Un ano máis commemoramos o día internacional da muller con moitas actividades no centro. E un ano máis queremos homenaxear a todas as mulleres dende os micros de Onda Raia.

Un grupo de alumnas/os de 4º ESO poñen voz para reivindicar a igualdade de xénero en todos os aspectos da nosa sociedade.

Conversan e entrevistan a unha muller que temos moi cerca de nós. Irma, Orientadora do noso centro.

Aí vai!

O entroido salcedense en Onda Raia. Un programa "entroidano", onde desenmascaramos o que hai detrás de cada comparsa e carroza. Algúns alumnos/as do IES Pedras Rubias nolo contan a ritmo de carnaval.

Unha data máxica para Salceda, unha actividade lúdica, divertida e na que non queda ninguén que non disfrute cada minuto desta festa na que os libros deixan de ser os protagonistas.

O pasado día 12 de decembro ás 12 da mañá, o alumnado que forma parte do club de lectura e dos MQs reuniuse na biblioteca para recitar o poema "Deitado frente ao mar", sumándose así á iniciativa proposta pola Coordinadora Galega de Equipos de Normalización e  Dinamización Lingüística para celebrar o 100 aniversario do nacemento en Celanova de Celso Emilio Ferreiro.

O xoves 24 visitounos Sara Hermida, unha benquerida exalumna e fantástica lectora, que fixo desta sesión do Tamén len toda unha declaración de principios ao elixir compartir con nós o discurso que Steve Jobs dera na Universidade de Stanford.

Traducción ao galego feita por Sara Hermida

Tamén len, en decembro... con Javier Costas | IES Pedras Rubias
akrsjvtmjid
krsjvtmjid http://www.gf84o132g0g2vrsm8jvs6l2jl51293w8s.org/
[url=http://www.gf84o132g0g2vrsm8jvs6l2jl51293w8s.org/]ukrsjvtmjid[/url]

Un grupo de alumnos/as de 1º ESO fan un especial de Rap, elixindo neste caso a unha rapeira que estivo no noso instituto hai pouco. Aid, artista e compositora de hip-hop. Presentan o seu último disco, RAPOEMAS, poesía galega a ritmo de rap. Tradición e modernidade con forza, frescura e actualidade.

Un venres máis de Entroido o instituto implicouse na celebración desta data tan celebrada en Salceda. Os profes non faltaron a súa cita, esta vez, tocou "pitufos e pitufinas".

A clasificación de comparsas dos rapaces quedou do seguinte xeito:

Xesús Presa Vaqueiro, escritor e divulgador da “intrahistoria” local, especialmente a través do seu blog http://largandolastreyletras.blogspot.com, rescatou do esquecemento ao escritor Manuel Pérez y Pérez, natural de Budiño (Salceda) emigrou moi novo a sudamericana como tantos galegos a finais do século XIX e alí escribiu nos mellores xornais de Arxentina e Brasil, ademais de publicar múltiples relatos e artigos de prensa escribiu varias novelas e un ampla obra poética. Xesús Presa rescatou do esquecemento a este escritor nun libro publicado hai un par de anos. Dende o departamento de Lingua Castelá convidamos a Xesús Presa a que nos visitara e nos falara de Manuel Pérez, quen escribiu a maior parte da súa obra en castelán, intentando revitalizar e dar a coñecer a este escritor  entre a xuventude de Salceda. A charla tivo lugar o martes 29 de xaneiro.

Tamén podes escoitar só o audio:

Os alumnos/as de 1º ESO preséntannos a nova programación do curso 2012-2013 de Onda Raia.

Un dos obxectivos principais este curso do IES Pedras Rubias é a música.

Dende Onda Raia queremos ser un alicerce neste sentido levando a música dos programas e os contidos da programación a través das notas musicais.

Cantantes, grupos, instrumentos, xente que se dedica á música, que ten inquietudes musicais, música na sociedade, a música dos nenos/as, no día a día. Música nos xogos, nos traballos, tradicionais,clasicas, lexendarias,  modernas, variadas... un mundo que nos levará de viaxe a través das ondas radiofónicas de Onda Raia e das voces dos nosos alumnos/as.

Disfrutade!