Falagueira

Este martes, 30 de maio, a nosa biblioteca tivo o previlexio de acoller un obradoiro de creación de libros de autor a cargo de Pablo Otero.

Unha experiencia formativa enmarcada dentro do Programa Lectura e Familia no que participamos por segundo ano consecutivo e que nos permite renovar e ampliar recursos para as familias e ofrecer obradoiros formativos impartidos por grandes profesionais.

Nesta ocasión Pablo Otero amosounos unha chea de opcións para darlle vida ao material de refugallo que podemos atopar nas nosas casas e crear libros táctiles, visuais... que sirvan para unir a familia na súa elaboración aproveitando un tempo de lecer para crear fomentando a psicomotrocidade,

o traballo colaborativo, a expresión artística e oral, o coñecemento e conservación de historias próximas a familia, etc.

Pablo consegueu transmitir a súa propia ilusión vivencial na realización de libros de autor a todos os asistentes.

Tras unha breve exposición de libros de autor de creación propia, algúns moi sinxelos e outros expectaculares

foi espertando o interese e a creatividade dos asistentes

que se puxeron a crear en pequenos grupos familiares e/ou de amizade e en moi pouco tempo nos sorprenderon con grandes creacións, estupendas visualmente, pero sobre todo con moita mensaxe. Historias de familia, de vivencias, de recordos... compartidas ao remate con todos os asistentes.

Coñecemos o ritual dos pescadores para unha pesca abondosa,

historias relacionadas coa emigración,

co fútbol,

coa colaboración amistosa,

coa representación plástica das catro estacións,

entre outras.

Todas estas creacións estarán expostas na biblioteca durante unha semana.

Posteriormente serán entregadas aos seus creadores para a súa biblioteca de creacións propias.

Parabéns a todos os participantes e a Pablo Otero.

E como non o noso agradecemento a Bibliotecas Escolares que fomenta a formación e participación das familias no centro.

Grazas a todos!!!!

O mércores 25 de maio tivo lugar a 1ª Campaña Solidaria deste curso realizada cos libros do expurgo da biblioteca.

ADOPTA UN LIBRO

En tan só 2 días todos estes libros foron adoptados

Felices pola excelente acollida.

En breve, a biblioteca ofertará un novo lote de libros para adoptar e así prolongar a súa vida, unha nova oportunidade de acompañar outras mans amigas nas que espertar novas ilusións.

Boa Lectura!!!

 Invitamos e animamos ás familias e ao alumnado a participar, desde o fogar, nas actividades dinamizadoras de Aventurín Club.

Para colaborar en Aventurin Club é preciso completar o formulario de inscrición e axuntar un PDF para arquivos de texto e imaxe ou indicar, en observacións,  a URL no caso de arquivos audiovisuais.

Ánimo!!

24 de outubro, Día das biblioteca, data elixida para a reinauguración da nosa biblioteca, Biblioforte.

Tras un proceso de remodelación e acondicionamento do recinto, a inclusión de novo mobiliario e novos fondos e a suma das ilusións de toda unha comunidade educativa que colaborou activamente nesta reforma e tamén como non dicilo, soportou os efectos negativos que toda obra de reforma implica: limitacións nos servizos ofertados, traballo de xestión, organización, limpeza, ... redobrado.

Hoxe abrimos unha biblioteca renovada, que acaba de recibir a valoración moi positiva de todas as personalidades asistentes ao acto de inauguración, así como de exprofesores, exalumnos, familiares,  medios de comunicación e as expresións de satisfacción do alumnado asistente ao acto. Desexamos ver a mesma faciana de satisfacción no alumnado que baixe hoxe no recreo.

A espera de facer un vídeo desta xornada festiva achego unhas gravacións e unhas fotografías e así compartir con toda a comunidade educativa a celebración deste evento de reinauguración.

  < Escoita aquí o programa especial realizado na nosa radio Radioforte TV

  < Escoita aquí a entrevista de Manuela Porto a nosa directora Teresa.

Grazas a todos por facer posible esta reinaguración e este evento.

Moitas grazas tamén a todas as personalidades que nos acompañaron nesta día tan importante para nos:

. Dª Judith Fernández, D. Xeral de Ordenación e Innovación Educativa.

. Dª Mª José Gómez, Xefa Territorial de Educación de Lugo.

. Dª María Bóveda, Inspectora do noso centro.

. Dª Teresa González, Xefa de sección.

. Dª Beatriz González, Asesora de BE Lugo

. Dª Chelo Gudín, Asesora de BE Lugo (curso 2021-22).

. Dª Gloria Prada, Tenente de alcalde de Monforte de Lemos.

 Moitas grazas tamén ao profesorado xubilado que estivo con nos nun momento tan importante, entre eles, algunhas compañeiras do equipo de biblioteca.

Grazas