleiro
O Ronsel do Paroleiro nº 12, on-line
Xa está na rede o nº 12 do Ronsel do Paroleiro. Este ano, na revista do instituto, temos unha ampla reportaxe sobre a nosa participación no Parlamento Xove. Non faltan os ganadores do concurso de cartas de amor e os do concurso de poemas. Tamén hai unha entrevista con Antón Muñiz falando da historia e das árbores do pazo de Barallobre, algo de deportes, os recortes na educación vistos por un pai, o Erasmus no que estamos a traballar,... O prezo da edición en papel é de só 50 céntimos destinados integramente á Cociña Económica de Ferrol.
Agradecemos especialmente a Roberto Marín que nos prestase a foto da portada que nos serve para reivindicar que aquí sabemos reparar e facer barcos.
O Ronsel 2011, a revista do IES de Fene
O Ronsel reaparece. Como o seu nome indica, nestas páxinas atoparás as pegadas que van deixando algunhas das actividades que se realizan no noso instituto. Como sempre dicimos, nin están todas, nin tampouco as que están aparecen por seren as mellores. Son, simplemente, algunhas. Moitas delas, iso si, xa forman parte do discorrer cotián da propia actividade académica diaria ou son xa tradicionais no IES.
Continuamos un ano máis coa crise chantada enriba de todos e todas. Falamos da crise económica e falamos da crise de identidade. Falamos de cartos e falamos de actitudes. Estamos certos de que virán tempos mellOres nos que botaremos a vista atrás e veremos que moitos receos están superados porque o tempo pon as cousas no seu sitio.
Este ano celebramos o Día das Letras conmemorando a figura de Lois Pereiro. Pero este ano, ademais, coincidiron outros moitos aniversarios de figuras importantes da nosa cultura, moitas das cales foron tamén homenaxeadas polo noso profesorado e alumnado, e por iso, precisamente, terán o seu reflexo nestas páxinas que tes diante.
Desexamos, como sempre, que vos guste o que vén a continuación e que sigades traballando como até agora.
Un saúdo.
Ver O RONSEL -Nº 11 - Ver edicións anteriores
 |
 |
 |
O ronsel do Paroleiro Nº 10
Xa está publicada a edición dixital de O Ronsel do Paroleiro deste curso 2009-10, a revista dos dous institutos, o IES e o CIFP de Fene que conxuntamente editan esta publicación cada mes de maio. Nela dase conta das actividades levadas a cabo en ambolosdous institutos durante o último curso.
Acceso a O Ronsel do Paroleiro nº 10
