IES Pedras Rubias

Metidos no mes de marzo e a voltas co Día da Muller, publicamos os relatos gañadores do mes de febreiro.

Se queredes lelos, só tes que premer nos cursos:

1º B

4º A

Noraboa e a seguir participando!

1º premio (Play Station): 5.722

2º premio (televisión): 17.613

O día 23 de febreiro cumpríronse 187 anos do nacemento de Rosalía de Castro.

Para celebralo, no IES Pedras Rubias o Departamento de Lingua Galega e Literatura organizou un Concurso Artístico de Creación Propia. Para a elaboración destas creacións partiuse da inspiración da natureza, igual que inspirara a Rosalía nalgunhas das súas composicións.

Dúas foron as modalidades de creación: haikus (para 1º de ESO) ou composición poética acompañada dunha planta silvestre (para os restantes cursos), en ambos casos relacionado coa figura de Rosalía de Castro e a natureza.

Houbo de prazo ata o xoves 29 de febreiro.

Para máis información podedes consultar as bases completas.

Outorgáronse 3 premios por cada modalidade. Velaquí o alumnado premiado.

Parabéns a todas e grazas pola vosa participación.

Un ano máis o departamento de Lingua Galega e Literatura convocou o concurso de mensaxes de amor e amizade Chío con amor.

E como non podía ser doutro xeito, tivo unha grande acollida.

No seguinte enlace pódense consultar as bases.

Resultaron gañadoras as seguintes alumnas:   

Este curso houbo que adiar unha semana o desfile de Entroido polas rúas de Salceda por razóns meteorolóxicas. Pero durante toda a semana do 5 ao 9 de febreiro a alegría estivo presente grazas aos mandados da Meca, que foi indicando o que se debía traer cada día.

A aula gañadora resultou a de 4º ESO B.

O premio consistirá nunha xornada de xogos populares no patio do instituto acompañada dunha chocolatada na cafetería.

E chegado o ansiado 17 de febreiro, tivo lugar o día grande do Entroido e desfilamos pola vila xunto ao resto de centros educativos de Salceda de Caselas.

Posteriormente desfrutamos das actuacións das 18 comparsas participantes. Todas elas recibiron de premio de participación unha chocolatada na cafetería do instituto. Outorgáronse dous premios: o 2º acadouno Construción P. R., integrada polo alumnado de 2º de Bacharelato, e o 1º foi para Res-acón, composta por alumnado de 4º de ESO maioritariamente.

O profesorado non quixo desaproveitar a ocasión e encheron as rúas de Salceda de superheroes e superheroínas.

Deixámosvos aquí a participación do IES Pedras Rubias na Celebración do Día Mundial  da Radio para Ponte nas Ondas, que xira arredor do Entroido.

Estes son os modelos de camisetas que pode vender o alumnado do instituto participante nalgunha das excursión organizadas este curso.

IMPORTANTE: O DEBUXO VAI NA PARTE DE ATRÁS DAS CAMISETAS.

Ás portas do Entroido, de san Valentín, do Día Mundial da Radio, do día de Rosalía… e co novo ano iniciado, publicamos os relatos gañadores do mes de xaneiro.

1º B

4º A

Parabéns para as gañadoras e a seguir participando!

Lembrade que podedes enviar os vosos relatos de febreiro ata o 24, que este ano é bisesto. Esperámosvos!

Cargados de ilusión e bos desexos comezamos este novo ano 2024 publicando o relato gañador do mes de decembro que, por razóns máis que obvias, só contamos co participación da  nosa alumna incondicional, Lucía Fernández Gándara.

Premede no curso se queres ler o seu relato:

4º A

 Parabéns e a seguir participando!!

Un ano máis o IES Pedras Rubias, xunto aos dous institutos de Tui (Indalecio Pérez Tizón e San Paio), e este ano tamén o IES Ribeira do Louro de Torneiros, implicouse nos actos de conmemoración dos Mártires de Sobredo, con motivo do aniversario das mortes de Cándida Rodríguez, Xaquín Estévez e Venancio González por disparos da forza pública, o 28 de novembro no lugar de Sobredo (Guillarei), no contexto da loita antiforal no ano 1922.

Dende o curso 2012-2013 este acto conmemorativo ten o valor engadido de estar en conexión co ”Instituto de Estudos Agrarios Mártires de Sobredo”, creado en 2012 polos Concellos da contorna. Tras o acordo unánime do Claustro no mes de marzo de 2013, constamos como colaboradores desta actividade que levamos realizando desde hai anos.

Como xa tiña sucedido noutras edicións, por mor do mal tempo, a actividade tivo que ser adiada e, finalmente, puido levarse a cabo o 19 de decembro.

O alumnado de 4º da ESO dos catro institutos realizaron unha andaina conxunta desde Tui. Acompañounos D. José Martínez Tato, concelleiro de Tui e presidente de Andatui, que lles serviu de guía e foilles explicando durante o percorrido os principais acontecementos e lugares da loita antiforal.

Chegados ao monumento de Sobredo, levouse a cabo a tradicional homenaxe aos asasinados, coa lectura duns textos de carácter poético, histórico e artigos de prensa da época.

Interpretáronse varias pezas musicais con instrumentos tradicionais e de banda a cargo do alumnado do IES Pedras Rubias.

Levouse a cabo a ofrenda floral ante o monumento de Camilo Nogueira, inaugurado en 1932, dinamitado en 1936 e recuperado en 1988.

Rematouse cantando todos xuntos o himno galego.

Finalizada a homenaxe, houbo un tempo de lecer e de convivencia entre os catro institutos, coa xa tradicional degustación de rosca.