Curso 2015-2016

Preme na imaxe para ver o arquivo publicado na Voz de Galicia o domingo 3 de xullo sobre a actividade nos centros nos meses de vacacións.

Pincha na imaxe para ver todas as fotografías.

A profesora de Educación Física Ana Santos Solla obtivo a medalla de ouro na proba de 80 metros valados no campionato de España de Atletismo de veteráns que se celebrou en Elche. Parabéns profe, unha máis para a colección.

O grupo 4º de ESO A e a profesora de Educación Física Ana Santos Solla acaban de acadar o sello de calidade do programa europeo eTwinning polo seu traballo de Acrosport feito conxuntamente co Licée Félix Faure de Beauvais (Francia). Tedes toda a información sobre o seu proxecto nesta ligazón https://twinspace.etwinning.net/12263/home. Parabéns a tod@s. Pincha no diploma para ver todas as fotografías.

O pasado venres 10 de xuño tivo lugar no teatro Principal a representación da obra "Queridos reis magos..." do grupo de teatro de profesorado do IES Valle Inclán Argallada. Coma sempre non queda mais que dar os parabéns a todos os compoñentes do grupo pola magnífica representación que fixo pasar un moi bo rato aos asistentes.

Os alumnos Carlos Ben Arribi de 4º de ESO B e Sabela Estévez Cochón de 2º de ESO D foron premiados no XXIII Concurso Canguro Matemático - 2016 que se celebrou as 16:45 horas o xoves 17 de marzo de 2016 nas distintas sedes de toda España que habilitou a organización para a realización da proba. Parabéns aos dous premiados. Pinchando na imaxe tedes a lista de premiados e no texto a ligazón ás probas.

Ligazón ás probas (nivel 1 é 1º de ESO e nivel 6 2º de Bacharelato)

Pincha na imaxe para ver o artigo publicado este domingo 19 de xuño na Voz de Galicia sobre os brillantes resultados obtidos nas PAU polos nosos mellores expedientes. 

O alumnado do IES Valle Inclán tanto o de diurno como o de adultos obtivo uns moi bós resultados nas PAU que tiveron lugar a semana pasada. En diurno acadouse o 100% de aprobados e  sete alumnos/as superaron o nove na fase xeral. Parabéns a tod@s.

A profesora de Educación Física Ana Santos Solla obtivo tres medallas de ouro nos Campionatos Galegos de Atletismo de Veteráns que tiveron lugar en Villagarcía nas probas de 100 e 200 metros lisos e 80 metros valados. Parabéns profe.

O alumnado de Educación Plástica e visual de 4º de ESO D baixo a dirección do profesor Isidro Cortizo realizou unha simulación con programas informáticos en 3D da entrada e do paraninfo do Centro. Neste vídeo podedes ver o resultado.

Na imaxe da alumna do Centro Nuria Casas está a ligazón ao arquivo publicado na Voz de Galicia o mércores 15 de xuño sobre o alumnado que se presentará aos exames para intentar obter o Premio Extraordinario de Bacharelato.

No seguinte imaxe tedes a ligazón á entrevista publicada na voz de galicia o martes 14 de xuño ás alumnas de 1º de Bacharelato Ainhoa Esteban Moldes e Raquel Miranda Sieiro premiadas no concurso de Modelado 3D mediante fotografía organizado polo Concello de Santiago.

O Grupo Argallada, que cumpre agora dez anos ( estreabamos alá por maio do 2006 a nosa primeira montaxe con moita ilusión, moitos nervios e moitas ganas), quere convidarvos á estrea de: QUERIDOS REIS MAGOS, unha obra que de seguro non vos ha deixar indiferentes. Unha comedia cun humor non exento dunha boa dose de ironía, protagonizada por pais e fillos, fillos e pais cunha visión do mundo non sempre coincidente. A perplexidade dos nenos ante algúns aspectos da vida, a incomprensión dos pais ante certos comportamentos dos seus fillos, a nostalxia da nenez... en fin que non podedes nin debedes perdela. Agardámosvos. Venres 10 de xuño ás 21:00 no Teatro Principal.

O pasado venres 3 de xuño o alumnado de 3º de ESO visitou o Parque Arqueolóxico da Arte Rupestre de Campo Lameiro e entre outras actividades poideron descubrir mediante diversas réplicas e obxectos característicos a evolución das técnicas cinexéticas na Prehistoria, converténdose en cazadores que deben despregar todo o seu enxenio e habilidades para acadar o seu obxectivo. Pincha na imaxe para ver todas as fotografías.

Aquí tedes diferentes ligazóns a artigos publicados na prensa relacionados coa conmemoración do 150 aniversario do nacemento de Ramón María del Valle-Inclán. Para unha correcta visualización abrir os arquivos co Adobe Acrobat Reader.

Artigo publicado no Faro de Vigo do domingo 5 de xuño de 2016.

Artigo publicado no Diario de Pontevedra do sábado 28 de maio de 2016.

Artigo publicado no Diario de Pontevedra do venres 27 de maio de 2016.