O soño dunha noite de verán
Enviado por Anónimo o Ven, 09/05/2014 - 13:14
 |
| O venres 9 de maio o grupo de teatro do centro, Skene, cun amplísimo elenco este ano e dirixido por Manuel Solla representou no Teatro Principal unha adaptación da obra O soño dunha noite de verán, de Shakespeare. Salvados os problemas de última hora (como por exemplo un actor lesionado un par de días antes) a velada foi todo un éxito; cunha coidada escenografía e unha boa actuación de todos eles resultou moi amena para todos os espectadores. Os nosos parabéns a todos os participantes, cunha mención especial para aqueles actores que tiveron que aprender un novo papel a contrarreloxo. (Máis fotos) |
