Conmemoracións

Como ben sabedes, os xoves é o día adicado a ciencia, "Xoves de Ciencia", pero este luns tamén tivemos un "Luns de Ciencia" por ser o día anterior, 10 de novembro, o Día Mundial da Ciencia para a Paz e o Desenrolo.

Aquí tedes unha mostra do noso Luns de Ciencia:

• Traballos de experimentación realizados na casa sobre "Os volcáns"

Traballo de experimentación: "O reloxio de auga"

• Traballo de experimentación, "Copa de Pitágoras"    e "Fluido no newtoniano"

Grazas, grazas!

Estamos moi orgullosos de todos vos!

Ao longo deste mes, os xoves no recreo, seguirán as exposicións dos traballos dos amigos da ciencia.

Acudide!

A Organización para Educación, a Ciencia e a Cultura (UNESCO), promove o achegamento da ciencia a sociedade, a través , entre outras cousas, de acordar dedicar o día 10 de novembro a celebrar o Dia Mundial da Ciencia para a Paz e o Desenrolo, coa finalidade de achegar a ciencia a cidadanía e fomentar a atracción dos cidadáns polo apoixanante mundo da investigación, pois a ciencia é unha ferramenta coa que a humanidade intenta comprender o mundo que lle rodea.

Pero a ciencia ademais ten un papel fundamental na construcción da paz e o desenrolo sostible, en tanto que os avances científicos permítennos atopar a solución a moitos dos novos desafíos económicos, sociais e medioambientais actuais.

Con este Dia Mundial promovese o achegamento da ciencia a sociedade, pois canta mais formación teñan os cidadáns maior será a comprensión da fraxilidade do planeta no que vivimos e polo tanto a súa implicación e aportación para crear sociedades mais respectuosas co planeta.

Dende a Consellería de Cultura, Educación e Ordenación Universitaria tamén se impulsa o coñecemento científico a través da promoción da celebración anual de novembro como  MES DA CIENCIA EN GALEGO NAS BIBLIOTECAS. Este ano marcada pola elección dunha imaxe e a difusión dun texto, a modo de Manifesto, do científico Ángel Carracedo, profesor de Medicina Legal, Ética Médica e Bioloxía Molecular da Universidade de Santiago de Compostela. Coñecido investigador e divulgador científico, Ángel Carracedo ten colaborado coas bibliotecas, tanto públicas como escolares, na difusión dos valores científicos e do acceso ao coñecemento.

En Biblioforte tamén queremos poñer o noso gran de area na contribución a difusión dos valores científicos e no fomento da formación responsable para contribuír a que cada día a nosa sociedade sexa máis sostible, solidaria e máis comprometida coa conservación do noso planeta.

Por todo iso este mes estamos a fomentar o coñecemento científico a través de traballos de investigación e experimentación nas aulas e nas casas que lo se expoñen na biblioteca durante o recreo.

A participación está sendo espectacular tanto a nivel de ponentes como no elevado número de alumnado, que interesado por estes temas acude a biblioteca no seu tempo de lecer.

Biblioforte, no seu papel de dinamizadora da lectura, da lingua e da cultura galega, da creatividade, da inclusividade, ... e da imaxinación, abriu as ´suas portas ao espectáculo de contos, música e baile de Cé Orquestra Pantasma, nome baixo o que se agocha o vigués César Freiría, músico autodidacta e apaixonado dos instrumentos musicais.

 César, combinando os seus coñecementos de carpintería e musicais elaborou un vistoso “artefacto” que lle permite facer soar catro ou cinco instrumentos simultaneamente: acordeón ou guitarra nas mans; filharmónica ou trompeta na boca e bombo, pandeireta, caixa e pratos no lombo, accionados cos pes cun complexo mecanismo de cables.

 Un gran músico que aproveitando a súa formación de mestre, deleitounos con dúas brillantes actuacións didáctico – festivas onde o público deixa de ser espectador para converterse en protagonista.

 A primeira sesión, dedicada ao alumnado de infantil e primeiro ciclo, descorre ao fío do libro “A Voar”, un conto para soñar con música para brincar. Libro que conta a historia da pequena Xoana, unha xoaniña que movida pola curiosidade e o desexo de voar, emprenderá unha longa viaxe que a súa vida cambiará.

A segunda, para alumnado de 3º a 6º de primaria, transcorre ao fío de contos e lendas da cultura galega e do propio autor, quen ao son de diferentes estilos da música popular vai engaiolando ao público e así entre rimos, música e baile achega ao público infantil a cultura galega.

 .............................................................................................................................................

Para ver videos fai clic na imaxe

Desde 2016, o luns máis próximo ao 15 de outubro (festividade de Santa Teresa de Xesús) celébrase o Día das Escritoras, celebración coa que se busca reivindicar a labor e o legado das escritoras ao longo da historia.

Biblioforte sumase a esta celebración cunha exposición de libros das escritoras máis lidas no cole,

ademais dunha breve presentación das mesmas na revista da biblioteca, Falagueira.