Taboleiro

Finalizado o primeiro ano de implantación no noso centro, o proxecto EDIXGAL continuará aplicándose en 1º e 2º de ESO no curso académico 2018-2019. Se ben a Consellería de Cultura e Educación manifestou, nun principio, a intención de continuar estendendo o proxecto aos cursos máis altos, finalmente optou por mantelo cinguido a 1º e 2º de ESO, polo de agora, a cambio de dar entrada a un maior número de centros.

O proxecto EDIXGAL consiste, en poucas palabras, en proporcionar aos alumnos e alumnas un ordenador portátil (dispositivos convertibles de 12 pulgadas que funcionan como ordenador ou como tableta) que terán ao seu dispor as 24 horas do día para traballar con recursos dixitais gratuítos (libros dixitais, actividades interactivas, etc.) utilizando metodoloxías activas, máis apropiadas para formarse nas competencias e habilidades que se requiren para desenvolverse na sociedade actual.

Durante os días 3, 4 e 5 de setembro están programadas as probas da convocatoria extraordinaria de setembro. A continuación detállanse os calendarios das diferentes ensinanzas:

O alumnado traerá os libros o xoves 21 de xuño en clase. O titor/a será o encargado de revisar o bo estado dos libros e fará unha valoración do estado dos libros entregados. (Condición imprescindible para poder ter dereito á participación no Fondo Solidario de Libros de Texto no curso 18-19.)

Chamamento á solidariedade: Con respecto aos demais libros (os comprados polas familias), pedimos a colaboración das familias para doalos altruistamente ao Fondo de Libros do centro e así poder ampliar este.

Un ano máis, a Universidade de Santiago de Compostela convoca o campus de verán XuvenCiencia de Lugo, no que 150 estudantes de ensino medio vivirán unha semana de experiencias inesquecibles.

O obxectivo do Campus de Verán é poñer ao alumnado en contacto directo coas diversas ramas das ciencias experimentais e sociais e da tecnoloxía, así como coa contorna universitaria.

Convocatoria

Está aberta a convocatoria, dirixida ao alumnado do noso centro, para realizar as prácticas de FCT no estranxeiro neste curso académico 2017/2018 (Programa Erasmus+)

Se estás cursando o segundo ano dun ciclo formativo de grao medio ou de FP Básica podes presentar a túa solicitude ata o martes día 17 de outubro. Información máis detallada no noso blog de Programas Internacionais.

Matrícula directa en prazas vacantes liberadas:

(A partir do martes 26 ata as 13:00 h do venres 29)

Se non che foi adxudicada unha praza tamén podes matricularte directamente nas prazas vacantes (nº limitado) ata o día 29 de setembro. A matrícula realizarase por orde de chegada, só con acreditar os requisitos de acceso e presentar a documentación indicada máis abaixo.

Consulta a listaxe de ciclos con prazas vacantes liberadas.

O IES Perdouro incorpórase ao proxecto EDIXGAL a partir do curso 2017-2018

O proxecto EDIXGAL consiste, en poucas palabras, en proporcionar aos alumnos e alumnas un ordenador portátil (novos dispositivos convertibles de 12 pulgadas que funcionan como ordenador ou como tablet) que terán ao seu dispor as 24 horas do día para traballar con recursos dixitais gratuitos (libros dixitais, actividades interactivas, etc.) utilizando metodoloxías activas, mais apropiadas para formarse nas competencias e habilidades que se requiren para desenvolverse no século XXI.