Skip to Content

Complementarias, Extraescolares

Obradoiro de Zentangle con Elisabet Hillerud

Mér, 29/11/2023 - 20:30 — carina

Hoxe os/as nosos/as pequenos/as artistas desfrutaron dun obradoiro de Zentangle con Elisabet Hillerud #zengoala. 

A actividade está enmarcada no Proxecto Competencial « Zentangle » de 1ºESO A e 1ºESO B, coordinado pola profesora de EPVA, Beatriz Pérez Espiña. Velaquí as mostras das súas creacións. Destacamos o seu esforzo por comunicarse en inglés coa artista ao longo do taller.
Parabéns pola actividade!!!

Conferencia: "Pequenas heroínas. As bacterias que degradan o plástico".

Ven, 24/11/2023 - 19:41 — carina

O pasado martes 21 de novembro, o noso alumnado do 4° curso de ESO tivo a oportunidade e o honor de asistir a unha conferencia científica organizada pola Deputación de Pontevedra.


Tivemos o privilexio de contar con Dona Alicia Estévez Toranzo, vicepresidenta da Real Academia Galega das Ciencias, e mentora da investigadora Dona Sabela Balboa Méndez, principal encargada da conferencia. A actividade foi presentada polo noso alcalde, e deputado provincial Don Jorge Cubela López.


Durante hora e media, tivemos a oportunidade de coñecer o seu traballo de investigación sobre as bacterias que poderían degradar plásticos, e da importancia da súa contribución cara a un futuro sostible.


Ao longo da exposición, ademais de presentar o seu traballo dunha forma moi amena e ben axustada ao nivel do alumnado, fixeron partícipe ao alumnado, invitándoo a intervir con apreciacións, dúbidas e inquedanzas sobre a temática.
Salientamos que na rolda de preguntas finais xurdiron cuestións de gran interese, polo que as científicas animaron aos nosos estudantes a non ter medo a dirixir o seu futuro cara a investigación.

"Bosque atlántico", organizado pola Universidade de Vigo, achégase ao noso alumnado do 1° curso de ESO.

Ven, 24/11/2023 - 18:07 — carina

Este programa pretende dar a coñocer e poñer en valor o ecosistema autóctono do bosque atlántico das Rías Baixas, denunciando o altísimo nivel de degradación do mesmo polo uso masivo de especies invasoras, sobre todo con fines de aproveitamento forestal. 


O educador ambiental Marcos Guiadanes, realizou dúas visitas ao centro.
Na primeira,  fixo unha interesante exposición da historia dos nosos bosques, e do proceso de deterioro, e posteriormente, presentou ás que se consideran as 25 especies autóctonas dos bosques das Rías Baixas.

 Na segunda, os rapaces amosaron todo o que aprenderon na visita anterior, cun divertido xogo por equipos nun taboleiro tamaño XXL. 


Para a primavera rematará a actividade cunha visita ao bosque do CUVI no que se plantaron exemplares das 25 especies mencionadas.

 

A actividade foi promovida polo departamento de Bioloxía e xeoloxîa polo que agradecemos o compromiso do profesor e xefe de departamento Sergio Ramos Martínez. 

 


Exposición 25N e recursos de aula

Mar, 21/11/2023 - 13:55 — carina

Para visualizar a proposta de actividades do Departamento de Orientación partindo da exposición, prema aquí

Saída do alumnado de 1º e 3º ESO. Organizado pola Sección bilingüe do IES de Cotobade

Mar, 04/07/2023 - 16:56 — carina

 

Con motivo do final de curso académico a Sección Bilingüe de Bioloxía e Xeoloxía, organizou unha xornada de convivencia na península de O Grove para alumnado de 1º ESO e 3º ESO.

No Monte da Siradella, realizamos o roteiro dos miradores. Unha ruta circular polos distintos miradoiros que se atopan no alto do Monte Siradella para coñecer a historia das poboacións que se ven dende eles, coñecer as bateas, a fauna da contorna, as formacións xeolóxicas.

Esta ruta completouse cunha visita explicativa guiada á exposición da Aula de Interpretación da Natureza, e o visionado do  vídeo do Complexo intermareal Umia-O Grove.

Finalmente o alumnado goxou dun paseo pola Illa da Toxa en compañía do profesorado organizador, Victoria Carrera e Sergio Ramos, os profesores voluntarios, Lucía Tojo e Ricardo Maquieira, aos que agradecemos a súa colaboración, así como á nosa asistente lingüística, Thea Munji, que regresou para compartir un día máis connosco.


Actividade coa protectora de animais do Morrazo

Dom, 02/07/2023 - 19:40 — carina

Por primeira vez e tras a iniciativa da profesora Laura Magariños Seijo, o noso Centro participou nunha actividade coa Protectora de Animais do Morrazo. A actividade foi todo un éxito polo que agradecemos á profesora pola organización e innovación, ao profesorado voluntario e comprometido (Concepción Cabada, Javier García, José Manuel Ledo), ao alumnado participante de 2ºESO polo entusiasmo e disposición e por suposto á Protectora polo labor cotiá e por compartir os valores e a experiencia. Parabéns!!

Xincana no IES de Cotobade. Descubrindo a Francisco Fernández del Riego.EDLG. Letras galegas 2023

Ven, 19/05/2023 - 18:52 — carina

Competicións polideportivas intercentros. 1ºESO

Xov, 11/05/2023 - 18:10 — carina

Tras unha parentese por mor da pandemia, este curso retomamos as competicións polideportivas intercentros a través do programa Xogade  (xogos galegos deportivos en idade escolar).

O noso alumnado máis xove de primeiro de ESO gozou no día de hoxe dunha xornada de competicións xunto co alumnado de Pontecaldelas. Cumpriuse con éxito un dos seus obxectivos principais : fomentar e estender o deporte educativo e saudable a toda a comunidade educativa. Parabéns a todos os participantes!

Visita a FP Innova 2023 e ao Museo de Galicia en Compostela.

Xov, 30/03/2023 - 17:46 — carina

O pasado venres 24 de marzo, o alumnado de 4º ESO foi á Cidade da Cultura de Santiago de Compostela. 

Na primeira parte da saída, acudiron á actividade FP Innova 2023 onde puideron visitar postos nos que se amosaban proxectos de carácter pioneiro de diferentes ciclos formativos. Tamén tiveron a posibilidade de participar nalgúns obradoiros vinculados ao mundo profesional e ás distintas saídas laborais de ditos ciclos. 

Na segunda parte da saída, visitaron o Museo de Galicia que actualmente acolle a exposición "Camiños Creativos" e que conta con relevantes pezas artísticas procedentes de máis de trinta museos de todo o mundo. Neste caso o obxectivo foi promover a relación do alumnado coa arte contemporánea a través da interacción coa propia obra.

Exposición : “Que no te confundan”

Ven, 27/01/2023 - 18:11 — carina

Ao longo destas semanas, a comunidade educativa gozará da exposición : "Que no te confundan!" cedida pola Asociación Pro Derecho Humanos de Andalucía de Cádiz. Os diferentes paneles expostos recollen os distintos bulos, rumores infundados cunha carga xenófoba preocupante que se van facendo cada vez máis frecuentes.  
Esta exposición pretende facer reflexionar sobre a veracidade dos contidos e será motivo de debate e reflexións nas nosas aulas nas distintas titorías sobre o repunte de racismo e xenofobia que arruina a conivenvia intercultural e diversa.
Agradecemos a iniciativa e organización do departamento de Orientación e por suposto á APDHA de Cádiz polo traballo e cesión da exposición. 

https://www.apdha.org/que-no-te-confundan/


Distribuir contido


by Dr. Radut