O martes 1 de marzo o alumnado de Latín e Grego do IES Río Cabe realizaron unha excursión a A Coruña. Visitaron a Torre de Hércules, unha exposición de grandes pintores no “Kiosco Alfonso” (Goya, Zurbarán, Madrazo....) e asistiron á representación de duas importantes obras do teatro clásico grecolatino, a traxedia “Electra” de Sófocles e a comedia “Asinaria” de Plauto, a cargo do grupo “Párodos”, de Talarrubias de Badajoz e Premio Nacional de Teatro. Destacar a fonda impresión que ámbalas duas obras causaron nos corazóns dos nosos adolescentes … especialmente o actor principal. Unha xornada para enmarcar.

O pasado mércores, 14 de outubro, o alumnado de 1º e 2º de BAC participou nunha excursión á zona sur de Ourense organizada polos Departamentos de Historia e de Latín. Visitaron o campamento romano de Aquae Querquennae, onde recibiron as explicacións do arqueólogo director da campaña anual, e a igrexa visigótica de Santa Comba de Bande. En Celanova visitaron o mosterio barroco coa capela mozárabe de San Miguel. Pola tarde realizaron un percorrido guiado ao Castro de San Cibrao de Las, o maior de Galicia, e o seu interesantísimo museo.

Facendo click na seguinte imaxe se accede a unha pequena galería de imaxes sobre a actividade:

O departamento de Latín e Grego en colaboración co de Xeografía e historia organizou e asistíu a unha representación teatral dunha comedia de Plauto, autor latino, no auditorio Gustavo Freire de Lugo.

Aproveitando a viaxe fixeron unha visita didáctica ó Castro de Viladonga e o museo do castro, así como un percorrido pola Muralla de Lugo.

O pasado día 14 de marzo de 2012, alumnos e alumnas de 3º e 4º da ESO, 1º e 2º de BAC do centro realizaron unha visita á cidade de Lugo, acompañados polos profesores Juan Rosende e Anuncia López.

Na visita á cidade, efectuaron un pequeno roteiro pola muralla de Lugo e a mediodía asistiron á representación da traxedia "Medea", de Sófocles, que se presentou no auditorio Gustavo Freire.

Pola tarde, asistiron á representación da comedia "Miles Gloriosus", de Plauto, no mesmo auditorio.

Para ver algunhas fotos da excursión, pica na seguinte imaxe.

Podedes obter información sobre os exames de selectivo das asignaturas de Latín e Grego na páxina web da CIUG.