Xoves 22 de marzo de 2018
Con motivo da celabración da IV Semana da Ciencia recibimos a visita do mago Paco. A través de dous espectáculos demostrou que a maxia e a ciencia, dúas disciplinas que a priori non teñen nada en común, se parecen máis do esperado.
O primeiro, titulado "A maleta viaxeira", ía dirixido ao alumnado de Infantil e 1.º e 2.º de Primaria. Nel mesturou a maxia co mundo dos contos: libros con lume, moedas dun tesouro que aparecían e desaparecían, contos en branco que se enchían de cores... Os máis cativos quedaron abraidos cos trucos!
Despois do recreo chegou o turno dos maiores. Co espectáculo "Maxia VS Ciencia" descubrimos algúns dos porqués de certas partes da ciencia como: as cores, as matemáticas, o son, a astronomía ou os efectos ópticos e de 3D.
Dous espectáculos xeniais que serviron de punto de partida para as exposicións dos proxectos científicos que terán lugar mañá despois do recreo. Agardámosvos!
(Premede nas fotografías para acceder á galería e ver a xornada completa)
