COMO PODEN COLABORAR OS PAIS?

As familias poden colaborar cos mestres/as  antes, durante e despois do período de adaptación dos nenos/as seguindo os seguintes consellos:

- Transmitir ao neno a idea de que medrar é bonito e que vai  ao colexio porque se está facendo maior.

- Non asustalo con temas relacionados co colexio.

- Falarlle ben da escola e dos profesores, pola contra teralles medo e non poderá confiar neles.

- Traelos con puntualidade e de xeito continuado, agás no caso de enfermidade, para non perder o ritmo de adaptación adquirido.

- Non ceder ante as perrenchas, agardar a que pase e despois darlle as razóns que necesite.

- Non lle dar máis importancia da que ten ao choro da entrada.

- Despedirse con naturalidade, evitando despedidas efusivas.

- Valorar os seus progresos, animalo e apoialo cando non consiga as metas  propostas.

Tendo en conta todas estas observacións facilitaremos entre todos que a incorporación no colexio e a educación se realice do xeito que os nenos merecen.