Complementarias
DÍA DA PAZ E A NON VIOLENCIA
Enviado por admin o Xov, 14/02/2013 - 12:39A derradeira semana de xaneiro, celebrouse no noso centro o Día da Paz e da non violencia, realizándose varias actividades entre as que queremos destacar:
- A lectura dun conto por parte de todos os alumnos de 6º de E.P." A pomba dona Paz" .Información que pode visualizarse no blog da nosa Biblioteca: http://carabeladeares.blogspot.com.es/
-
Un conto que os rapaces e rapazas de 2º ESO B xunto cos de 4º ESO de plástica e música, lles contaron aos pequerrechos de infantil. “O nacemento do dragón”. Información que pode visualizarse no blog de Dinamización Lingüística: http://tesmoitalingua.blogspot.com.es/
Agradecer o traballo do profesorado e do alumnado que sempre está disposto a colaborar activamente na realiización das actividades propostas.
CELEBRACIÓN DO ENTROIDO
Enviado por admin o Mar, 05/02/2013 - 23:31
O vindeiro venres, 8 de febreiro, celebraremos no CPI a festa do Entroido .
-
En INFANTIL E PRIMARIA
A festa comezará cun pasarrúas pola vila.
Saíremos do colexio aproximadamente ás 10:30h. continuando por:
-
Avenida de Mugardos
-
Real
-
Praza da igrexa
-
Saavedra Meneses.
A continuación os nenos/as de Infantil regresarán ao colexio e os de Primaria continuarán polas rúas.
No caso de que chovera suspenderíase o pasarrúas pola vila e o desfile faríase na pista do colexio (11:00h) ao que poderían asistir as familias.
As 12:15h., xa no colexio, os nenos/as degustarán doces típicos do Entroido grazas a ANPA e ao colexio. Todos os alumnos/as recibirán un paquete de caramelos doados polo Concello.
-
En SECUNDARIA
Haberá clase ata as 11:00h. e a continuación disfrazaranse.
Ás 11:15h. irán cara o pavillón para realizar as Coreografías.
-
SAÍDA
A saída será á 13:30h. (ás 13:25h en infantil). Non haberá comedor.
GAÑADOR DO PROXECTO DE CENTRO ORGANIZADO POR EDUCABARRIÉ
Enviado por admin o Mar, 22/01/2013 - 15:13A Dirección do CPI Conde de Fenosa, felicita ao profesorado implicado na presentación do proxecto : " Elaboración na ESO dunha guía visual bilingüe do medio intermareal e fluvial con aplicación para dispositivos móbiles: tablets e smartphones" (Jorge Gutierrez Maroto, Luisa Corredoira Gómez e Pilar Molina); que resultou seleccionado por EducaBarrié na convocatoria de proxectos educativos 2012-2013 .
O obxectivo deste proxecto é promover a investigación directa da natureza que nos rodea e o emprego de novas tecnoloxías no alumnado da ESO dende as áreas de física e química, ciencias da natureza, lingua galega e lingua inglesa, para así elaborar unha guía visual, impresa en papel que recollerá a información do medio ambiente da contorna do noso centro, e poderase trasladar toda a información a través de dispositivos móbiles (smartphones, tablets e portátiles..) grazas ás aplicacións de lectores QR.
Educabarrié é o espazo de encontro e intercambio de coñecemento dirixido á Comunidade Educativa da Fundación Barrié.
Este proxecto de centro levarase a cabo durante este curso escolar grazas a subvención de Educabarrié .
Máis información na web: www.educabarrie.org
ÁNIMO e grazas polo voso traballo e esforzo.
CONCURSO "II SEMANA PROBLEMÁTICA"
Enviado por admin o Lun, 21/01/2013 - 17:18O Departamento de Matemáticas organiza o Concurso "II SEMANA PROBLEMÁTICA" para todo o alumnado de ESO, dende o 28 de xaneiro ata o 1 de febreiro.
Como no pasado curso escolar o concurso consiste:
- Resolver un problema matemático cada día, que aparecerán no taboeiro das aulas do alumnado a 1ª hora da mañá e deberán resolvelo na mesma mañá depositando o resultado na urna que estará na Entrada do centro.
- Depositareis co resultado o Título do problema, o nome e apelidosm curso e grupo do alumno.
- Só a resposta do problema dese día.
- As solucións aos problemas publicaranse ao día seguinte.
- Os premios : Cada día haberá un premio para o gañador/a e o seu nome será publicado á semana seguinte dsa finalización do concurso. Se hai más dun gañador sortearase o premio entre eles.
ANÍMATE E PARTICIPA
FELICES FESTAS
Enviado por admin o Lun, 17/12/2012 - 14:53Pro fin a 3ª parte do festival do Nadal , protagonizada polo alumnado de 5º e 6º de Primaria
2ª parte do Festival de Nadal en Primaria (3º e 4º E.P.).
1ª parte do Festival de Nadal en Primaria (1º e 2º E.P.).
A Comunidade educativa do CPI Conde de Fenosa, deséxavos: FELICES FESTAS e FELIZ ANO 2013
TUNEANDO a ENTRADA DE PRIMARIA
Enviado por admin o Lun, 18/06/2012 - 18:12O alumnado do 1º Ciclo de Primaria xunto coas súas profesoras, propuxéronse tunear adecentando así a entrada de Primaria.
Podedes ver unha pequena mostra coas fotos do alumnado de 1º EP A, dirixidos pola profesora Amelia, en pleno traballo .
ENCONTRO de alumnos de MÚSICA de ESO en NARÓN
Enviado por admin o Mér, 13/06/2012 - 09:18O 24 de maio, os alumnos de 3º ESO A e algúns de 4º, participaron no 1º Encontro de Alumnos de Música de Secundaria que se celebrou durante a mañá no auditorio de Narón.
Tedes máis información no blog de normalización lingüística: http://tesmoitalingua.blogspot.com.es/
CONCERTO DIDÁCTICO
Enviado por admin o Ven, 08/06/2012 - 14:02O pasado día 25 de maio os alumnos de 3º de ESO acodiron ao Concerto Didáctico "Romeo e Xulieta" no Palacio da ópera da Coruña.
A obra foi unha adaptación para marionetas do conocido ballet de Prokofiev.
O concerto correu a cargo da orquestra sinfónica de Galicia e a montaxe das marionetas foi levada a cabo pola compañía Per Poc.
O CPI "CONDE DE FENOSA" GAÑADOR PROVINCIAL DO 28 CONCURSO ESCOLAR DA ONCE
Enviado por admin o Xov, 19/04/2012 - 12:09O grupo de 2º da ESO composto pol@s alumn@s: Judith Rouco Filgueiras, Antonio Lemos Margaretto, Laura Pita Sánchez, Lucía Rodríguez Buyo, Felipe Oltra Crespo, Daniel Domínguez Leira y Ainhoa Somorrostro Fernández gañaron cun videoreportaxe o 28 Concurso Escolar organizado pola ONCE a nivel provincial co lema de "Fai o teu barrio accesible". Posteriormente, pasarán a unha fase autonómica e logo á fase nacional.
Parabéns a todos e a seguir cosechando os froitos do voso traballo .
Podedes ver toda a información no blog de Dinamización lingüística:
http://tesmoitalingua.blogspot.com.es/
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »