Skip to Content

Educación Física, Física e Química, Matemáticas, Orientación, Música, Tecnoloxía, Educación Plástica e Visual, Lingua e literatura galega, Lingua e literatura castelá, Inglés, Francés, Ciencias Sociais - Xeografía e Historia, Ciencias Naturais

Fomentar o benestar dos nosos/as fillos/as

Xov, 09/05/2024 - 15:40 — carina

O vindeiro martes 28 de maio ás 18:30h terá lugar no noso centro unha charla a cargo da psicóloga Ángela Patricio Cal sobre benestar emocional, prevención da ansiedade, do estrés, crises e depresión, entre outros, nos e nas adolescentes.

Por favor, pregamos que cubran o seguinte formulario co obxecto de prever o número de asistentes: 

https://forms.gle/Cs2anCaXM9AF3yem8 

Ficha 5. Programa Quérote +

Mar, 16/04/2024 - 10:25 — carina

As redes sociais son un espazo máis no que a xente nova se relaciona con naturalidade.
No programa Quérote máis de 3ºESO concienciamos tamén sobre a relación dos sexos a través da tecnoloxía. Reflexionamos sobre as características da comunicación virtual para evitar malentendidos e previr conflitos.

Tamén falamos dalgunhas prácticas como o sexting, que se refíre ao envío de fotos, vídeos ou texto de carácter erótico ou sexual a través de internet.  

Segundo un estudo da Universidade de Santiago, o 26,8% dos adolescentes recoñece ter recibido algunha vez fotos, imaxes ou vídeos de carácter erótico o sexual e o 8% recoñece incluso telos enviado.  

Diferenciar entre sexting, sextorsión e outros termos axudará a xente xove a manter relacións libres, acordadas e sobre todo seguras. #quérotemáis

Terceira actividade do Proxecto Bosque Atlántico. Visita ao CUVI.

Lun, 15/04/2024 - 16:03 — carina

O pasado mércores 10 de abril, o alumnado de 1° da ESO visitou o Campus da Universidade de Vigo (CUVI) en Lagoas-Marcosende dentro do proxecto Bosque Atlántico no que participamos este ano.
O proxecto trata de concienciar ás novas xeracións da necesidade de coidar e respectar os ecosistemas naturais, considerando que a mellor vía para esta sensibilización é o coñecemento.

Esta foi a terceira actividade do proxecto.

A primeira, unha presentación das 25 especies de árbores que conformarían os bosques autóctonos do subsistema ecolóxico das Rías Baixas e a segunda un xogo sobre esta temática, foron desenvolvidas no primeiro trimestre no noso centro.

Na visita ao CUVI o alumnado poido camiñar polo bosque autóctono que a Universidade de Vigo leva tratando de recuperar durante os últimos 20 anos, recoñecendo as diferentes especies e aprendendo da ecoloxía, a bioloxía e curiosidades das mesmas e do propio territorio e a cultura ancestral da man do noso guía, experto na materia, Marcos Guiadanes. 

Ademais do propia actividade, os rapaces poideron desfrutar dun día de convivencia ao aire libre, cun tempo primaveral.


Visita do 2ºcurso de ESO a Santiago de Compostela

Ven, 05/04/2024 - 17:42 — carina

Hoxe o alumnado de 2°ESO, acompañado polas profesoras Marta Rivadulla Bendaña e Milagros García Rajoy, visitou a catedral de Santiago de Compostela.
Alí coñeceu de primeira man o Pórtico da Gloria do Mestre Mateo e as principais características estilísticas do románico e do barroco galego.

A saída rematou no Museo do Pobo Galego, onde visitaron o Panteón de Galegos ilustres e a única escaleira triple helicoidal de Domingo de Andrade.

Parabéns ao departamento de xeografía e historia pola iniciativa e organización. 

Plan Proxecta Quérote +

Mar, 05/03/2024 - 14:12 — carina

Continuamos traballando a educación afectivo-sexual a través do Plan Proxecta Quérote +, falando sobre a orientación do desexo e cuestionando o modelo do amor romántico que sustentan as relacións de maltrato.

O día 12 de marzo, para as familias e o día 21 de marzo, para o alumnado de 3ºESO, terá lugar un obradoiro complementario impartido pola psicóloga Noa Tilve Cabada, coordinadora dos centros Quérote +. 


Programa Quérote +

Mér, 07/02/2024 - 16:34 — carina

Dende as titorías de 3ºESO seguimos traballando a educación afectivo-sexual co programa Querote + . Que é a sexualidade? Que é o desexo e a identidade sexual? Dende o respecto pola diferenza,  nos xeitos de sentir e desexar.
Velaquí algunhas fotografías relacionadas coas actividades 2 e 3 do programa.

 

Visita ao Xulgado de Pontevedra

Xov, 18/01/2024 - 18:11 — carina

Esta mañá o noso alumnado do 3º curso de ESO visitou o Xulgado de Pontevedra dentro do programa “Educar en Xustiza” promovido polo TSXG. 

Parabéns ao departamento de xeografía e historia pola organización e iniciativa. 

Plan Proxecta Quérote +

Xov, 21/12/2023 - 20:24 — carina

O noso centro ten concedido o Plan Proxecta Querote+, un programa de educación afectivo-sexual para o 3º curso da ESO.

Na primera sesión, o noso alumnado atopa no servizo de asesoramento en rede Quérote+ unha fonte fiable de información e consulta para a xuventude.

Porque en internet non todo vale, certo?


Mediación curso 2023-24

Mér, 20/12/2023 - 15:49 — carina

Ao longo da mañá de onte, día 19, o alumnado mediador con experiencia e o novo alumnado no equipo recibiron un curso para mellorar a súa capacitación na resolución de conflitos. Con esta iniciativa damos continuidade ao proxecto de mediación entre iguais do noso centro educativo.

Obradoiro de Zentangle con Elisabet Hillerud

Mér, 29/11/2023 - 20:30 — carina

Hoxe os/as nosos/as pequenos/as artistas desfrutaron dun obradoiro de Zentangle con Elisabet Hillerud #zengoala. 

A actividade está enmarcada no Proxecto Competencial « Zentangle » de 1ºESO A e 1ºESO B, coordinado pola profesora de EPVA, Beatriz Pérez Espiña. Velaquí as mostras das súas creacións. Destacamos o seu esforzo por comunicarse en inglés coa artista ao longo do taller.
Parabéns pola actividade!!!

Distribuir contido


by Dr. Radut