Curso 2013-2014

Dentro do Plan Director para a Convivencia e a Mellora da Seguridade Escolar, Ramón Peña, formador da Garda Civil de Lugo, informou e asesorou o noso alumnado de 1º de ESO no manexo e uso responsable de internet en diferentes dispositivos informáticos como poden ser os ordenadores, teléfonos ou tablets nunha charla impartida o pasado xoves, día 12 de decembro.

Seguir lendo en Perdourando.

Continuando coas actividades programadas sobre reciclaxe ao longo desta semana, tocou fabricar papel reciclado. A partir de anacos de papel de periódico que o alumnado de 2º ESO cortou, Mª José e Begoña ensináronlles como facer unha pasta mixturando auga quente co papel e triturándoo cunha batidora. Unha vez desligado o papel,  botaron os tintes de cor elixidos. Logo, houbo que estendelo sobre uns panos para que absorbesen a humidade do papel e nese momento cadaquen decorou con pétalos de flores, arroz, follas, ceras, purpurina, etc... Podedes seguir todo o proceso de fabricación dende o recorte do papel ata o resultado final na seguinte presentación.

Seguir lendo no blogue do proxecto BurelaXogaRecíclase.

Actividades do Proxecto interdisciplinar BurelaXogaRecíclase:

Esta semana, Mª José e Begoña ensinan ao alumnado de 2º de ESO a facer xabón empregando a aceite usado co propósito de motivar aos rapaces na importancia da reutilización dos recursos.

Seguir lendo no blogue do proxecto BurelaXogaRecíclase.

Hoxe, as monitoras de Gaia impartiron unha charla ao alumnado de 2º de ESO sobre a importancia de separar o aceite  de cociña nos colectores previstos para tal efecto e explicáronnos como reutilizar o aceite para facer xabón como aquel que facían as nosas avoas para branquear a roupa.

Seguir lendo no blogue do proxecto: BurelaXogaRecíclase

Ayub Sabry, alumno marroquino do Ciclo Medio de Mecanizado,  será o protagonista do programa da TVG "Como Galegos" que retrata a integración da xente de fóra en terras galegas. 

Hoxe o equipo do gravación liderado por Noelia visitou o centro educativo onde estuda Ayub así como os estudios do Programa radiofónico de Proxecto Neo.

Esperamos impacientes poder ver o resultado canto antes!!!

A campaña educativa "Separemos ben, reciclaremos mellor", promovida pola Consellería de Medio Ambiente e Sogama, contando coa implicación de Ecoembes e os Sistemas Integrados de Xestión de Pilas, ten como obxetivo o de  informar acerca das ventaxas, tanto ambientais como económicas, da colaboración ciudadana no ámbito da recollida selectiva, garantizando con esto o posterior reciclado dos refugallos producidos.