Luns 27 de abril de 2020
Bos días nenos e nenas! Que tal? Como foi o paseo de onte?
Hoxe traio para vós unha proposta diferente. Coñecedes o programa Pasapalabra? Para quen non o coñeza, é un xogo que consiste en responder unhas preguntas tendo como única pista a letra pola que comeza a palabra; hai que responder todas as palabras do rosco! Déixovos unha imaxe para que vexades como é.
Pois hoxe fixen un rosco de pasapalabra para facer en familia. Decidín facelo en galego porque sempre hai algunhas palabras que son difíciles. Para respoder tedes 12 minutos, pero non vos preocupedes que hai 10 intentos. Fixádevos ben se as palabras comezan pola letra ou a conteñen! Para xogar non necesitades nada máis que un ordendor, on móbil ou unha tablet.
Hai que clicar no enlace que poño abaixo e ir engadindo as respostas. Se non sabedes algunha pasades á seguinte. Ao final de todo teredes todas as vosas respostas (se tedes algunha mal tamén porá a solución correcta).
Xa sabedes, quero que me escribades un correo e me contedes que tal o xogo!
Un biquiño grande.
Profe Jéssica.
