portada30

Hoxe fixemos un acto de confraternidade ben bonito e emotivo co alumnado e profesorado do Istituto Orsoline S. Carlo Liceo Linguistico Europeo de Como

Enviado por admin1 o Ven, 15/03/2024 - 12:24
Hoxe fixemos un acto de confraternidade ben bonito e emotivo co alumnado e profesorado do Istituto Orsoline S. Carlo Liceo Linguistico Europeo de Como, neste intercambio do programa EduExchanges que nos uniu estes días. Participaron nel o noso coro Son de Sar e alumnado que voluntariamente quixo agasallalos coa súa arte.
Como colofón, tivemos entre nós ao músico e actor Xoán Curiel, que interpretou un repertorio moi ben escollido para o público que tivo ocasión esta mañá de desfrutar do seu talento: dous temas en italiano, dous temas en castelán, un en portugués, outro en inglés e dúas versións fantásticas de dúas cantigas trobadorescas medievais.
Sinerxias de música, linguas, culturas. Un feliz encontro entre pobos irmáns e músicas que comparten raíz.
En abril tocaranos a nós visitalos na preciosa cidade de Como.
Grazas á nosa profesora de Inglés Lucinda Sousa e ás profesoras de Español en Como Maria Bianchi e Ilaria Verani polo éxito da iniciativa.
 

Moitos parabéns á nosa alumna Alba Graña Rodríguez por gañar o Certamen Ciceronianum 2024 na súa fase galega.

Enviado por admin1 o Ven, 15/03/2024 - 12:22
Moitos parabéns á nosa alumna Alba Graña Rodríguez por gañar o Certamen Ciceronianum 2024 na súa fase galega. Un recoñecemento que outorga a Sociedade Española de Estudos Clásicos e que nas últimas convocatorias xa tiñan acadado alumnas e alumnos nosos.
E parabéns tamén ao seu profesor de Grego e Latín, José Manuel Blanco Roo, por guialos neste camiño.
 

Teatro Foro no IES de Sar

Enviado por admin1 o Ven, 15/03/2024 - 12:21
Da man do educador social Ramón Molina, responsable do Programa Teatro Foro da Concellería de Mocidade do Concello de Santiago, hoxe o alumnado de 3°ESO A fixo a estrea, para todo o alumnado de 1° da ESO, da peza teatral na que levan traballando meses.
Nela reflexionan sobre as relacións de parella na adolescencia, sobre a falta de comunicación do adolescente coa familia, sobre a frustración na xestión dos conflictos persoais que leva ao consumo de drogas.
Usar a palabra para saír dos lugares sombrizos desta idade difícil, pero como todas as etapas da vida.
Un foro no que recoñecerse e debater para conseguir o benestar emocional.
Mil grazas, Ramón, polo teu compromiso e dedicación un ano máis con este proxecto. O noso alumnado queda encantado e o noso profesorado moi agradecido.

Hoxe chegaron a Compostela o alumnado e as profesoras do Istituto Orsoline S. Carlo Liceo Linguistico Europeo de Como

Enviado por admin1 o Mar, 12/03/2024 - 00:20
Hoxe chegaron a Compostela o alumnado e as profesoras do Istituto Orsoline S. Carlo Liceo Linguistico Europeo de Como, co que neste curso o noso instituto comparte o programa de intercambio EduExchanges.
Esperamos que a súa estancia entre nós estea chea de momentos felices e que non a esquezan facilmente.
 
 

Hoxe visitounos o noso exalumno Dani Novio Giménez para compartir un curso de iniciación á animación entre o alumnado de 2° de Bacharelato

Enviado por admin1 o Mar, 12/03/2024 - 00:18
Hoxe visitounos o noso exalumno Dani Novio Giménez para compartir un curso de iniciación á animación entre o alumnado de 2° de Bacharelato, empregando o programa Krita.
Grazas por volver, e xa sabes que esta sempre será a túa casa.
As fotos son de Montse Amigo, que coordinou a iniciativa.
 
 

Rigor e acabados espectaculares nos traballos que decoran estes días a cafetería do noso instituto

Enviado por admin1 o Dom, 10/03/2024 - 20:30
Rigor e acabados espectaculares nos traballos que decoran estes días a cafetería do noso instituto. Son reinterpretacións de carteis coñecidísimos elaboradas con técnicas diferentes ás que se empregaron no seu día para crealos.
Traballos do alumnado de 2° de Bacharelato de Artes coordinados polos seus profesores Manuel de la Rosa e Óscar Villanueva.
Paga moito a pena velos en directo. As fotografías non dan conta da calidade que hai investida neles.
 

Grupo de Igualdade do IES de Sar

Enviado por admin1 o Dom, 10/03/2024 - 20:27

O Grupo de Igualdade do IES de Sar estivo traballando estes días para reivindicar neste 8M unha convivencia en igualdade e sen violencias machistas.

 

Haikus sobre Mitos do amor romántico

Enviado por admin1 o Dom, 10/03/2024 - 20:23

Haikus sobre Mitos do amor romántico elaborados polo alumnado de 3 ESO nas materias de Lingua Castelá e Educación Plástica.

 

 

Competencia dixital

Enviado por admin1 o Xov, 07/03/2024 - 13:10

Resolución do 28 de febreiro de 2024, da Dirección Xeral de Ordenación e Innovación Educativa, pola que se ditan instrucións para a acreditación das competencias dixitais do alumnado que cursa ensinanzas de educación secundaria obrigatoria e bacharelato na Comunidade Autónoma de Galicia no curso 2023/24

 Solicitude para realizar a proba de acreditación. Prazo de entrega 11 de marzo en xefatura de estudos

Para máis información sobre as competencias dixitais 

O pasado venres, o alumnado que cursa Expresión Artística en 4° da ESO participou no obradoiro “Fotografía e identidade: o autorretrato”

Enviado por admin1 o Lun, 04/03/2024 - 17:21
O pasado venres, o alumnado que cursa Expresión Artística en 4° da ESO participou no obradoiro “Fotografía e identidade: o autorretrato”, no que ademais de aprender algúns segredos da fotografía, reflexionaron sobre as maneiras de mirarse.
Moitas grazas, Sonia Dopazo, por organizar a visita e polas fotografías.
 

Theme by Danetsoft and Danang Probo Sayekti inspired by Maksimer