Conmemoracións

DÍA DO TEATRO 2021

Lun, 03/29/2021 - 08:53

Para celebrar o Día Mundial do Teatro (27 de marzo), nesta ocasión optamos polo teatro lido.

Durante a semana nalgunhas aulas léronse pequenas obras teatrais e o mércores, o alumnado de 5ºA, na hora de ler, baixou a biblioteca a ler, “Animaladas”, un libro de teatro incluído no seu itinerario lector.

No escenario poñen voz aos 5 personaxes do libro o alumnado seleccionado previamente na aula por sorteo e, como público, o resto do alumnado que seguía e escoitaba a lectura.

blogue de sol

DÍA DA POESÍA: Poema encadeado

Dom, 03/28/2021 - 09:04

O Día Mundial da Poesía celébrase o 21 de marzo dende que a UNESCO proclamou esta data en 1999. Os obxectivos son fomentar o retorno á tradición oral e aos recitais, así como promover o ensino da poesía e a diversidade lingüística a través da expresión poética.

Este curso decidimos escribir, ilustrar e recitar entre todos un poema encadeado.

Comeza a cadea o 1 de marzo en 3 anos e vai avanzando ordenadamente ata chegar a 6ºB o venres día 19.

Ao coincidir en domingo trasladase ao luns a lectura de todo o poema, polo alumnado de 5º, e a presentación do vídeo, elaborado co texto e a audición aportados por todos os grupos.

Este foi o resultado

Parabéns a todos polo excelente trabalo realizado

blogue de sol

SEMANA DA PRENSA

Sáb, 03/13/2021 - 10:02

Unha pequena mostra do alumnado traballando coa prensa (en papel e dixital) durante a semana da prensa.

Ademais, esta semana, fomos noticia no xornal la Voz deGalicia (La Voz de Lemos), polas actividades realizadas no centro para conmemorar o Día da Muller.

blogue de sol

Día da Muller: Obradoiro de Ilustración pola igualdade con Estefanía Padullés

Sáb, 03/13/2021 - 08:36

O alumnado de 3º e 4º participou nun obradoiro de Ilustración pola igualdade impartido pola ilustradora e escritora Estefanía Padullés

Imaxes durante o proceso

Unha pequena mostra do excelente resultado

Conversando con Estefanía

escoita a entrevista en:

blogue de sol

DÍA MUNDIAL DA RADIO (13-FEB-2021): GARGALLADAS SAUDABLES

Sáb, 02/13/2021 - 09:52

No ano 2013 a ONU aprobou a declaración da UNESCO do Día Mundial da Radio. Proponse a data do 13 de febreiro por ser a da creación da Radio Nacións Unidas no ano 1946. "Os obxectivos da xornada son concienciar ao público e aos medios de comunicación acerca da importancia da radio; alentar aos encargados de tomar decisións a crear e ofrecer acceso á información a través da radio; así como mellorar as redes e a cooperación internacional entre os organismos de radiodifusión."

En RadioForte, pendentes de recibir a formación necesaria para poñer en marcha o noso locutorio de radio, grazas a ser unha das bibliotecas seleccionadas este curso para incorporarnos a ese grupo de bibliotecas pioneiras na radio escolar, non podíamos deixar de celebrar un día tan significativo para a radio e para nos, polo que, sen grandes medios pero con moita ilusión, dende RadioForte gravamos estas gargalladas, agardamos que vos gusten.

Chistes saudables (4ºB)

Chistes e adiviñas de froitas (5ºB)

Felicidade e Saúde para todos!

blogue de sol

30 de xaneiro: DÍA DA ILUSTRACIÓN

Sáb, 01/30/2021 - 15:26

Unha das datas destacadas do Calendario do Libro e da Lectura é o Día da Ilustración, que se celebra todos os anos o 30 de xaneiro, coincidindo co día do nacemento de Castelao.

Este día, ademais de reivindicar o papel dos profesionais da ilustración na industria cultural, serve para homenaxear un ilustrador histórico galego. A protagonista deste ano é a coruñesa Lolita Díaz Baliño (1905-1963), unha pioneira artista multidisciplinar que desafiou aos convencionalismos da época.

Para saber un pouco mais sobre Lolita Díaz Baliño aquí tedes un vídeo producido por AGPI en colaboración coa Secretaría Xeral de Cultura.

Bibliotecas Escolares nesta data quere poñer en valor o traballo de ilustradores e ilustradoras que puxeron imaxe aos temas anuais desde o ano 2008 tal como se pode ver facendo clic no logo.

blogue de sol

Día da paz 2021

Sáb, 01/30/2021 - 01:19

A pesares da situación que estamos a vivir; dos momentos tan complexos que temos e da incertidume que nos acompaña todo o día... aínda temos enerxía para conmemorar co noso alumnado datas moi importantes. Todo o centro colaborou para construir un muro pola paz, no que amizade, solidariedade, xustiza, bicos e outros verbas fermosas constrúen este bonito mural que reflexa os nosos desexos.

UN NADAL MOI ESPECIAL

Ven, 12/25/2020 - 12:35

O Equipo da Biblioteca, xunto co resto de persoal do noso cole queremos desexar un moi

Bo Nadal!

E tamén queremos agradecer, coma sempre, o voluntariado do noso alumnado.

Alumnado que participou activamente nas moitas actividades organizadas polo centro e tamén nas propostas conxuntamente desde Dinamización Lingüística e Biblioteca: Concurso de Poesías e Tarxetas de Nadal.

Ademais, un grupo de alumnas voluntarias de 2ºA, len un dos libros incorporados recentemente a nosa biblioteca, libro que nos amosa outras maneiras de demostrar que nos queremos.

(para escoitalo fai clic na imaxe)

Felices Festas!!!

blogue de sol

Día da Discapacidade - 3 de Decenbro

Mér, 12/02/2020 - 05:26

O 3 de decembro Día Internacional das Persoas con Discapacidade foi declarado en 1992 pola Asamblea Xeral das Nacións Unidas mediante a resolución 47/3. O obxectivo é promover os dereitos e o benestar das persoas con discapacidade en todos os ámbitos da sociedade e o desenvolvemento, así como conciencia sobre a súa situación en todos os aspectos da vida política, social, económica e cultural.