Skip to Content

Curso 2017-2018

Montaxe da exposición "A Mariña pensando en feminino"

Ven, 04/05/2018 - 21:17 — karina
Hoxe fumos pola tarde ata Viveiro montar a exposición "A Mariña pensando en feminino" da Microrrede de bibliotecas escolares Plambe da Mariña.


 
A nosa aportación leva por título "A Mariña en cen palabras" e foi feita polo alumnado de 1º de ESO. Para iso contamos coa colaboración de Maribel, de Antón, de Bernardo, Miruca; Mçº José e do alumnado de2º ESO para a selección das cen palabras que recollen a nosa Mariña en nome de muller en dezaseis categorías. O alumnado tivo que facer unha pequena explicación da palabra e unha foto da mesma. Unha vez terminada a tarefa da procura e das correccións da expresión escrita polas profesoras, Miruca e Mª José, o alumnado pasou a limpo o textiño nunha plantilla deseñada para tal efecto, debuxou o título dun xeito algo máis artístico e pegou a fotografía horizontal.
 
Logo o alumnado de 3º de ESO axudounos pegando as cartulinas entre si para compoñer o mural definitivo de algo máis de 5 metros de longo!!! O alumnado de 1º de Bach fixo o cartel presentativo da nosa exposición.
 
Parabéns porque o resultado mereceu a pena. A nosa Mariña ten moito de feminino e non debemos esquecernos deste patrimonio tan valioso. 

Accede aquí ao albúm de fotos da montaxe.

A MARIÑA PENSANDO EN FEMININO
 
INDUSTRÍA 1. Fundición de Sargadelos 2. Cetaria 3. Lonxa de Burela 4. Mina da Silvarosa 5. Alcoa GASTRONOMÍA 6. Torta de Mondoñedo 
ARTE 7. Cerámica de Sargadelos 8. Cerámica de Gudín 9. Cerámica de Regal 
HISTORIA 10. Catedral de Mondoñedo 11. Basílica de San Martiño 12. Igrexa da Vila do Medio 13. Casa indiana 14. Cova da Doncela 15. Casa de Pedrosa 16. Casa da Administración 17. A Roda 18. Porta Carlos V 19. Praza da Mariña 20. Pía de Cabo Burela 21. As tetas da Vinculeira 22. Pena Abaladoira 23. Pena da Roda 24. Cornería 25. Mámoa de Guillán 26. A Bañeira do Mariscal 27. Finca galea 28. A Mariscala 29. A Paula 
MONTAÑAS 30. Fraga Vella 31. Fraga da Vilapena 32. Fraga da Becerreira 33. A Frouxeira FESTAS 34. Festa indiana 35. Festa normanda 36. Festa castrexa 37. Maruxaina 38. Xira de Santa Cruz 39. Festa da Faba 40. Festa da Tortilla 41. Festa da Queimada 42. As San Lucas 43. As Quendas 44. Alfombras do Carme 45. Festa da Palabra 
FONTES 46. Fonte Vella 47. Fonte das Rosas 48. Fonte de Area 49. Fonte da Zapata ILLAS 50. Illa Pancha 51. As Portelas 52. As Chaciñeiras 53. As Salseiras 54. Illa Coelleira 55. Illa Gabeira 56. A Insúa PONTES 57. Ponte da Misericordia 58. Ponte da Cazolga 59. Ponte da Marisma 60. Ponte dos Santos 61. Ponte do Pasatempo 
PUNTAS 62. punta da Atalaia 63. Punta Roncadoira 64. Península da Paz 
PRAIAS 65. Praia de Augas Santas 66. Praia da Rapadoira 67. Praia de Covas 68. Praia da Marosa 69. Praia de Anguieira 70. Praia das Pasadas 71. Praia de Lóngara 72. Praia de Area PROFESIÓNS 73. Redeiras 74. Palilleiras 75. Mariscadoras 76. Xogadoras de fútbol sala 77. Percebeiras 78. Batukeiras 
MULLERES 79. Almudena Rodríguez Fernández 80. Marina Mayoral 81. Antía Yáñez 82. Olalla Cociña 83. Rebeca Maseda 84. Olga Castro 85. Rosalía Castro 86. Laura Blanco 87. Paz Rodríguez Silva 88. Faustina Sollosa 89. María Sarmiento 90. Mercedes Rodríguez Moreda 
VILAS 91. Vilanova de Lourenzá 92. Burela 93. Foz 
PALABRAS 94. Xógara 95. Rasa Cantábrica 96. Furna 
PESCA 97. Pescada 98. Sardiña 99. Confraría 100. Conserveira
  • 2254 lecturas

"A Mariña pensando en feminino" - exposición da Microrrede da Mariña

Xov, 03/05/2018 - 23:01 — karina
"A Mariña pensando en feminino" 
 
Entre os días 7 e 10 de maio de 2018, ambos inclusive, está aberta ao público unha exposición titulada “A Mariña pensando en feminino”, preparada polas bibliotecas escolares que integran a MICRORREDE DA MARIÑA e resultante dun proxecto colaborativo.
 
Somos 14 centros integrados nesta microrrede que xa leva uns 7 anos en funcionamento.
 
A exposición dos traballos poderá verse na biblioteca municipal así como no salón multiusos do Concello de Viveiro de 18h a 20h.
 
Os traballos que aí se presentan teñen un claro componente de xénero e teñen como obxectivo principal dar visibilidade á muller e ao empoderamento da palabra, da figura, da cultura, dos oficios, das voces, das letras, do patrimonio dende o punto de vista máis feminino.

A inauguración de dita exposición terá lugar o luns 7 de maio ás 18h na praza do Concello de Viveiro.

Premiados no Enreguéifate!!!!

Mér, 02/05/2018 - 22:27 — karina
A agrupación Patacas Bravas composta por Cristian, Érica, Sergio, Eliane e Noé foi recoller esta mañá no Auditorio de Santiago o premio á regueifa mellor cantada no certame Enreguéifate. 

Máis fotos aquí.

  • 1292 lecturas

Concerto didáctico de Abraham Cupeiro.

Mar, 01/05/2018 - 22:23 — karina
O pasado día 11 de abril os alumnos de 2° e 3° de ESO fumos a un concerto didáctico impartido polo musicólogo Abraham Cupeiro.

Neste concerto percorrimos unha viaxe dende a prehistoria ata a actualidade a través de diferentes instrumentos de vento. Vimos aerófonos de todo tipo: metal, madeira, mecánico, boquilla, bisel…
Un concerto moi entregado no cal adquirimos moita cultura musical.

Podes acceder ao albún de fotos e vídeos aquí.   
 
Alejandro Bermúdez - 2º ESO A
  • 1952 lecturas

"A Mariña pensando en feminino" - Exposición conxunta da Microrrede da Mariña.

Lun, 30/04/2018 - 19:58 — karina

Xa contamos co programa da exposición conxunta da Microrrede de bibliotecas escolares da Mariña que terá lugar na Sala Multiusos do Concello de Viveiro e na biblioteca municipal de Viveiro.

Entre os días 7 e 10 de maio de 2018, ambos inclusive, de 18h a 20h, estará aberta ao público unha exposicióntitulada “A Mariña pensando en feminino”, preparada polas bibliotecas escolares que integran a MICRORREDE DA MARIÑA e resultante dun proxecto colaborativo.

Este ano é o séptimo no que as bibliotecas de 14 centros educativos da zona da Mariña veñen a desenvolver un proxecto conxunto para o fomento da lectura nas familias. Dito proxecto trata de involucrar ao maior número de sectores que influen na promoción dos libros, o gusto pola lectura, o intercambio de experiencias e sobre todo, impulsar a colaboración das familias na promoción da cultura e a formación lectora dos seus fillos. O proxecto deste ano titúlase "A Mariña pensando en feminino" e acompáñao un conxunto de actividades dinamizadoras.

Os traballos que aí se presentan teñen un claro componente de xénero e teñen como obxectivo principal dar visibilidade á muller e ao empoderamento da palabra, da figura, da cultura, dos oficios, das voces, das letras, do patrimonio dende o punto de vista máis feminino.

 Para o acto de inaguración, contaremos coa actuación da cantante galega GUADI GALEGO, coñecida por unirse á loita contra a violencia machista. A súa canción 'Matriarcas' é unha homenaxe ás mulleres fortes que loitan contra a morea de obstáculos que lles impón a vida só por nacer de sexo feminino. Teremos unha performance do ColectivoLAG. Son Lara Buyo e Ana Corujo, dúas curiosas mentes inquietas graduadas en Belas Artes e cun Máster en Arte Contemporánea. Dedican a súa traxectoria á performance defendendo a arte en parella baixo unha liña que reivindica a igualdade de xénero. Un grupo de escolares cantarán e empregarán a linguaxe de signo para cantar Chea de Vida e Matriarca de Guadi Galego.  A nosa alumna de 1º de bach, Andrea Rivas Villarquide, lerá o seu manifesto "Eu son muller".

 Como actividade dimanizadora, este ano traemos un grupo de teatro Adala Infantil, conformado por un grupo de nenas e nenos focenses, que representará a obra "Mamasiña que medo!". A obra conta a historia dunhas bruxiñas e un ogro moi particulares.

Para clausurar estas xornadas da Microrrede A Mariña pensando en feninimo, un coro de escolares cantaran a Saia da Carolina e a canción dos Maios. Tamén teremos a actuación das Moreninhas, 3 raparigas de Cabo Verde recen chegadas a nosa terra galega que nos cantarán Txica Bonita e No niño novo do vento. Elas tres son o reflexo da integración e da fusión cultural. Contaremos cun encontro literario coa presenza de Rita Morrigan que  sorprende no panorama da novela romántica actual española con libros moi elaborados nas súas historias, con personaxes máis definidos, con mulleres avanzadas para a súa época.



No proxecto A Mariña pensando en feminino participan os centros educativos da zona da Mariña que se citan a continuación:

  • 1520 lecturas

Regueifando pola igualdade

Xov, 26/04/2018 - 22:00 — karina

Estamos super contentxs. "Patacas bravas" clasificado para ir regueifar o 2 de maio.
#Regueipremios #Regueifaexpansiva #Regueifesta

 

  • 1638 lecturas

Día Mundial da Bicicleta - Volta a Burela

Sáb, 21/04/2018 - 16:36 — karina
O Departamento de Educación Física organizou o xoves 19 de abril un acto para conmemorar o Día Mundial da Bicicleta. Tratouse dunha actividade de participación voluntaria, onde os alumnos e profesores que así o decidiron saíron en bici dende o instituto para realizar unha ruta por Burela seguindo o itinerario proposto duns 13 km. Participaron unhas 50 persoas entre alumnos, profesores e outro persoal de apoio.
 
Contouse co apoio do Concello e Protección Civil para a organización e correcto desenvolvemento da carreira. 
O día prestouse moi ben para esta pequena volta a Burela!!!
Accede ao albúm de fotos aquí.
  • 202 lecturas

De Burela a Santa Comba: andar a terra para coñecela e querela cada vez máis.

Dom, 15/04/2018 - 21:50 — karina
O venres 13 de abril o alumnado de 2º de ESO viaxou ata o concello de Santa Comba para encontrarse con alumnos e alumnas do IES Terra de Xallas no marco dun intercambio en lingua galega programado polos Equipos de Dinamización de ambos centros edudativos.
 
Ler a completísima crónica do profesor Bernardo Penabade aquí.
 
Podes acceder à reportaxe fotográfica aquí.
  • 2192 lecturas

Día Mundial da Bicicleta

Dom, 15/04/2018 - 21:05 — karina
No Día Mundial da Bicicleta que se celebra o 19 de abril, o departamento de Educación Física do IES Perdouro organiza unha ruta duns 13 km por Burela. A saída está programada para as 12h30 dende o patio do IES Perdouro, e a volta para as 14h. Quen queira participar pode unirse. Só ten que vir en bici e con casco.
  • 216 lecturas

Representación teatral Anágnorise (Letras Galegas)

Xov, 12/04/2018 - 23:00 — karina
O xoves 5 de abril o alumnado de 3º e 4º de ESO acudimos á representación da obra teatral Anagnórise na Casa da Cultura do Concello de Burela. Ademais de nós, tamén estaban os alumnos de secundaria doutros institutos da zona.

A obra teatral está baseada no libro de María Victoria Moreno Márquez que nós limos na Semana Santa para facer un exame o día 3 de abril, polo que xa sabiamos a trama e o desenlace da historia.

O espectáculo, que foi interpretado por dous rapaces de Limiar Teatro, comeza co tema de David Bowie que tanto lle gusta a Nicolau, o .... seguir lendo a crónica de LAURA PERNAS no blogue de Perdourando.

 

  • 1694 lecturas

Obradoiro de xornalismo e pensamento crítico

Mér, 11/04/2018 - 22:56 — karina
No mes de abril tivemos, o alumnado de 4º da ESO, varias actividades educativas relacionadas coa tecnoloxía e o mundo dos medios de comunicación e unha delas tivo lugar o xoves día 5 na Biblioteca do Centro impartida por Blanca Díaz, xornalista e especialista en comunicación, que nos fixo reflexionar criticamente sobre o labor xornalístico.

.... seguir lendo a crónica de MARÍA FANEGO no blogue de Perdourando.

  • 1360 lecturas

Roteiro pola Mariña - 2º ESO

Mar, 10/04/2018 - 23:16 — karina
O pasado venres 23 de marzo os alumnos e alumnas de 2º de ESO participamos nun roteiro pola Mariña Central. A primeira das nosas paradas foi en Fazouro para admirar o castro que alí se ergue. Unha parada especialmente interesante, non só pola súa historia, senón tamén pola influenza romana coa que foron construidos. Lugar de especial interese pola .... seguir lendo a crónica de Alba Geada de 2º ESO A no blogue de Perdourando.
  • 1462 lecturas

ExpoCosmética en Porto - Portugal

Dom, 08/04/2018 - 23:10 — karina
As alumnas e alumnos do CM de Peiteados e Cosmética Capilar están no Porto para asistir á feira ExpoCosmética, a maoir feira do sector da beleza e ben-estar a nivel ibérico. Coñeceran novos produtos e tendencias deste Salón Internacional de Cosmética, Estética e Cabelo.
Tiveron a oportunidade de asistir a varias presentacións de traballos realizados en directo por profesionais. Ata o noso alumno Antón fixo de modelo de corte para Sir Fausto Barber.
Accede ás fotografías aquí. 
  • 214 lecturas

IMATXINA, outro xeito de aprender matemáticas

Sáb, 07/04/2018 - 22:58 — karina
O pasado mércores 21 de marzo os alumnos de 1º ESO viaxaron a Coruña para participar nos obradoiros de matemáticas manipulativas IMATXINA, que tivo lugar no IESIDE (Fundación Abanca). Previamente visitaron a Casa das Ciencias, de 10:30 a 11:30h.
 
Na súa XIV Edición, IMATXINA é un encontro didáctico organizado pola Fundación Escola Rosalía e Afundación, a Obra Social de Abanca, onde se difunde un modelo para aprender as matemáticas dunha maneria lúdica, manipulativa e participativa.
Os obxectivos principais de IMATXINA son os de fomentar a imaxinación e a creatividade, a curiosidade e o espírito crítico a través de prácticas divertidas, dinámicas e atractivas.
O alumnado aprendeu a traballar en equipo, a valorar e a respectar as opinións propias e alleas.

Accede á reportaxe fotográfica aquí. 

 

 
  • 220 lecturas

Obradoiro sobre racismo, igualdade e valores

Sáb, 24/03/2018 - 17:09 — karina
Ao longo desta semana, o alumnado de ESO reflexionou sobre o racismo  nun obradoiro conducido por Antoinette Torres Soler, unha muller cubana de raza negra que chegou a España no 2007 a través dun matrimonio mixto.Ela estívonos contando moitas das súas experiencias dende que chegou; xa antes de chegar, a xente dicía que ela se trasladaba a España para conseguir os papeis e para gañar diñeiro e non por amor ao seu marido, co que actualmente leva doce anos casada e ten unha filla. Tamén nos contou a ocasión na que estaba ..... seguir lendo a crónica de JORGE QUELLE - 3º ESO no blogue de Perdourando.
  • 1605 lecturas
Distribuir contido


by Dr. Radut