Como profesora dunha sección bilingüe fun seleccionada para participar nunha beca do progrma PIALE  de integración total en Canada. Esta beca consistiu nunha estadia dun mes nun centro Canadiense, asistindo a clases de bioloxía dos niveis que eu imparto aquí en inglés, co obxectivo de mellorar o meu inglés, en particular o vocabulario da materia que imparto, e de coñecer outras opcións de transmitir os contidos correspondentes aos meus alumnos do IES Pontepedriña

  O instituto asignado foi o Sir Robert Borden, un instituto con moito alumnado de diferentes orixes, particularmente orientais, totalmente integrados na vida Canadiense.

Os periodos de clase son totalmente distintos, a súa duración é de 75 minutos, e os alumnos teñen 4 materias por dia e por semestre, de forma que no primeiro semestre teñen 4 materias que elixen dentro das ofertadas para o nivel correspondente, e no segundo outras 4.

As aulas de ciencias teñen laboratorio no mesmo espacio no que se imparten as clases teóricas, que na miña opinión é unha boa idea, xa que lles permite facer máis prácticas, sen embargo,  teñen menos dispositivos electrónicos e mesmo utilizan algúns que en Galicia parecerían obsoletos, como transparencias ou videos VHS. Os contidos son os mesmos, pero impartidos un curso posterior, e dicir, nunha idade máis avanzada.

A materia de bioloxía está asociada á química nos niveis 9 e 10, a diferenza de Galicia que está asociada á xeoloxía en terceiro e cuarto da ESO.

Os alumnos participan nas clases de forma máis sosegada, repectando os turnos de explicación do profesor e de participación dos seus compañeiros. Pola súa parte os profesores non se altera, particularmente por certas formas de estar na aula, e é fácil ver alumnos comendo algo e mirando o móvil. O móvil é utilizado como ferramenta de traballo.

Participantes no PIALE 2017, turno de outubro-novembro, na embaixada co Señor Embaixador.