Como ven sendo tradicional no Río Cabe, o Departamento de Lengua e Literatura Española organizou este pasado 5 de febreiro unha excursión a Ourense, para o alumnado de 4º de ESO. O obxectivo era  asistir á representación teatral do drama romántico  de Juan de Zorrilla “Don Juan Tenorio” representada pola compañía teatral  Eina d’Escola, especialista neste tipo de eventos para escolares.

A obra resultou moi do gusto dos alumnos, quenes ademáis tiveron ocasión, ao final da representación, de participar nun entretido coloquio cos actores.

O alumnado foi acompañado de dous profesores do centro, Jose Carrete, do depto. de Lengua e Roberto Pérez, do depto. de Matemáticas, a quenes agradecemos a colaboración.

PROBAS ABAU

Dentro do programa “A Ponte entre o ensino medio e a universidade” que leva a cabo a USC, (Universidade de Santiago de Compostela), as  pasadas semanas tiveron lugar, no salón de actos do Río Cabe,  dúas charlas dirixidas ao alumnado de 2º de Bacharelato .

A primeira delas, o 4 de febreiro,  correu a cargo de Celso Rodríguez, Delegado do Rector para Asuntos do Ensino Medio, quen falou sobre as Probas ABAU,normas, novidades , desenrolo das mesmas, e respondeu a todas as dúbidas que os alumnos lle presentaron.

ALGORITMOS: QUE SON E PARA QUE SIRVEN

A segunda das charlas do programa A Ponte foi desenvolvida, o 11 de febreiro,  por tres alumnas de doctorado da Facultade de Matemáticas, Laura, Bea e Érika quenes, de xeito moi claro e conciso, nos explicaron o que son e as posibles  utilidades dos algoritmos na vida cotiá.

A biblioteca do Río Cabe foi  escenario o pasado venres 24 de xaneiro dunha charla incluída no programa do Plan Proxecta sobre  “Tratamento da violencia de xénero nos medios audiovisuais e de comunicación”. A especialista Ánxela Mercado foi a encargada de facer reflexionar ao alumnado de 2º de ESO sobre un tema, por desgraza, cada vez máis de actualidade que nos incumbe e preocupa a todos, e sobre o que non debemos deixar de  educar e concienciar.

O 30 de xaneiro,  toda a comunidade educativa do Rio Cabe  quixemos mostrar o noso unánime desexo de Paz. Dende a Biblioteca e o Programa TEI (Titoría entre Iguais), propúxosenos facer mil grúas de origami, xa que, segundo reza unha antiga lenda xaponesa, quen consiga facer mil grúas conseguirá que o seu maior desexo se faga realidade. Pois ben,  coa  axuda de todos, o reto conseguiuse e superouse, xa que se fixeron 1400!!

Moitas grazas a todos os que colaborastes, en especial a Flor e Xurxo,  que traballaron arreo colocando, dirixindo e animando a alumnado e profesorado nunha marabillosa labor conxunta.

Tivemos voluntarios tamén para formar a palabra PAZ no chan. Grazas a todos eles

Queremos agradecer  a colaboración de Alejandro García Rodríguez, de 2º BAC por elaborar un precioso cartel para conmemorar este día.

O pasado 14 de xaneiro tivo lugar, no salón de actos do Río Cabe, unha charla sobre Nutrición impartida pola experta no tema, a nutricionista Olga Yanes Marqués .O alumnado a quen  ía dirixida era o de 4º ESO, 1º de BAC de diúrno, BAC de adultos e Ciclos Formativos de Turismo e Fútbol, Nivel II.

Os obxectivos da actividade consistían en aportar coñecementos en materia de nutrición de cara a mellorar as nosas eleccións  alimentarias  diarias, causando así un impacto positivo na nosa saúde e na da nosa familia, desmitificar falsas crenzas arraigadas durante anos en relación co mundo da alimentación e entender a relación entre actividade física e nutrición.

A sesión incluiu aspectos moi interesantes, como a relación entre alimentación e sobrepeso e obesidade na población adulta, comida ultraprocesada, lectura de etiquetas dos alimentos, dietas para deportistas ou a auga que debemos tomar diariamente.

Unha charla moi instrutiva que esperamos repetir en anos vindeiros.

A nosa excursión do mércores 29 de xaneiro comezou no Colexio de Nosa Señora da Antiga, coñecido como Colexio do Cardenal ou Colexio Os Escolapios. Neste centro,a visita estivo guiada polo Padre Javier.

Iniciamos o percorrido nas famosas escaleiras da entrada, escaleiras monumentáis formadas por 35 escalóns repartidos en tres tramos, sen columnas de suxección ( …e cada escalón pesa unha tonelada!!). Coñecemos o que é unha “montea”, a función do claustro e o significado dos catro escudos que o decoran.

Despois visitamos a pinacoteca, onde puidemos contemplar, entre outras obras, cadros de Andrea del Sarto, de El Greco e de Pacheco, e finalmente a Igrexa, na que destaca o fermoso retablo dedicado á Virxe María  que decora o altar; ten case vinte metros de altura, está feito de madeira de nogal e é obra de Francisco Moure. Destaca tamén un Santo Cristo, obra do italiano Cioli,  copia da “Adoración dos Reis” de Van der Goes. Aquí rematou a nosa visita ao Colexio dos Escolapios.

 A seguinte parada levounos ao IES A Pinguela , para coñecer o Planetario “Matías Vázquez”. Foi tamén unha visita do máis didáctica e tivemos a sorte de ter como guía a Matías Vázquez, profesor xubilado dese centro. Grazas  ás súas explicacións coñecemos un pouquiño máis sobre a Teoría do Big Bang e a expansión do Universo, sobre as estrelas e as constelacións; coñecemos Syrius ( a estrela máis brillante do firmamento), Casiopea, como localizar a Estrela Polar e orientarnos a partir dela, a Osa Maior, etc.

Dende o Río Cabe queremos agradecer aos directores do Colexio Escolapios, Pablo Blanco,  e IES A Pinguela, Enrique Sampil, por permitirnos  realizar as visitas , e especialmente  ao Padre Javier e Matías Vázquez pola súa xenerosidade, paciencia  e as súas  explicacións.

Álbum: Escolares -> Visita Escolapios e Planetario

O pasado luns 27 de xaneiro os alumnos de 3º e 4º ESO das materias de Valores Éticos e Cultura Clásica asistiron á  Exposición “Galicia en Fíos” na Casa da Cultura Poeta Lois Pereiro de Monforte. Contamos coa presencia da autora da mostra Lorena Quintás, quen realizou algúns talleres cos discentes contribuíndo así a visibilizar o proxecto.

Ademais, a autora instou aos alumnos a non ver as dificultades e discapacidades como hándicaps ou impedimentos, senón como medio para poñer en valor o afán de colaboración, superación, traballo en equipo, esforzo e motivación persoal, valores moi en boga e de plena actualidade na sociedade actual.

Dende o centro queremos amosar o noso enorme agradecemento a Lorena polo seu esforzo e colaboración totalmente desinteresada.

O venres, o noso último día en Andorra, amaneceu soleado e puidemos desfrutar dunha magnífica xornada de esquí. As tres primeiras horas pasámolas cos monitores e recuperamos alguhna das horas perdidas polo temporal do mércores. Tras unha curta parada para xantar esgotamos o tempo nas pistas antes de rematar por este ano, non sen un pouco de magoa por ter que marchar.

Despois de devolver o material e pasar polo hotel a recoller as nosas cousas, emprendimos viaxe de volta a Monforte, moi cansos pero á vez moi satisfeitos duhna semana de deporte e convivencia  que perdurará na nosa memoria.

Álbum: Extraescolares -> Semana Branca 2020

Despois da intensa nevarada do día de onte, hoxe puidemos gozar dun completo día de esquí a pesar de que ás primeiras horas tivemos escasa visibilidade e moito frío.

 Recuperamos  unha hora de clase que perdemos o día anterior.

 Ao redor do mediodía saíu o sol e acompañounos durante o resto da xornada.

Logo de baixar de pistas aproveitamos para facer as últimas compras e despois de cear preparámonos para ir a Caldea onde o alumnado compartiu os distintos espazos de relaxación con rapaces doutros centros.

 Xa só queda preparar as maletas e repoñer forzas para o último día no Tarter.

 Todo segue dentro da normalidade!

 Mañá máis...

Este mércores sorprendeunos cunha intensa nevarada á saída do hotel que fixo colapsar o tráfico en Escaldes e impediunos chegar a tempo á zona de esquí no Tarter. É sorprendente que un país que vive das actividades de neve poida quedar bloqueado por situacións climatolóxicas deste nivel.

Logo de chegar á estación fomos xantar e a continuación dedicámonos a esquiar. Foi unha experiencia distinta a que nos permitiu gozar do esquí nunhas condicións ás que non estabamos acostumados.

Completamos outra xornada en Andorra e xa pasamos o meridiano da actividade.

Todo segue dentro da normalidade!

Mañá máis ...