Skip to Content

Curso 2012-2013

ACE curso 2012-2013

Campaña de prevencións de lesións medulares - 4º ESO

Xov, 30/05/2013 - 17:54 — karina
O alumnado de 4º da ESO asistiu hoxe na biblioteca a unha charla impartida pola Confederación Galega de Minusválidos de Lugo COGAMI-LUGO con propósito de sensibilizalo xa que son en definitiva as persoas máis vulnerables neste tipo de sucesos e coa fin de evitar estas situacións. Contaron coa testemuña en vivo de Ángel con discapacidade debido a unha lesión medular  quen lles explicou aos alumnos as consecuencias dun accidente así como as medidas de precaución para evitalo.
Reportaxe gráfica no Blogue de Perdourando.
  • 174 lecturas

Recital de música clásica por Silvia Rozas

Xov, 30/05/2013 - 16:48 — karina
Silvia Rozas Ramallal, alumna de 3º ESO, participou nun recital de música clásica que se celebrou na Igresa da Vila do Medio de Burela o pasado domingo 26 de maio. Esta frautista burelesa de 14 anos leva oito estudando frauta. Estivo acompañada no concerto por Israel Arranz no vibrafóno e Silvia Amigo no piano. Interpretaron pezas como Partita (J.S.Bach), Danza de la cabra (Honneger), Sonata en Mib BWV 1031 (J.S.Bach), Méditation (J. Masennet) e Píese (J. Ibert).
Reportaxe fotográfica cedida por xentileza de Carlos Ancdrade no blogue de Perdourando.
  • 309 lecturas

A nosa revista Maruxía nº 19 en plena maquetación

Lun, 27/05/2013 - 16:46 — karina
Estes días o equipo de alumnos TIC de 1º de Bac. estivo traballando activamente baixo a coordinación de José Luis e Miruca no deseño da revista nº 19 de Maruxía. Están ultimando a maquetación para poder dala a coñecer dentro de moi pouco. 

Ver máis fotos en Perdourando.
  • 174 lecturas

Viaxe a Londres de 4º ESO

Ven, 24/05/2013 - 00:08 — karina

Xa podemos ver a reportaxe fotográfica da viaxe a Londres realizada polo alumnado de 4º de ESO. Exhíbese estes días no hall de entrada.

Excelente traballo profe!

Ver a completa reportaxe fotográfica no blogue do ENDL Perdourando
  • 165 lecturas

4º ESO - Lei de menores

Xov, 23/05/2013 - 18:22 — karina
O pasado día 23 de maio, a Policía Local de Burela deu unha charla informativa  sobre a lei de menores.

Ramón González García e Manuel García Cerezo, axentes da Policía Local de Burela impartiron unha charla sobre Dereitos e deberes dos menores de idade dirixida ao alumnado de 4º de ESO. A partir dunhas declaracións demoledoras do xuíz de menores granadino, Emilio Calatauyd, os axentes informaron dos dereitos e consecuencias tratando de facer sempre fincapé na responsabilidade penal dos menores de idade.

  • 197 lecturas

3º ESO - Ensaio dos espectáculos de monicreques

Mér, 22/05/2013 - 19:55 — karina

Aquí está Ton Arenas traballando a entoación, a sonoridade da voz e a comunicación xestual co alumnado de 3º PDC co fin de preparalo a representación dos seus mini-espectáculos de monicreques. 

Xa estamos impacientes de poder velos!!!

Ver a reportaxe fotográfica no blogue do ENDL Perdourando
  • 177 lecturas

1º ESO - Ruta pola Mariña Occidental

Mér, 22/05/2013 - 19:52 — karina
Este mércores 22 de maio,  O alumnado de 1º de ESO realizo un completo itinerario cultural por Viveiro deseñado pola Maribel, a súa profesora de Ciencias Sociais.

Continuando  coas nosas rutas xeográficas e históricas pola Mariña Luguesa en 1º da ESO, o día 22 de maio realizamos un percorrido pola Mariña Occidental. O foco principal foi Viveiro co seu rico patrimonio artístico-cultural, en moitos casos descoñecido ou con escasa información. A actividade rematou con tarefas nas que o alumnado mostrou o seu nivel de implicación e a análise da información recollida.

Ver a completa reportaxe fotográfica no blogue do ENDL Perdourando
  • 194 lecturas

4º ESO - charla afectivosexual coa sexóloga Beni Martínez

Lun, 20/05/2013 - 19:53 — karina
Esta tarde desenvolveuse un Obradoiro sobre Educación Sexual, destinado o alumnado de 4º ESO.

A experta en sexualidade, Benita Martínez García, e tamén matrona  - que durante moitos anos axudou a traer o mundo a maioría dos nenos da zona - foi a encargada de impartir este obradoiro coa finalidade de promover entre os nosos mozos a asociación entre sexualidade e afectividade (unha visión diferente do sexo no que este non apareza desvinculado dos afectos e dos sentimentos), así como reforzar os coñecementos sobre os Métodos Anticonceptivos.

Foron dúas horas nas que os nosos alumnos/as puideron aclarar conceptos e disipar dúbidas coa sexóloga que se mostrou próxima e comprensiva coas súas preocupacións e demandas.

Seguir vendo en Perdourando
  • 168 lecturas

Especial Letras Galegas 2013

Sáb, 18/05/2013 - 19:45 — karina
Colaboramos neste especial Letras Galegas 2013 do xornal O Progreso publicado o 17 de maio. O alumnado de 3º ESO liderado pola súa profesora de lingua, Miruca, contribuiu como equipo redactor á elaboración deste especial Letras Galegas.
  • 186 lecturas

Viaxe a Londres de 4º ESO

Ven, 17/05/2013 - 19:43 — karina
E aquí os alumnos de 4º de ESO disfrutando de 4 días en Londres con Toni Galdo, o seu profesor de Inglés.

Durante a súa estancia en Londres, o alumnado de 4º de ESO percorreu os principais monumentos da capital británica guiado por Toni Galdo, o seu profesor de inglés, co propósito de reforzar a súa aprendizaxe da lingua e ampliar a seu coñecemento cultural. Foron cincos días de intensas visitas. O grupo descubriu a Torre de Londres, a ponte máis famosa sobre o Támesis, o Teatro de Shakespeare e tamén o Big Ben, a emblemática torre do parlamento británico. O seu profesor deseñoulles un completo itinerario pola vila chegando ata visitar a Abadía de Westminster, Leicester Square e o Museo Británico. Para terminar, a expedición burelá asistiu ao cambio de garda de Backinghan Palace, atracción turística das máis importantes de Londres que non podía perder. E como guinda, os rapaces desfrutaron dunhas vistas únicas sobre a capital británica subidos a bordo da noria do London Eye.

  • 237 lecturas

3º ESO - Correlingua 2013

Xov, 16/05/2013 - 19:37 — karina
Os rapaces de 3º de ESO acodiron á convocatoria anual do Correlingua na Mariña. O alumnado participa na camiñata a prol da lingua, que nesta ocasión se celebra en Mondoñedo, e asiste á lectura do manifesto gañador deste ano e a diversas actuacións musicais da mán do actor Pepe Penabade e da cantante Lidia Botana.

Ver a completa reportaxe fotográfica no blogue do ENDL Perdourando



Este curso, xa que o día das Letras está adicado a Roberto Vidal Bolaño, os estudantes do IES Perdouro tiveron a oportunidade de asistir a unha representación teatral, a da obra Fonda Lurditas, interpretada polo grupo de teatro infantil Érase unha vez ..., formandos por rapaces de centros escolares mindonienses. 

  • 270 lecturas

O noso fotocol das Letras Galegas 2013

Mér, 15/05/2013 - 19:32 — karina
Gústame as Letras Galegas no IES Perdouro.
O alumnado de 2º de ESO participa no desenvolvemento desta campaña de fomento da lingua. Os rapaces crean frases suxestivas sobre o uso do galego que escriben e decoran para logo fotografarse con elas.
Trátase dunha campaña que se leva a cabo por toda Galicia e promove a reflexión sobre a necesidade da normalización do galego en distintos ámbitos e situacións.
Prestámosvos un dos nosos lemas: “Gústame... LER O XORNAL EN GALEGO”.

Ver máis en Perdourando
  • 190 lecturas

2º ESO - Gústame o galego ....

Mér, 15/05/2013 - 19:11 — karina

Gústame o Galego estivo en Burela o mércores 15 de maio. Con galo das Letras Galegas o IES Perdouro súmase á campaña Gústame o galego promovida por la Coordinadora de Traballadores de Normalización Lingüística que pretende visibilizar o apoio individual de persoas ao proceso de normalización lingüística a través de fotografías con frases sobre o uso do galego en distintos ámbitos e situacións.

Fixádevos no alumnado de 2º de ESO con seus propios lemas.... En breve estarán as fotos que sacaron Sito e Tono cos que nos botamos unhas cantas risas no Facebook de Gústame o Galego!!

Reportaxe fotográfica en Perdourando.
  • 257 lecturas

1º Bach. - Ruta poética pola Terra Chá

Mar, 14/05/2013 - 23:08 — karina
Para coñecer de preto a realidade literaria máis próxima á nosa comarca, o alumnado de 1º de Bacharelato visitou as localidades de Castro deRei e Muimenta. Na primeira parada realizaron a pé un tramo da ruta a escrita do Azúmara. Ao bordo do camiño foron atopando poemas de Darío Xohán Cabana, Margarita Ledo Andión, etc.
Arredor da antiga escola de Muimenta , tiveron que procurar distintas inscricións con composicións doutros autores chairegos como Aquilino IglesiaAlvariño, Xosé A. Crecente Vega, etc.
Para rematar a xornada, puideron descubrir xogos populares do século pasado.

Se queredes ver a completa reportaxe fotográfica, picade na seguinte ligazón a Perdourando.
  • 180 lecturas

Letras Galegas 2013: Roberto Vidal Bolaño

Lun, 13/05/2013 - 20:53 — karina

Achégamos unha serie de páxinas na que poderedes atopar moitos recursos para traballar nestes días a figura homenaxeada das Letras Galegas 2013 : Roberto Vidal Bolaño.

Videos:

O telexornal do CPI dos Doces de Rois

A obra de Roberto Vidal polo CPI dos Dices de Rois

Compostela na obra de Vidal

Mais recursos:

da Biblioteca do IES Ribeira do Louro- O Porriño

 

 

 

 

 

  • 289 lecturas
Distribuir contido


by Dr. Radut