O vindeiro mércores 9 de xuño procederase ao cuarto reparto de máscaras ás respectivas familias beneficiaras da axuda de acordo coa Orde do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta Consellería e en centros privados concertados no curso 2020/21.
Repartirase 1 caixa de 50 máscaras cirúrxicas dando cobertura ata final de curso.
O reparto farase na aula de referencia e entregarase ao propio alumnado beneficiario da axuda. No caso do IES de Cotobade correspóndese co alumnado que resultou beneficiario da axuda de fondo de libros.
Contabilízase 1 máscara para cada día lectivo e dúas para os martes, en horario de mañá e tarde, de acordo co calendario escolar.
Rogamos supervisen o cambio diario da máscara do seu fillo ou filla.
O 30 de decembro publicouse a Lei Orgánica 3/2020, de 29 de decembro, pola que se modifica a Lei Orgánica 2/2006, de 3 de maio, de Educación, coñecida como LOMLOE.
Durante os últimos catro meses David Dowd, o noso asistente lingüístico, estivo entre nós. Foi enviado para reforzar a Sección Bilingüe de Bioloxía, pero traballou co alumnado de todos os cursos. Axudounos a mellorar o noso inglés, aprendemos sobre o seu país, EEUU, e a súa cultura.
Os alumnos aceptaron os seus retos e pasárono ben, atopando un motivo real para falar inglés.
Como broche final, o alumnado de 3º ESO desenvolveron o proxecto "A Hint of America" sobre o baseball en Estados Unidos e no mundo, profundizando nas súas orixes, competicións, e descubrindo grandes figuras deste deporte, como Jackie Robinson.
Todos os alumnos de ESO terminaron xogando ao baseball. O último día de David, mesmo profesores e persoal tentárono no recreo!
Coa axuda de David, agarramos o bate, puxémonos a luva e...todos a xogar.
A saber se unha futura figura do baseball na nosa terra está entre nós!
A través deste deporte tan popular nos EEUU , pero tan descoñecido para nós, unha vez máis se demostra a relevancia do deporte como parte da cultura dun país coa cal podemos comprendernos mellor, gozar e crecer como persoas-cidadáns do mundo.
Grazas David polo teu apoio, por ser tan positivo e cercano.
Os alumnos disfrutaron aprendendo contigo.
Aquí unha mostra do entusiasmo creado grazas a ti.
Esperamos que volvas pronto, mentres tanto botarémoste de menos.
Marabilloso taller impartido pola artista sueca Elisabet Hillerud para o alumnado de 1ºESO. Parabéns a todos e a todas polas súas creacións e grazas á profesora de EPVA, Beatriz Pérez Espiña, pola súa ensinanza e compromiso constante coas Artes.
Hoxe o departamento de Orientación inicia o segundo bloque de contidos incluído no Programa de Toma de decisións destinado ao noso alumnado do 4º curso de Educación Secundaria Obrigatoria.
O alumnado coñecerá neste bloque todo o referido á Formación Profesional : as súas caraterísticas, a súa organización, os requisitos de acceso e outros aspectos de interese como os prazos de solicitude e de admisión e a oferta de ciclos formativos para o curso 2021/2022.
Agradecemos novamente o labor da xefa do departamento de Orientación, María José Seco López pola ponencia de hoxe, polas distintas iniciativas e constante implicación.
Para acceder á información da sede da xunta de galicia sobre o procedemento, prema aquí.
Toda a información e documentación está exposta no taboleiro de anuncios da secretaría do centro.
Poden consultar a información proporcionada pola secretaría do IES de Cotobade e descargar os anexos I e II de solicitude, propios do centro,premendo nos seguintes adxuntos.
A Consellería de Educación dentro do seu programa "Aliméntate ben. Froita na escola", concédenos outras dúas semanas de reparto de froita fresca para todo o noso alumnado de ESO do 24 de maio ao 4 de xuño de 2021. Como o trimestre anterior, ofrecerase froita de tempada que será repartida durante os recreos.
A froita será previamente colocada en caixas de plástico hixienizadas na porta de cada aula, por grupos estables, das que irán collendo individualmente as pezas, para merendar na zona de patio correspondente.
Tédeo en conta á hora de prever a merenda do voso fillo / da vosa filla.
O alumnado do I.E.S de Cotobade rendeulle a súa particular homenaxe a Xela Arias, autora á que se lle dedica o Día das Letras Galegas neste ano 2021. A combinación dos versos da autora e a creatividade de cada alumna e alumno deu como resultado o seguinte mural. Parabéns a todo o alumnado e ás profesoras Paula Ríos Estévez (lingua e literatura galega) e a Beatriz Pérez Espiña (EPVA) polo traballo e iniciativa.