Skip to Content

Curso 2020-2021

Participamos na fase nacional da II Olimpíada Científica Xuvenil Española

Mér, 01/09/2021 - 14:18 — miruca

A fase nacional da II Olímpiada Científica Xuvenil terá lugar en Oviedo do 1 ao 4 de setembro. Nela participan por parte do IES Perdouro, Raúl Cayón Fernández, Nerea Francos Cornide e Paula López Martínez, gañadores da fase autonómica galega. Van acompañados pola súa profesora Charo Fernández Suárez. Nesta ocasión participarán con outros 16 equipos nunha proba que constará das seguintes partes: 

- test individual, 

- problemas e cuestións para desenvolver tamén de xeito individual 

- e probas experimentais en equipo. 

Pódese consultar máis información en https://quintescience.es/ijso/fase-nacional-2021/

Desexámoslles moita sorte neste reto!!

 

  • 342 lecturas

Recompilando os 21 días co galego e máis....

Xov, 15/07/2021 - 21:46 — karina

Este curso recibimos un reto: o dos 21 Días co galego e máis. Así foi como formamos parte desta estupenda iniciativa xunto a outro nove centros de Galicia e como nos convertimos en factoría de produción audiovisual con propostas diversas para achegarnos ao galego e á súa cultura.

Na seguinte presentación recollemos algúns dos traballos realizados:

 

  • 260 lecturas

Receita saudables, unha publicación do alumnado de 2º ESO 19-20

Lun, 28/06/2021 - 17:45 — karina
Receitas saudables, un traballo feito durante o confinamento polo alumnado de 2º ESO. 
Esta mañá fíxose entrega da publicación ao alumnado implicado polo seu profesor de Educación física, Benxa Soto. 
A publicación conta con 39 receitas repartidas en varias seccións: verduras, arroces, carnes, peixes e mariscos, menús vexetarianos, cociña internacional e sobremesa. 
En cada receita clasifícanse os ingredientes empregados en 3 grandes tipos seguindo o modelo de “My Real Food” de Carlos Ríos, quen divide de forma sinxela os alimentos en 3 grupos: comida real, bos procesados e ultraprocesados.
Como se trata de receitas saudables, neste libro predominan os alimentos reais e os bos procesados, mentres que os ultraprocesados serán reducidos na medida do posible.
Esperamos que este libro vos sexa útil e que contribúa a unha alimentación saudable, completa, variada, equilibrada e saborosa. 
Agradecemos a colaboración da alumna Laura  González Freire na ilustración da portada.
Para descargar : PDF
 
  • 139 lecturas

Acto de presentación da revista Maruxía nº 27

Mér, 23/06/2021 - 20:18 — karina

A asociación cultural Os Matos do IES Perdouro presentou o nº 27 da publicación Maruxía en colaboración co Equipo de Dinamización e coa Biblioteca.

22/06/2021

Celia, Sofía, Antón e Álvaro, alumnado de 4º de ESO TIC, conduciron o acto e encargáronse de explicar como tiveron que traballar en equipo para poder sacar a diante unha nova edición da revista escolar. Maquetaron en Scribus e Canva as crónicas do alumnado e editaron as fotografías con GIMP. Distribuiron os artigos en varias seccións. Un ano máis, os principais responsables da elaboración dos contidos da revista foron alumnos de ESO, de bacharelato e docentes do centro. Tamén inclue códigos QR que fai dela unha revista máis interactiva para acceder aos traballos audiovisuais feitos neste ano académico.

27 anos despois, a revista escolar dos Matos segue recollendo unha mostra das actividades e traballos realizados no centro durante un ano escolar diferente sen ningunha saída por culpa da pandemia.
Asistiron ao acto Santiago Pérez Docobo, director do centro educativo; Benjamín Coto, Presidente da A.C. Os Matos, Antón Niñe, presidente de honra e Natalia Irimia, coordinadora do EDLG.
 
Natalia Irimia felicitou ás gañadoras do concurso de portada Maruxía: Ana Lestao Ben de 1º ESO (portada) e Lin Vizoso López de 4º ESO (contraportada)
 
Accede á reportaxe  AQUÍ.
 
Revista Maruxía en PDF aquí.
  • 329 lecturas

Acto de presentación da revista Maruxía 27 e entrega de premios

Mar, 22/06/2021 - 08:44 — karina

 

  • 121 lecturas

Orgulho no Perdouro - reparto de correas

Ven, 11/06/2021 - 18:52 — karina

Onte, no marco das actividades do mes do Orgulho no Perdouro, Alba Monteagudo coordinadora do proxecto 365 días en igualdade e respecto, repartiu as correas cos lemas gañadores do certame Orgulho no Perdouro.

Accede ao albúm de fotos da entrega  aquí.

Rubén

Laura

Yorel

Nerea

Iria

Orgulho
  • 105 lecturas

Xuño, comeza o mes do ORGULHO

Mér, 09/06/2021 - 22:12 — karina

Para continuar co fomento da igualdade, no IES Perdouro quixemos conmemorar o Día Internacional contra a Homofobia, a Transfobia e a Bifobia. Para iso, elaboramos uns carteis, que colocamos nos diferentes pavillóns do instituto e, ademais, pedímoslles aos alumnos/as da ESO que redactasen uns lemas nos que expresasen o seu rexeitamento contra calquera actitude discriminatoria cara os colectivos de persoas homosexuais, transexuais e bisexuais. 

Os lemas gañadores foron os seguintes:
  • Que ninguén che impida querer! De Rubén Díaz Fraga (1º A ESO).
  • Respéctame tal e como son. De Laura Alonso Fernández (2º B ESO). 
  • Sé como/quen desexes ser. De Yorel Ladra Ballesteros (3º D ESO). 
  • Somos libres de ser e amar a quen queiramos. De Nerea Francos Cornide (3º C ESO). 
  • Unha relación baséase no amor, non no xénero. De Iria López Casas (4º B ESO).

Finalmente, os lemas foron impresos nunhas correas para as chaves, que serán repartidas mañá a todo o alumnado da ESO.

  • 109 lecturas

EduEmociona con María Navarrete

Xov, 03/06/2021 - 17:20 — karina
Cal é a diferenza entre emoción e sentimento? Unha emoción é unha reacción espontánea que non podemos controlar nin elixir e que ocorre en calquera momento; mentres que os sentimentos son as interpretacións a partir destas e o seu desenvolvemento, influenciados polos nosos pensamentos: decidímolos nós e poden perdurar no tempo.

O venres 28 de maio, o alumnado de 4º ESO traballamos distintos conceptos sentimentais e emocionais a través de dinámicas de “ximnasia emocional” organizadas por María Navarrete, neuroeducadora e animadora socioemocional catalá...  seguier lendo a crónica de Laura Rodríguez López e Nuria Ramos Cuba, 4º ESO B no blogue de Perdourando.

  • 123 lecturas

Charla con Care Santos, a autora de "Mentira"

Xov, 03/06/2021 - 17:13 — karina
O alumnado de 4º da ESO e 2º PMAR tivemos un encontro en liña o día 25 de maio coa autora dun dos libros que puidemos ler na materia de Lingua Galega: Mentira de Care Santos.
A novela trata sobre un adolescente condenado por asasinato, pero tamén fala sobre a delincuencia xuvenil e plantexa algunhas preguntas como: por que alguén pode chegar a asasinar a outra persoa?.
Debido a que estudou Dereito, a autora do libro interesouse pola vida nos centros de menores e propúxose investigar sobre eles para coñecer as experiencias dos alí internos. Tras anos pensando nunha novela con esta temática, conseguiu entrar nun destes centros, coñecer as súas instalacións e vivir en primeira persoa a chegada de novos internos.

Obradorio “O Português Simples”

Lun, 31/05/2021 - 15:31 — karina
O mércores 19 de maio os alumnos e alumnas de 4º ESO tivemos unha charla/obradoiro sobre o portugués básico que se dividiu en tres unidades.  O obradoiro O Português Simples – OPS,  actividade formativa que ofrece Associaçom Galega da Língua AGAL, ten como obxectivo descubrir ao alumnado a vantaxe do galego para aprender portugués e acceder ao mundo que se expresa nesa lingua, a sexta do mundo en falantes.

Na primeira unidade nomeamos os lugares lusófonos e vimos algúns .. seguir lendo a crónica de Celia Leivas Martínez, 4º ESO-A1 no blogue de Perdourando.

  • 109 lecturas

Conferencia sobre enerxía mariña con Patxi García Novo

Sáb, 29/05/2021 - 16:27 — karina
O venres día 21 de maio o alumnado de 1º de Bacharelato e o de 4º da ESO tiveron unha charla sobre o emprego e as vantaxes da enerxía mariña. 

Esta charla foi impartida por Patxi G. Novo, que traballa en Nagasaki, unha cidade xaponesa historicamente portuaria. Explicou como do mar podemos obter varias enerxías renovables, como a solar e a eólica, non só a hidráulica (por exemplo, as placas solares e os eólicos no mar). Tamén falou sobre a enerxía maremotriz, que aproveita o movemento das mareas, e a undimotriz, que aproveita a enerxía das ondas e consiste en ... seguir lendo a crónica de Ainhoa Mía Quiroz Huamán, 4º ESO B no blogue de Perdourando.

  • 193 lecturas

O mundo na túa cabeza

Sáb, 29/05/2021 - 14:01 — karina
O venres 21 de abril o alumnado de 4º da ESO tivemos unha charla organizada pola Universidade da Coruña denominada “O mundo na túa cabeza” onde nos falaron sobre como funciona o noso cerebro.

Ao principio explicáronnos, como introdución, que son as neuronas e como funcionan. As neuronas son as células do noso corpo encargadas de percibir a información do exterior e procesala; son indispensables para o funcionamento do cerebro. Contáronnos que todos tiñamos un gran número delas e, salvo que se padeza unha enfermidade, é imposible quedarse sen elas. De feito canto máis maior sexa unha persoa ... seguir lendo a crónica de Antón Expósito Campo, 4º ESO B no blogue de Perdourando.
  • 146 lecturas

Os celtas e a materia de Bretaña

Sáb, 29/05/2021 - 13:52 — karina
A mañá do 24 de maio, os alumnos de 2º da ESO, 3º da ESO e 1º de Bacharelato asistimos a unha representación levada a cabo por Suso Martínez e Daniel Linde. Quixéronnos explicar a historia dos celtas en Galicia e a importancia da lingua galego-portuguesa na Idade Media , e para facer a actividade máis dinámica, escenificáronnola en forma de obra de teatro. Para facela máis realista trouxeron roupa da época para poñernos en situación (por exemplo, unha saia de tea de tartán, capas da época ou unha réplica exacta duns zapatos da Idade de Bronce).
 
Comezaron falando de Andrade e Pardo de Cela, señores da Idade Media. Despois presentáronnos personaxes e sucesos importantes, como poden ser: a historia do Rei Artur e os cabaleiros da Táboa Redonda; a materia de Bretaña, .. seguir lendo a crónica de Daniela Enríquez Canoura 1ºBAC-B no blogue de Perdourando.
  • 148 lecturas

Gañamos a fase autonómica da II Olimpíada Científica Xuvenil Española

Ven, 21/05/2021 - 21:44 — karina

II Olimpíada Científica Xuvenil Española, unha apaixoante competición onde desmostrar habilidades de razoamento e resolución de problemas do ámbito científico.

Na fase autonómica da II Olimpíada Científica Xuvenil Española que se celebrou entre os días 6 e 7 de maio de 2021 de forma telemática, participaron 3 equipos do IES Perdouro. A proba telemática consistiu nun único exame de 45 preguntas a resolver en equipos de 3 alumnos. As preguntas requirían coñecementos de matemáticas, física, química, bioloxía e xeoloxía; dun nivel correspondente a un 3.º da ESO «avanzado».

O equipo formado por Nerea Francos Cornide, Paula López Martínez e Raúl Cayón Fernández de 3º da ESO resultou gañador da fase autonómica.

Sendo o mellor equipo de Galicia, participarán na final nacional da Olimpíada Científica Xuvenil Española, que se celebrará en Oviedo a principios de setembro. Aí competirán xunto a outros 17 equipos por representar a España na fase internacional.

https://quintescience.es/ijso

  • 177 lecturas

II Olimpíada Científica Xuvenil Española - fase autonómica

Xov, 06/05/2021 - 12:05 — karina

Olimpíada disponible nesta ligazón: https://sites.google.com/quintescience.es/ocje2021-1/inicio

  • 127 lecturas
Distribuir contido


by Dr. Radut