Curso 2014-2015

O venres 6 de marzo, por primeira vez en Galicia,  tivo lugar a Olimpíada de Xeografía organizada conxuntamente polo Departamento de Xeografía da USC e a Delegación Galega do Colexio de Xeógrafos. O  conselleiro de Educación, Román Rodríguez, inagurou o acto . No seu discurso reivindicou o  papel desta materia na sociedade actual posto que permite ter unha perspectiva integral para ver o mundo.A proba celebrada na Facultade de Xeografía e Historia constou de 50 preguntas referidas ao programa de contidos coincidente co temario de selectividade.

O IES Valle Inclán de Pontevedra asistiu á I Olimpiada de Xeografía con tres alumnos de segundo de bacharelato. Os alumnos Borja Sineiro Abella, Mateo González Álvarez e  Isabel Virel de la Sota obtiveron a segunda mellor nota de grupo de Galicia. Ademáis  Mateo González Álvarez quedou clasificado entre os tres segundos.

Enlace TVG

http://www.crtvg.es/informativos/dous-estudantes-de-santiago-e-un-de-carballo-participaran-na-fase-estatal-da-olimpiada-de-xeografia-1035670

Noticia no portal educativo

http://www.edu.xunta.es/web/node/14530

Silvia Chamosa e Miguel Gallego na biblioteca do instituto (foto Javier Cervera-Mercadillo)

 Leer noticia en Diario de Pontevedra (Domingo, 8 de marzo de 2015)

 O Departamento de Bioloxía e Xeoloxía organizou o mércores, día 11 de febreiro, unha conferencia na que o prestixioso catedrático de Medicina Legal da USC, Ángel Carracedo, impartiu unha charla ao alumnado de 1º e 2º de bacharelato que levou por título: “Aplicacións da tecnoloxía no ADN”.

 Alén da súa cátedra, Ángel Carracedo dirixe a Fundación Pública Galega de Medicina Xenómica e o Centro Nacional de Xenotipado. É, quizais, o científico galego con máis proxección internacional e líder mundial na xenética forense. A súa brillante traxectoria profesional foi e é recoñecida con innumerables premios, tanto a nivel nacional coma internacional.

 Esta charla enmárcase nunha serie de actividades culturais que organizan os diferentes departamentos e a vicedirección do instituto, co obxectivo de completar e ampliar a formación do seu alumnado.

Dentro do ciclo de conferencias ubi sum?, a avogada pontevedresa María Adrio Taracido falou a semana pasada sobre as súas lembranzas no IES Valle Inclán e sobre a súa traxectoria profesional.

O pasado día 16 de xaneiro celebrouse na Facultade de Matemáticas de Santiago a fase galega da Olimpíada de Matemáticas na que resultou clasificado en 2º lugar, e polo tanto representará a Galicia na fase estatal que se celebrará en Badaxoz do 19 ao 22 de marzo, o noso alumno Miguel Cidrás Senra, de 2º Bach. A. Os nosos parabéns polo éxito acadado e os mellores desexos para o reto que o agarda.

Pincha nos enlaces

                                                 (foto Javi Cervera-Mercadillo)

O alumno de 1º da ESO Hugo Silvares Norat acaba de gañar o certame nacional Matemáticas al Sprint xunto con outros compañeiros de Galicia. Hugo foi seleccionado este curso para integrarse no programa Estalmat Galicia (Estímulo do Talento Matemático) e a pasada fin de semana participou no mencionado certame. O seu grupo, composto por cinco estudantes, foi o máis rápido en resolver a proba. Os nosos parabéns.

O noso compañeiro, Javier Domínguez, profesor de Historia, presentou onte o seu libro Mi casa es el rock'n'roll, que narra o nacemento e a traxectoria da banda de rock ourensá Los Suaves, da que foi cofundador e primeiro batería. Estivo acompañado do deseñador do libro, Adrián Morgade, e de Charli Domínguez, outro dos fundadores e membro do grupo. Os nosos parabéns.

Parabéns ás dúas ex-alumnas do Instituto, Luisa Meijón e Lucía Baqueiro, que acadaron un cuantioso premio no concurso ¡Boom! da cadea de televisión Antena 3. Preme na imaxe para ver o vídeo