A actividade consiste na gravación da descrición oral do proxecto "Instalacións eléctricas básicas nunha vivenda" feita polo alumnado.
Xustificación da actividade
Esta actividade que se realiza co alumnado de 4º ESO A está xustificada por varias razóns:
Pola necesidade de experimentar con novos métodos as cousas que facemos desde hai tempo.
Para facer coñecer os nosos proxectos mediante a técnica do podcasting.
Para desenvolver a competencia comunicativa das nosas alumnas e alumnos, en especial a comunicación oral en galego a través do uso das novas tecnoloxías.
Para utilizar de forma autónoma diversas fontes de información.
Para familiarizarse cos sistemas de participación indivudual e colectiva de Internet: Slideshare (como YouTube, pero con presentacións powerpoint, podcasts, páxina web dinámica do Instituto.
Para dar a coñecer entre o nosos alumnado a páxina dinámica do Instituto.
Material
Por parte do alumnado bloc e bolígrafo para escribir os guións no seu caderno e busca de música de fondo.
Por parte do profesor:
Equipamento TIC do centro: PC portátil e micrófono.
Software de edición de audio: Audacity (freeware)
Programa SUPER para a conversión a mp3
Espazo Drupal do Centro.
Metodoloxía
Nos meses de xaneiro, febreiro e marzo, o alumnado perfeccionouse ata acadar certa soltura para poder realizar con éxito o proxecto final.
En abril preparamos e gravamos os textos. En maio escolléronse os fondos musicais.
Durante o segundo trimestre, o profesor expuxo a grandes trazos en que consiste a páxina dinámica do centro, baseada en Drupal e o proxecto podcasting e que é o que queremos conseguir.
Comentouse en clase, para motivalos, a importancia que vai desempeñar este proxecto na mellora das súas competencias lecto-escritas e o peso que vai ter a consecución do traballo na cualificación final. Subministróuselles unha guía ou folla de proceso e unha folla de planificación.
