Complementarias, Extraescolares

No IES de Cotobade queremos render a nosa particular homenaxe ás mulleres importantes cuxos nomes non sairán na Wikipedia nin ocuparán unha presadiña de minutos en ningún documental. Unhas mulleres fortes, valentes, decididas, traballadoras, xenerosas, curtidas en moitas batallas case desde o instante de nacer. Uns seres feitos dunha pasta especial, enfundadas as máis das veces nunha bata de cadros coas mans sempre abertas e dispostas. Unhas mans que noutrora agarraron a zapatilla para aplicar o “tough love” á súa prole e que hoxe arrincan amodiño as follas do almanaque ata que nos poidan acariñar de novo. A esas criaturas que dormen cun ollo aberto e outro pechado, capaces de afrontar calquera revés da vida con serenidade e de dicir a calquera hora da madrugada “séntate aí que che frito un ovo”, a elas, ás que están e ás que tiveron que marchar, a todas, por todas as luces que acenderon para nós: GRAZAS, AVOAS!!!

No día de hoxe, a  presidenta da Asociación de Déficit de Atención e Hiperactividade de Pontevedra (ADAHPO) Monserrat Álvarez e as terapeutas Jésica Fraguas Vieitez e Natalia García Meijueiro impartiron un obradoiro co alumnado de 1º ESO, en colaboración coas profesoras das materias de Relixión Católica e Valores Éticos e o Departamento de Orientación do noso centro.

A curtametraxe O Cazo de Lorenzo presenta a Lorenzo , un neno que carga cun cazo, un cazo vermello que lle oprime, deprímelle e que fai que lle custe máis que aos demais nenos e nenas conseguir certas cousas. Este cazo é a materialización da súa diferenza respecto dos demais.

O alumnado reflexionou sobre a importancia de desenvolver valores como o respecto ás diferenzas , a colaboración e  o compañeirismo.

Este venres día 12 de febreiro, a pesar da pandemia, o noso centro respectando todo o protocolo COVID quixo premiar ao alumnado polo comportamento e seguimento das normas a cumprir ao longo destes meses, pese ás dificultades emocionais e ás adaptacións que isto supuxo.

A Dirección, ofreceu as tradicionais "orellas de entroido" a todo o alumnado do centro para merendar no recreo. O alumnado púidose disfrazar e só se acercaron a menos dun metro e medio para a toma de fotografías, sempre no exterior, aportando unhas pinceladas de cor e alegría nestes duros momentos!

Para ver as bases do concurso, prema no arquivo PDF adxunto na parte baixa da sección.

Deixa a túa declaración no buzón da mesa de conserxaría.