Luns 20 de abril de 2020
Bos días unha semana máis! Como van eses ánimos? Seguro que estades a facer moitísimas cousas interesantes estes días, xa me contaredes!
Hoxe traio unha proposta nova e, para levala a cabo, precisamos cartón (ou cartolinas), unhas tesoiras e un lapis. Imos facer un "memory", que é un xogo de tarxetas no que hai que ir levantando dúas de cada quenda e facer parellas. Os nenos e nenas de terceiro ides facer un memory de multiplicacións, os de cuarto de fraccións e os de quinto e sexto de números decimais. Os pasos a seguir son os seguintes:
1. Collemos a cartolina, debuxamos 24 cadrados e recortámolos.
2. Unha vez recortados facemos 2 grupos (en cada grupo 12 cadrados de cartón).
3. Collemos un cartón dun grupo e escribimos a multiplicación (2x3),a fracción (2/3) ou o número decimal (0,3).
4. No cartón do doutro grupo escribimos o resultado da multiplicación (6), o debuxo da fracción ou como se le o decimal (cero coma tres).
5. Repetimos o mesmo proceso con todas as tarxetas, cambiando o que escribimos nelas.
6. Unha vez rematadas poñémolas boca abaixo, buscamos un compañeiro ou compañeira de xogo e desfrutamos!
Déixovos unhas imaxes dalgúns memorys xa feitos. Se tedes algunha dúbida podedes escribirme, déixovos o meu correo:
reforzat.nantes@gmail.com
Antes de despedirme gustaríame facervos un regaliño. Dixéronme que vos estades a portar moi ben, por iso quero darvos un diploma. Para iso só hai que clicar no enlace que poño máis abaixo, imprimilo e poñer o voso nome.
Moitos bicos e apertas da profe Jéssica, vémonos moi pronto!
| Adxunto | Tamaño |
|---|---|
| DIPLOMA _QUEDA NA CASA_ (1).pdf | 31.94 KB |
