No marco da actual Estratexia Galega de Convivencia Escolar 2025 a Consellería pon en marcha a Enquisa de Convivencia Escolar 2023, cuxo prazo de participación será do 2 ao 22 de maio (ambos os dous incluídos). 

Esta enquisa é de carácter anónimo e nela participarán todos os centros públicos e privados concertados dependentes da Consellería de Cultura, Educación, Formación Profesional e Universidades.

Así mesmo, recórdase que nesta enquisa participan todos os colectivos que conforman a comunidade educativa -alumnado(5º e 6º de primaria e de 1º a 4º de ESO), profesorado, persoal non docente e familias- . A partir de hoxe faremos chegar a cada persoa a comunicación que contén unha chave de acceso ao cuestionario do seu colectivo.

Pregamos aos membros da comunidade que cubran esas enquisas dos seguintes enlaces en función do colectivo do que formen parte:

• Recollida de datos para o alumnado de Educación Primaria" en https://edu.xunta.gal/convpri

• "Recollida de datos para o alumnado de Educación Secundaria Obrigatoria" en   https://edu.xunta.gal/conveso

• Recollida de datos para o profesorado" en     https://edu.xunta.gal/convdoce

• "Recollida de datos para o persoal de administración e servizos" en    https://edu.xunta.gal/convpas

• "Recollida de datos para as familias" en   https://edu.xunta.gal/convfamil

GRAZAS POLA VOSA COLABORACIÓN!