Hoxe visitounos Francesc Bailón, antropólgo catalán especializado no pobo inuit. Deunos unha charla moi interesante e fixemos xogos típicos dos nenos e nenas inuit. Tamén puidemos tocar e ver algúns obxectos propios do mundo do ártico. Tedes a continuación unha pequena mostra do que fixemos.

O 13 de febreiro celébrase o Día Mundial da Radio e no colexio de Cedeira somos fieis a esta conmemoración, así que, este ano fixemos unha preciosa gravación que inclúe unha canción. Trátase da lectura colectiva do libro "A música da auga" de Anxo Moure e Servando Barreiro e tamén unha canción dese mesmo libro.

Esperamos que vos guste.

Premede no enlace do audio que está ao final.

No enlace que tede ao final podedes escoitar o audio da gravación do Programa das Letras Galegas 2018 elaborado polo alumnado do colexio.

Que o desfrutedes!

Temos aquí a presentación que o alumnado de 6º fixo para participar no concurso escolar da fundación ONCE. Nela xustifican o porque da necesidade de que a escola sexa un lugar de referencia da inclusión.

 Nesta ocasión escoitaremos un poema que a alumna de 6º Alexandra Covelo creou para pedir unha escola inclusiva, con motivo da participación no concurso escolar ONCE deste ano. Fixádevos que creatividade nestes versos! Toda unha artista!

 A continuación podedes escoitar a entrevista que Mª Jesús, de Radio Redondela, lle fixo a Francesc Bailón, o antropólogo que nos visitou para falarnos do pobo inuit.

O 9 de febreiro os pobos indíxenas invadiron o noso colexio e as rúas do lugar de Cedeira. Había de todo: indios americanos, ticunas, yaguas, sioux, incas, mayas e mesmo inuit. Aquí temos unha mostra do que pasou. Respetounos o tempo e puidemos saír dar o percorrido tradicional polos arredores. Un ano máis o colexio pon a funcionar o seu maxín para facelo o mellor posible.

Grazas a todos e a todas!

Hoxe queremos que escoitedes a poesía que leron os alumnos e alumnas de 6º e que escribiu a nosa compañeira Alexandra (tamén de 6º) para enviar ao concurso escolar da ONCE. Unha verdadeira creación poética. Animádevos a participar coas vosas propias poesías.

Escoitade o programa de radio das Letras Galegas 2017. Este programa está dividido en dúas partes que poderedes escoitar clicando na imaxe.

Agardamos que vos guste!

O pasada semana do 8 ao 12 de maio, tivemos no colexio un obradoiro de xogos populares  cedidos en préstamo polo Concello do Grove, que resultou moi interesante e no que participou  todo o alumnado. Fixémolo en 5 sesións durante os recreos por 5 zonas nas que rotaron todos os cursos desenvolvendo as súas habilidades nestes xogos tan interesantes.

A participación do alumnado foi moi alta en todas as sesións e resultou moi chamativo comprobar que durante unha semana eran capaces de pasalo moi ben e de esquecerse dos balóns durante unha semana.

Deixamos unha nova reportaxe de Cedeira TV onde nos explican como resultou o desenvolvemento dos xogos e o ben que o pasaron. Agradecer a todo o alumnado a súa participación e aos reporteiros e reporteiras polo seu magnífico traballo.  

Iníciase unha nova sección: Escoitando teatro, na que iremos subindo as gravacións de pequenas obras de teatro lido, preparadas polo alumnado. Con esta primeira, homenaxeamos a Castelao, que estivo de aniversario o pasado ano 2016.

A obra titúlase: "Os vellos non deben de namorarse". Escoitaredes o primeiro lance da mesma.

O pasado venres 24 de febreiro celebrouse como todos os anos, o día de Rosalía de Castro. Este ano, o lema escollido, foi #Rosalíate, que invitaba a toda a comunidade educativa a caracterizarse como Rosalía.

No colexio de Cedeira, propuxéronse varias actividades relacionadas con ese lema e unha delas foi a elaboración dun vídeo no que participaron todos os cursos e no que se representaba un día 24 de febreiro onde todos e todas fósemos Rosalía e onde se representaba e recitaba un poema moi característico da produción literaria de Rosalía titulado: “Dende aquí vexo un camiño”.

O resultado foi fantástico e moi emotivo. Botádelle unha ollada pois é unha interesante visión do mundo de Rosalía. Agardamos que sexa do voso agrado. Agradecemos a todo o alumnado e profesorado participante e en especial ao Departamento Tic que se encargou da planificación, gravación e montaxe deste maravilloso resultado. Noraboa!

O pasado mércores 8 de marzo, o alumnado e o profesorado do Ceip de Cedeira, cantaron e bailaron a canción: “Mensajes del agua” de Macaco como broche ao fantástico día deportivo e solidario, que comezou coa carreira solidaria para recaudar fondos para a ONG “Save the children” e rematou con esta fantástica canción, da que vos deixamos un maravilloso resumo no seguinte vídeo.

Antes da interpretación da canción, o alumnado foise colocando en círculos por cursos, formando os aros olímpicos, para o cal cada curso portaba cartolinas das diferentes cores dos aros. Durante a interpretación da canción, o alumnado levantaba as cartolinas e bailaba a canción de Macaco coa coreografía que prepararon na aula de música. Cos resultados das gravacións, o Departamento TIC elaborou este fabuloso vídeo, que xa forma parte dos arquivos da nosa canle de TV, CEDEIRA TV. Non o perdades, porque quedou fantástico e “Da gusto velos!”.

Agradecendo a participación de todos e todas, alumnado e  profesorado, agardamos que o resultado sexa do voso agrado. Deixamos o enlace ao vídeo clicando na foto.

Deixamos tamén o Diploma que recibiu o Ceip de Cedeira por  participar na iniciativa de Quilómetros de Solidariedade e recadar fondos para as actividades realizadas pola ONG Save the Children.

Durante a pasada semana do 20 ao 24 de febreiro, conmemoramos o día de Rosalía no centro. Este ano, seguindo a recomendación da Asociación de Escritores en Lingua Galega, preparamos unha actividade que consistiu en que tanto alumnado, como profesorado e familias puidesen realizarse fotos caracterizados como Rosalía e portando un verso ou estrofa de algún dos seus poemas.

Esta actividade foi etiquetada co lema “#Rosalíate” e coas fotos realizadas elaboramos unha presentación, que quedou fantástica, ambientado as fotos na Casa de Rosalía.

Agradecendo a participación de todos e todas, alumnado, profesorado e familias, agardamos que vos guste o resultado. Deixamos o enlace ao vídeo clicando na foto.