Skip to Content

Curso 2013-2014

Viaxe a Lugo - 2º ESO

Ven, 09/05/2014 - 00:00 — karina

O patrimonio histórico-cultural da cidade de Lugo é, desde o punto de vista do ensino, unha fonte inesgotable de recursos. Esto puideron comprobalo os alumnos de 2º de ESO nun percorrido histórico pola cidade, unha viaxe polo tempo, o pasado 7 de maio.

Iniciamos co Lugo romano, resumido no Centro de Interpretación da Muralla, logo o Lugo medieval, con parada no Centro de Interpretación do Camiño de Santiago, sen esquecernos da impresionante catedral, mestura de estilos arquitectónicos e unha xoia para o estudo, contemplación  e admiración da arte.
Rematamos a viaxe coa visita a pintoresca paisaxe de Penas de Rodas, en Outeiro de Rei. 
 
Ver reportaxe fotográfica no blogue de Perdourando
 
  • 209 lecturas

Visita á Capitanía Marítima - 3º ESO

Xov, 08/05/2014 - 22:12 — karina
Os alumnos de 3º de ESO visitaron o edificio da Capitanía Marítima de Burela co fin de observar a  súa arquitectura. Foron atendidos por Marco Rego Fernández. Logo de consultar con detalle os planos e documentos técnicos de execución da obra do edificio, subiron á cuberta Para completar a visita, Javier Villaverde, o seu profesor de Tecnoloxía, preparoulles unhas fichas de medición da obra segundo a escala. Unha visita moi interesante!!
 
Ver reportaxe fotográfica en Perdourando.
  • 160 lecturas

Novas dende Londres

Xov, 01/05/2014 - 21:30 — karina
 
E aquí os alumnos de 4º de ESO disfrutando de 4 días en Londres con Toni Galdo, o seu profesor de Inglés e Charo, profesora de Bioloxía.
  • 113 lecturas

Reto Alcoa - Xornada "Habilidades para o éxito"

Xov, 01/05/2014 - 17:52 — karina

No marco do Reto Alcoa 2014, os alumnos dos ciclos formativos do IES Perdouro asistiron, o pasado 30 de abril en San Cibrao, a unha xornada de fomento do emprendemento patrocinada pola Fundación Alcoa e Junior Achievement.

 
Seguir lendo en Perdourando.
 
 
 
  • 120 lecturas

Intercambio: De Burela a Rianxo a través das ondas!

Lun, 28/04/2014 - 20:53 — karina

Intercambio dos Equipos de Dinamización Lingüística : DE BURELA A RIANXO A TRAVÉS DAS ONDAS!

O IES Perdouro acolleu este luns 28 de abril unha delegación de 49 alumnos do IES Félix Muriel de Rianxo que forman parte do Equipo de Dinamización Lingüística no marco dun intercambio entre ambos EDL. Nesta 1ª xornada de conviviencia entre os alumnos dos dous centros educativos, tocoulle ao IES Perdouro facer de anfitrión. A 2ª xornada celebrarase en Rianxo o 7 de maio.

1º) Foron os alumnos de 4º de ESO e 4º PDC os que se encargaron da acollida no centro educativo. O itinerario que lle tiña preparado o IES Perdouro pola Mariña aos alumnos de Rianxo empezou en Cervo visitando un empresario Modelo Burela, o alfareiro Estéfano Gudín. Fixeron unha parada ao complexo industrial de Sargadelos onde se lles falou de Isaac, Dieste e Seoane así como da historia do Marqués de Sargadelos.


2º) A partir das 13:05 horas, emitiuse un programa especial e en directo "DE BURELA A RIANXO A TRAVÉS DAS ONDAS!"dende a biblioteca do IES Perdouro onde participaron os alumnos de ambos centros.
POR PRIMEIRA VEZ Proxecto Neo gravou un programa en directo realizado desde FÓRA DO ESTUDIO de Radio Burela, conducido polos presentadores do programa de radio educativa da Emisora do Corazón da Mariña: Maka Ledo, Simon Rodriguez Rouco e Sergio Rivas Baliña. DE BURELA A RIANXO A TRAVÉS DAS ONDAS! Foi a primeira vez que RadioBurela fixo unha experiencia destas.

ESCOITAR O PROGRAMA: AQUÍ

3º) Ao medio día, houbo unha comida de confraternidade entre os participantes na área recreativa do Cantiño e logo uns xogos populares.

4º) Pola tarde, de camiño a casa, os alumnos de Rianxo pararon en Mondoñedo para visitar no seu itinerario literario as tumbas de Cunqueiro,  Pascual Veiga e Leiras Pulpeiro.

Ver reportaxe fotográfica en Perdourando.

  • 227 lecturas

A Mariña Emprende: visitando Industrial Recense - A Pontenova

Sáb, 26/04/2014 - 18:37 — karina

Dentro do programa de actividades deseñado polo proxecto A Mariña Emprende, o alumnado de 4º de ESO, 4º PDC e PCPI viaxou o venres 25 de abril ata a Pontenova co obxetivo de sensibilizarse co espírito emprendedor como forma de favorecer a súa empregabilidade, responsabilidade e autonomía persoal. Visitaron a empresa Industrial Recense da Pontenova e o obradoiro do ferreiro MAF en Ríotorto.
 
Seguir lendo en Perdourando
  • 259 lecturas

O labor do tradutor - VI Encontros de BD

Xov, 24/04/2014 - 23:58 — karina
Dentro das actividades desenvolvidas en torno aos VI Encontros de Banda Deseñada na Mariña, a biblioteca do IES Perdouro de Burela contou coa visita de Isabel Soto e Xavier Senín, os tradutores ao galego da voz dos irredutibles galos Astérix e Obélix. O alumnado de francés de 3º, 4º de ESO e 1º de Bacharelato asistiu a unha charla que tivo por título "O labor do tradutor".
 

Isabel Soto iniciou a conferencia repasando a historia dos autores e personaxes da banda deseñada francesa así como das súas primeiras versións en galego e incidiu na importancia de traballar en equipo para os tradutores. Pola súa banda, Xavier Senín contounos as dificultades idiomáticas coas que se atopan para trasladar os textos ao galego. Ámbolos dous manifestaron que traballaron con gran secretismo para a estrea mundial -o pasado mes de outubro- do último número da BD, Astérix e os Pictos. Alén do labor de Isabel e Xavier, o equipo de Uderzo leva a cabo unha rigorosa supervisión de todas as traducións das súas obras.
Transmitiron con esta charla interesantísima a paixón polo sétimo arte e espertaron entre o alumnado o interese  pola profesión de tradutor, moitas veces esquecida.

 
Seguir lendo en Perdourando.
  • 145 lecturas

VI Encontros de BD na Mariña

Xov, 24/04/2014 - 11:26 — karina

 

  • 279 lecturas

Maratón de Lectura - Día do Libro

Mér, 23/04/2014 - 00:00 — karina

O alumnado de 4º ESO e PDC acudiu ao chamamento do Colectivo Cultural Buril para conmemorar o día do libro participando no IV Maratón de Lectura de Burela, acto de tivo lugar no salón de plenos do Concello. A nosa selección literaria foi a obra Unha estrela no vento de Ledicia Costas, unha novela xuvenil de moito éxito. 

 
  • 197 lecturas

#ComeniusPerdouro París Día 9

Mar, 08/04/2014 - 00:34 — karina

Grupo en Place de la Concorde. París (luns 07/04/14)

  • 144 lecturas

#ComeniusPerdouro Bretaña Día 5

Ven, 04/04/2014 - 00:52 — karina

O grupo de intercambio viaxou ata Saint Malo, cidade fortificada dos corsarios, para realizar pola mañá un xogo de pistas por equipos mixtos francogalegos e pola tarde unha actividade medioambiental deseñada pola profesora de "Ciencias da Vida e da Terra".

  • 93 lecturas

Ruta histórico-cultural pola Mariña Central - 2º ESO

Xov, 03/04/2014 - 23:58 — karina
54 alumnos de 2º de E.S.O. fixeron un percorrido histórico-cultural pola Mariña Central, actividade programada polos departamentos de Ciencias Sociais e Relixión Católica.

O primeiro lugar visitado foi o Castro de Fazouro, onde o alumnado puido comprobar o estado en que se encontra este castro romanizado. Tamén no concello de Foz, visitaron a Basílica de San Martiño de Mondoñedo, lugar no que se detiveron a estudar a arte románica coas explicacións correspondentes do profesorado en canto a arquitectura, escultura e pintura. 

Antes de xantar, o grupo viaxou ata Mondoñedo, visitaron a Catedral, centrándose na beleza do Altar Maior, nas pinturas góticas, no fermoso rosetón e na variedade de estilos da fachada deste Monumento Nacional. 
Pola tarde, achegáronse ata o recén inaugurado Pazo de Tovar, no concello de Lourenzá, sendo o primeiro centro educativo que visita esta construción medieval despois da súa restauración.   
  • 187 lecturas

Obradoiro de BD por Primitivo Marcos - 1º ESO

Xov, 03/04/2014 - 00:54 — karina
O debuxante e guionista lucense, Primitivo Marcos, impartiu este mércores 2 de abril a primeira parte dun obradoiro de Banda Deseñada no I.E.S. Perdouro.
Dentro dos VI Encontros de BD na Mariña, esta actividade dirixíase, neste caso, ó alumnado de 1º de E.S.O que tivo a oportunidade de coñecer en persoa o autor de recoñecidas publicacións de BD como O Mariscal Pardo de Cela, María Castaña, Aventura no Camiño de Santiago I (actualmente está a traballar na segunda parte), ou Os Fernández (na revista Golfiño), entre outras moitas.
Primitivo Marcos iniciou o alumnado no mundo da viñeta e amosoulles como dar os primeiros pasos para crear unha BD sen desesperarse por mor de que o debuxo e a historia se resistan a saír da imaxinación. E púxolles un reto: crear as primeiras personaxes dunha breve historieta. Conseguírano?
  • 175 lecturas

#ComeniusPerdouro Bretaña Día 4

Xov, 03/04/2014 - 00:04 — karina

Hoxe tivemos un obradoiro de montaxe de mini-eólicos. Motámolos, comprobamos o seu funcionamento con placas de son e luz, logo fixemos un circuito en paralelo e producimos máis electricidade para poder cargar unhas baterías. Moi ben o pasamos.

  • 126 lecturas

#ComeniusPerdouro Bretaña Día 3

Mér, 02/04/2014 - 00:00 — karina

Visitamos o Mont Saint Michel. Poidemos descubrir un prodixio da arquitectura medieval e da fuerza da natureza. Unha marabilla.
A abadía debe o seu nome ao arcánxel San Miguel (en latín chamada durante a Idade Media Mons Sancti Michaeli in Periculo Mari). Nos confíns de Normandía e de Bretaña, o Mont-Saint-Michel é dos primeiros monumentos clasificados como Patrimonio da Humanidade pola UNESCO.

  • 137 lecturas
Distribuir contido


by Dr. Radut