Curso 2011-2012

Na semana do 19 ao 23 de xuño o alumnado de 4º ESO realizou a viaxe de fin de etapa.  Uns días de intensa convivencia para celebraren -a maioría!- o éxito nos seus estudos. Tomando como base o albergue Palacio de la Teyería, en Mestas de Con, visitaron Cudillero, Santander, Santillana del Mar (onde viron as neocovas de Altamira), Cangas de Onís, Covadonga e a praia das Catedrais. Ademais tamén tiveron actividades deportivas, como unha ruta de senderismo polos lagos de Covadonga, o descenso do río Sella en canoa ou unha sesión de paintball. (Máis fotos)

O venres, 21 de xuño (como podemos ver no cartel que a anunciaba) foi representada a obra Aulularia, de Plauto no Teatro Principal por alumnos e alumnas de Humanidades do IES Valle Inclán, A Xunqueira I e A Xunqueira II. Ademais de pasaren todos eles bons momentos mentres a ensaiaban e facérennos gozar a todos os espectadores cando a vimos, recadaron cartos para a viaxe a Grecia que van realizan a principios do próximo mes.

O elenco da obra, dirixida pola profesora María Álvarez, estaba formada por Ánxel Carramal Fernández, Carmen Córcoba Conde, Agustín Fernández Couto, Sara Gallego Piñeiro, Aida García Balboa, Sara López Lago, Javier Maquieira Pereira, Atenea Luana Martínez Álvarez, Carlota Paz Otero, Sara Pazos Martínez, María Pena Fraiz, Melisa Ríos Brito, Carmen Rodríguez Rodríguez, Adriana Sánchez Martín, Laura Torres Buceta, Roberto Vázquez González e Javier Villar Aguilar. (Máis fotos)

O alumnado de 2º ESO realizou unha saída dentro do programa de actividades ofertadas polo Concello. Esta actividade constou de dúas partes: o estudo da biodiversidade nun monte de Xeve afectado por un incendio e a eliminación de invasivas (mimosas) nas marxes do río Lérez. (Máis fotos)

 Jorge Gallego Veiga

1º ESO B

 Alejandra Gómez Villanueva

3º ESO B

 Pilar Mª Casas Portero

1º Bach. Adultos

Un curso máis, unha nova promoción de Bacharelato abandona o centro para emprender novos camiños. O 16 de maio foi o seu día, cando xa libres de exames -ou case- celebraron o seu acto de despedida. Todos e todas están guapísimos coas súas mellores galas gozando dunha tarde-noite de felicidade.  (Fotos do acto, xentileza de Beni Feijóo) (Outras fotos)

Aquí podedes acceder a unha retrospectiva do seu paso polo IES Valle Inclán.

 O venres 25 de maio todo o alumnado de 3º ESO realizou no Parque Arqueolóxico de Campo Lameiro un percorrido por tres espazos diferenciados: a área arqueolóxica, onde puideron observar os petróglifos en contacto coa natureza; a recreación dun antigo poboado, o que lles permitiu contemplar como vivían os antergos prehistóricos e unha visita ao Centro de Interpretación, onde viron unha exposición e un audiovisual sobre a arte rupestre. Unha experiencia excepcional cunha viaxe á prehistoria en plena natureza! (Máis fotos)

Do 23 ao 30 de marzo o alumnado de 1º de bacharelato realizou unha excursión a Italia. Foi unha viaxe moi ben aproveitada pois durante eses días visitaron Venecia cos seus canais, pontes e góndolas; Florencia (Santa María di Fiori, Baptisterio de S. Juan, Piazza della Segnoria, Palacio Vecchio, Ponte Vecchio, Palacio Pitti, Academia), Pisa, Lucca, Siena (catedral, piazza dei Campi) e Roma (Coliseo, Foros, Museos Vaticanos, Basílica de San Pedro, S. Pietro in Vincoli, Piazza Navona, Fontana di Trevi, Piazza de España, Castel Sant'Angelo, Santa María in Cosmedin, Campo di Fiore, Pantheon, Piazza del Popolo)... Mais non todo foi arte, como podemos ver nas fotos tamén tiveron tempo para divertírense. (Máis fotos)

A convocatoria do concurso de marcapáxinas obtivo un rotundo éxito: non hai máis que ver a cantidade recibida (e nesta foto non están todos!). (Máis fotos)