No día mundial do medio, o alumnado de primeiro de ESO fixo un traballo de pesquisa sobre un dos grandes problemas ambientais aos que se enfronta a humanidade, os plásticos. Plasmaron os coñecementos adquiridos na súa búsqueda nunhas infografías co fin de axudar a concienciar á comunidade educativa do noso Centro da necesidade dun consumo responsable e dunha reciclaxe axeitada e global. Actividade coordinada pola profesora MªJesús López Blanco.
Este ano por mor da crise sanitaria da Covid-19, tivemos que adaptar o Programa de Tránsito entre a Educación Primaria e a ESO que desenvolvemos habitualmente cos nosos centros adscritos o CEIP Plurilingüe de Carballedo e o CEIP de Tenorio. Por unha banda a orientadora visitou os dous centros para explicar ao alumnado de 6º de Primaria a nova etapa educativa que comezarán no mes de setembro.
Ademais puideron ver o vídeo de presentación do IES de Cotobade titulado "En tempos de pandemia", creado por Carina Vales Rey, secretaria do instituto, vídeo que se atopa tamén no bloque "dependencias" desta Web.
Na segunda parte do Programa realizamos conxuntamente entre os tres centros unha videoconferencia para que o alumnado do 6º curso puidese expor preguntas e dúbidas que foron respondidas polo alumnado de 1º ESO.
Agradecemos a colaboración e dispoñibilidade dos responsables do CEIP Plurilingüe de Carballedo e do CEIP de Tenorio e felicitamos ao alumnado pola súa gran participación.
