#DígochoEu
Velaquí o #DigochoEu do noso cole,
estádelo facendo moi ben!!!
clikade na imaxe para ver todos os videos que enviades
Seguro que a todos e todas vos soa este título, non si?
Que vos parece iso de ser investigadores da lingua por un día, e logo vos gravades facendo o mesmo que fai Esther, esta moza que nos quita de bastantes dúbidas sobre a lingua galega?
Elixides unha palabra que pensedes que se di mal ou ben en galego, investigades sobre ela e logo gravades un pequeno vídeo, dicindo si era correcto o seu uso ou non. Unha vez o teñades feito enviádelo ao correo
cuartonantes@gmail.com.
Publicarémolos na web e no blog da biblioteca! Tedes de prazo ata o 7 de xuño. Animádevos!
Para investigar podedes buscar no dicionario de lingua galega, tamén na páxina web da Real Academia Galega (RAG), a cal estuda a cultura galega, o uso da lingua galega e elabora as normas gramaticais, ortográficas e léxicas do idioma galego.
A RAG ten o seu propio Dicionario. Nel podedes atopar palabras que de seguro non coñecedes e así dicirnos o seu significado.
Animádevos a facelo, entre todos podemos aprender moito!!
