De acordo cos artigos 13 (Publicación de actos) e 21(Publicación de listaxes provisionais e definitivas de 3º, 4º, 5º e 6º de EP e 1º, 2º, 3º e 4º da ESO.) da  ORDE do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/2024.

Tal como xa se vos informou por mensaxería, lembrade que poden consultar no taboleiro da secretaría do centro o listado provisional da adxudicación do número de libros de texto que lle corresponde a aquel/a alumno/a que resultara beneficiario/a da axuda para o curso 2023-24.

Consultada a listaxe, prazo de reclamación ata o 19 de xullo de 2023.

Para acceder á listaxe, prema uns segundos na imaxe, de non descargarse vaia ao documento PDF adxunto. Tamén a pode consultar no taboleiro da secretaría do Centro. 

Aviso: Trasladada a incidencia á Editorial Anaya para atopar os libros de francés: J'aime. Cedéronnos uns novos códigos ISBN que actualizamos na listaxe adxunta a día 27/07/2023, e no taboleiro de secretaría. Estes novos ISBN, correspóndense co Pack de

Libro de texto + un libriño de lectura de regalo. 

Non obstante, aseguran que cos antigos códigos as librerías deberían localizar igualmente o libro que corresponda, pero virá sen o libro de lectura de agasallo. O dato a ter en conta é que se corresponda co título, autores e editorial.

Se estades asociados/as á ANPA, poñédevos en contacto coa asociación para que vos indiquen que libros van repartir para o vindeiro curso.

Con motivo do final de curso académico a Sección Bilingüe de Bioloxía e Xeoloxía, organizou unha xornada de convivencia na península de O Grove para alumnado de 1º ESO e 3º ESO.

No Monte da Siradella, realizamos o roteiro dos miradores. Unha ruta circular polos distintos miradoiros que se atopan no alto do Monte Siradella para coñecer a historia das poboacións que se ven dende eles, coñecer as bateas, a fauna da contorna, as formacións xeolóxicas.

Esta ruta completouse cunha visita explicativa guiada á exposición da Aula de Interpretación da Natureza, e o visionado do  vídeo do Complexo intermareal Umia-O Grove.

Finalmente o alumnado goxou dun paseo pola Illa da Toxa en compañía do profesorado organizador, Victoria Carrera e Sergio Ramos, os profesores voluntarios, Lucía Tojo e Ricardo Maquieira, aos que agradecemos a súa colaboración, así como á nosa asistente lingüística, Thea Munji, que regresou para compartir un día máis connosco.

Debido a un erro central no programa de xestión xeral, adíase a entrega de notas quedando para o martes 27 de xuño nas mesmas franxas establecidas para cada curso. 

Periodo para formalizar a matrícula : do 27 de xuño ao 10 de xullo de 2023. 

Para ver ou descargar as instrucións prema aquí.

Fondo solidario de libros de texto e axudas para a adquisición de libros de texto e material escolar Curso 2023/2024. 
Procedemento administrativo:     ED330B

Prazo de solicitude:     
do 20/5/2023 a 21/6/2023, incluídos

Texto da convocatoria:    
ORDE do 10 de maio de 2023 (DOG do 19 de maio)

Para ver as instrucións facilitadas pola administración do IES de Cotobade, pinche aquí

Forma de presentación:

• Electrónica: utilizando a aplicación 

NOTA: na presentación electrónica deberá presentarse unha solicitude individual para cada un dos fillos

• Presencial con asistencia da aplicación : cubra os datos nesta aplicación, imprima os Anexos I e II producidos e presénteos no centro (inicie premendo no icono de botón na esquina superior dereita da pantalla)

• Presencial: utilice os Anexo I e Anexo II da Orde da convocatoria ou os anexos simplificados do IES de Cotobade que se achegan en adxunto. Ou pinchando aquí
  

O alumnado que non estea admitido nin coñeza en que centro vai estar escolarizado no curso escolar 2023-2024, deberá presentar a solicitude no centro no que está matriculado no curso 2022-2023

Máis información:

• "Preguntas frecuentes"
• Información na Sede electrónica da Xunta de Galicia