Camiño do Penisal 29. 36320 Chapela-Redondela. Tf: 886 110 610 Fax: 886 110 623

BENVIDA

Tf: 986 453330   Fax: 986 450169 
Código de centro: 36019566
Ubicación Vídeo de presentación

HORARIOS CICLOS MODULAR CURSO 2016/2017

Visita do alumnado de 6º dos CEIPs

O 16 de maio recibimos ao alumnado de 6º no IES CHAPELA. Nesta xornada de acollida participaron ex-alumnos e ex-alumnas dos CEIPs que cursan ESO, Bacharelato, e Ciclos Medios e Superiores. Ademais de visitar o centro, deúselles información sobre os cambios que a nova etapa educativa que empezan suporá para eles e elas.

Despois da visita  disfrutaron  dun concerto  de benvida con 4 interpretacións do alumnado de ESO e Bacharelato  do IES, organizado polo profesor de música, Miguel Pérez, quen participou tamén no concerto acompañado dun violinista invitado, Paulo Pérez.

Por último o alumnado de 6º completou coa súas suxerencias e siluetas un mural colocado no hall do IES.

Folleto coas actividades

 

 Pica para ver máis  fotos                                     

 

Vídeos das actuacións

Miguel e Paulo  Susana, Noé, Lydia,..  Raúl Xenxo, Rául,...

Mural Celso Emilio

O luns 20 no 2º recreo da mañá (12:10h) tivo lugar o acto de inauguración do mural dedicado a Celso Emilio Ferreiro. 

Nel realizouse unha lectura colectiva do poema Deitado frente ao mar na que participou un representante de cada unha das aulas do instituto, xunto con representación do profesorado (Marga Comesaña) e persoal non docente (Moncho).

Contamos tamén coa presenza de Luís Ferreiro, fillo do autor homenaxeado e presidente da fundación Celso Emilio Ferreiro, que participou no recitado colectivo.

No acto descubriuse un mural deseñado e realizado polo alumnado de 4º ESO Carlos García, Nerea López e Paula Gil, coa colaboración de Carla Martínez e Laura Vázquez (4º ESO).

No momento de descubrir o mural tivo lugar unha actuación musical a cargo de alumnado do instituto: Xenxo Ortega (1º Bacharelato-gaita), Andrea Cabaleiro (3º ESO-tambor), Julia Rivas (3º ESO, pandeireta) e Carme Puime (3º ESO-bombo).

Xa podedes ver o vídeo do acto. Nova no Faro de Vigo

Viaxe cultural a París 2016

Video Ciclo Superior de Integracion Social

Vídeo difusión do Ciclo Superior en Integración Social realizado polo alumnado. Primeira promoción 2015-2016

O IES de Chapela co pobo saharaui

O IES de Chapela co pobo saharaui
A comunidade educativa recadou 1236,60 € para o programa Vacacións en Paz.

Desde o pasado 9 de maio o IES de Chapela está desenvolvendo unha campaña de sensibilización sobre as condicións de vida dos refuxiados saharauis que levan desde 1975 en campamentos en territorio alxerino e o seu dereito a regresar á súa terra, ocupada polo goberno de Marrocos. 

A campaña tamén ter por obxecto recadar fondos para o programa Vacacións en Paz, que organiza todos os anos a Asociación Galega de Amigos do Pobo Saharaui. Grazas a ese programa as nenas e nenos refuxiados entre 7 e 12 anos poden pasar dous meses do verán con familias galegas. Dese xeito evitan as altas temperaturas dos campamentos nesas datas (ata 50 ºC), acceden a revisións médicas e tratamentos (se os precisan) a través dun convenio co SERGAS e teñen contacto coa nosa cultura mentres aprenden as nosas linguas castelá e galega.       

O custo de manutención das nenas e nenos é asumido por cada familia acolledora, pero o custo da viaxe e seguro (890€ por cada nena/o) debe pagalo a Asociación grazas ás achegas dos Concellos e a campañas como a desenvolvida no IES de Chapela. 
En Chapela puxémonos como obxectivo que poida vir este verán unha nena ou un neno saharaui máis, para o que se precisarían 890€. Polo tanto acadamos con creces o obxectivo da campaña. Profesorado e alumnado voluntario do Ciclo de Integración Social percorreron as aulas de diurno e de nocturno para sensibilizar sobre esta situación.
  • Foto do alumnado de 4º ESO co reconto final de euros acadados
  • Vídeo realizado por unha alumna do Ciclo Superior de Educación Infantil que describe a historia e a situación actual do pobo saharaui

XX Maratón Letras Galegas 2016

Xa podedes ver algunhas fotos da Maratón

 

       
         
 

 

 

 

Maratón Letras galegas 2016

O luns 16 de maio celebraremos  a XX edición da Maratón das Letras Galegas. A carreira sairá do IES e contará coa participación dos CEIPs de Chapela.

Haberá clase ata o 1º recreo e a  carreira dos maiores comezará ás 12.

 

 

 

O Berete, novo número

Distribuir contido