Campionato de Campo a Través Intercomarcal na Pobra do Caramiñal
Está claro que cando se gaña, a lama e a choiva importan menos. Iso foi o que deberon pensar os 36 rapaces e rapazas clasificados/as para esta proba Intercomarcal celebrada no circuito da Alta da Pobra do Caramiñal o pasado día 22 de Xaneiro de 2010.
Desta vez no Intercomarcal de Campo a través aínda choveu moito máis que no clasificatorio de Boiro. Acudimos a esta cita cun total de 36 atletas do CEIP O Grupo, 1 equipo feminino e masculino de cada categoría. Os resultados foron moito mellores do agardado xa que os benxamíns, tanto rapazas como rapaces conseguiron mois bos resultados. O equipo feminino benxamín conseguiu o segundo posto, Sara Pérez, Benxamina de 3º A, quedou clasificada en primeira posición individual e Roberto Moreira de 3º B, tamén Benxamín, quedou segundo clasificado individual. O resto de alumnos/as e mestres tamén o pasamos moi ben a pesares da choiva, das zapatillase roupa chea de lama. Ao rematar para asearnos tiñamos vestiarios e incluso ducha con auga quente.
*Clica nas ligazóns subliñadas para ver a galeria de imaxes.
