Educación Física
Primeiro día na neve - Andorra
Hoxe, como vai ser toda a semana, comezamos o día cediño, de mañá.
Por sorte, foi un precioso día de sol e esquí. Todos esquiaron dacordo ó seu nivel. Agora cómpre descansar e repor forzas para mañá.
Semana Branca en Andorra - En ruta
Onte á noite, sábado 18 de marzo, partiu o noso alumnado xunto co director, Carlos Parada, e tres profesoras, Eva Dios, Iria Trebolle e Raquel Seoane, cara a Andorra, para practicar o deporte do esquí e para unha semana de convivencia fóra do ambiente académico.
Sobre a medianoite partiron para pasar a noite en ruta, descansar o domingo e comezar o luns coas clases e a práctica do esquí. A desfrutar!
Unha vez en destino, cun precioso día de sol, toca instalarse e descansar da viaxe.
Se queres ver máis fotos, mira na galería
Xoves 17, último día: Partido no estadio Benito Villamarín
Para rematar a estadía no Real Betis Balompié o noso grupo asistiu ao partido de Europa League Real Betis contra o Manchester United no estadio Benito Villamarín.
Esta expedición estivo formada por 15 alumnos/as de varios IES de Galicia e tres profesores.
Dende o IES Río Cabe expresamos o noso profundo agradecemento a quen fixo posible esta visita así como ao Real Betis Balompié pola oportunidade brindada.
Mércores 15, día 3: Visita á cidade deportiva do Real Betis
O mércores o noso alumnado e o seu profesor, Jorge Fortes, visitaron o Estadio Benito Villamarín do Real Betis Balompié.
Alí puideron disfrutar dun entrenamento do primeiro equipo preparatorio do partido de Europa League contra o Manchester United.
Tamén asistiron ás formacións impartidas por José Luis, do departamento de preparación física, e de Félix Cao, preparador físico e recuperador do primeiro equipo.
Para máis tarde debater cos futbolistas Borja Iglesias e Joaquín Sánchez.
Martes 14, día 2: Visita á cidade deportiva do Real Betis Balompié
Hoxe tocou visitar as instalacións da cidade deportiva do Real Betis onde os nosos alumnos e o seu profesor puideron disfrutar dun entrenamento do primeiro equipo, a formación a cargo do Departamento de Análisis Táctico e a formación a cargo de Félix Cao, preparador e recuperador do primeiro equipo.
Luns 13, día 1: Visita Real Betis da Liga Nacional de Fútbol Sala
Nestes días parte do noso alumnado do Ciclo Técnico deportivo nivel 1 da modalidade de fútbol, acompañados do seu profesor Jorge Fortes, están visitando as instalacións do Clube Deportivo Betis Balompié en Sevilla.
O primeiro día adicárono a percorrer o Real Betis da Liga Nacional de fútbol sala, entrenado polo galego Bruno García.
II Trimaratón deportivo
No Río Cabe quixemos que o alumnado disfrutase dunha xornada festiva antes das tan ansiadas vacacións de Nadal. Para isto, organizouse o “II Trimaratón Deportivo” composto por Baloncesto 3x3, Soga-Tira e Datchball; éste último xogo gozou dunha gran aceptación entre o alumnado, polo que será tido en conta para futuras xornadas festivas.
Esperamos que voltarades coas pilas cargadas!!
Torneo de bádminton 1º trimestre, Setembro - Nadal 22
Ó longo do primeiro trimestre o alumnado do Ies Río Cabe, tivo a oportunidade de participar nun torneo de bádminton que se levou a cabo durante o tempo de lecer.
Foron moitos os rapaces/as que xogaron e dedicaron o tempo do recreo a facer actividade física mediante o Bádminton.
No torneo por parellas, os gañadores da final xogada o 22-12-2022 foron Eric e Gabriel, de 3º da ESO, sendo finalistas Ximena e Íker, gañadores deste mesmo torneo no curso pasado. Parabéns a todos eles!!
Charla nas ensinanzas deportivas
O luns 19 de decembro de 2022 no salón de actos do Ies Rio Cabe celebrouse unha charla sobre as regras de xogo do Fútbol a cargo de David Pérez Pallas (árbitro VAR 2a División) e Adrián (árbitro Asistente 2a División), de ascendencia monfortina. Comezou ás 19h e rematou pasadas as 21h, o cal demostra o interese que suscitou entre os asistentes.
Cabe destacar que o público foi moi heteroxéneo, xa que non so había adestradores e futuros técnicos senón que tamén participaron xogadores de distintas idades e afeccionados/as.
Agradecer os árbitros que se desplazaron dende Vigo a dar a charla e a todas/os os/as participantes.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »