Complementarias
DEBATE DO PARLAMENTO XOVE
Enviado por blancacortizas o Ven, 07/02/2014 - 13:09Hoxe, 7 de febreiro ten lugar o inicio da 5ª Edición dos DEBATES DO PARLAMENTO XOVE .
O CPI Conde de Fenosa de Ares volve participar nesta competición que organiza a Secretaria Xeral de Xuventude. Do mesmo xeito ca o ano anterior, un grupo de catro alumnos do segundo ciclo da ESO, Clara Morado, Alba Brage, Noelia Calvo e Carlos Bello, acode ao Pazo de Mariñán en Bergondo (A Coruña), onde se leva a cabo o torneo dialéctico. Nesta convocatoria o tema de discusión xira sobre a perda de valores da xuventude, concretamente se se considera que sofren as novas xeracións un retroceso sexista e na tolerancia ás diferenzas persoais.
Durante a xornada do sábado levaranse a cabo as confrontacións, que permitirán seleccionar os dous equipos que disputarán un debate final no Parlamento de Galicia. O número total de grupos inscritos na presente edición a nivel de Galicia é de dezaseis.
Dende a Dirección agradecemos a colaboración do profesor, Xoan Barrio e o traballo do alumnado nomeado anteriormente, desexándolles que queden seleccionados para a final e que disfruten como merecen da experiencia.
Para máis información:
FESTIVAL DE NADAL INFANTIL E PRIMARIA NO CASINO DE ARES
Enviado por admin o Lun, 13/01/2014 - 11:46O día 20 de decembro, tivo lugar no Casino de Ares, o Festival de Nadal de Infantil e Primaria.
Dende a Dirección do centro queremos agradecer a colaboración do persoal do Casino que ofreceu as instalacións e axudáronnos na organización.
No seguinte enlaces podedes disfutar do festival:
ACTIVIDADES NADAL
Enviado por admin o Mar, 17/12/2013 - 14:06FESTIVAL DE NADAL 2013
Este venres, día 20, imos celebrar o festival de Nadal no casino de Ares ao que están invitados os pais/titores dos alumnos. Van ser dúas funcións: unha para infantil e outra para primaria.
- Educación Infantil.
- Comezará o festival ás 10:15h. Os pais entrarán unha vez o alumnado estea acomodado no seu sitio. Ó remate da función desaloxarase o recinto.
- Educación Primaria.
- Comezará o festival ás 11:30h. Como na anterior, as familias entrarán unha vez que o alumnado estea acomodado.
Xa no colexio, os Reis Magos entregarán aos alumnos unha golosina.
- Educación Secundaria
- O día 19 de decembro levarase a cabo unha xornada cultural deportiva: X Carreira Quilómetros de solidariedade (Save The Children) e diferentes actividades no Pavillón. (departamentos Relixión e Ed. Física)
- O día 20 terán sesións lectivas ata ás 12:30h.
- Ás 12:30h. haberá diversas actuacións musicais do alumnado no centro (Dpto Música e Francés).
Avisos:
- No caso de que chova a función de infantil levarase a cabo na sala de usos múltiples do colexio.
- Non se permite fotografar e/ou grabar en video as funcións debido a que hai alumnos que non teñen permiso de imaxe. Un representante do centro grabará as actuacións e, unha vez revisadas, colgaranse na paxina web do colexio.
- A saída ese día será ás 13:30h, unha vez que se entreguen as notas.
- Non haberá comedor.
A súa colaboración axudará a que todo se desenvolva dun xeito satisfactorio polo que lles damos as grazas anticipadamente.
- Informar que o comezo das clases no 2014 será o día 9 de xaneiro.
Aproveitamos tamén para desexarlles Felices Festas.
Concerto Didáctico
Enviado por admin o Lun, 09/12/2013 - 15:45O alumnado de Primaria do CPI Conde de Fenosa acudiu o pasado día 15 de Novembro a un Concerto Didáctico na Coruña. Foi un concerto moi entretido e dinámico onde tivemos que participar, disfrutando da experiencia tanto que gustaríanos repetila.
Presentamos a continuación toda a actividade:
MAGOSTO 2013
Enviado por admin o Mér, 27/11/2013 - 11:04O pasado día 8 de novembro celebrouse no centro o Magosto, no que participou o alumnado de Infantile Primaria. Deixamos unha mostra de cómo asáronse e repartíronse as castañas no recinto escolar.
ACTIVIDADES COMPLEMENTARIAS E EXTRAESCOLARES NO 1º TRIMESTRE
Enviado por admin o Lun, 28/10/2013 - 14:41Infórmase das actividades extraescolares e complementarias ofertadas no 1º trimestre. Este programa está aberto a novas ofertas.
|
EXCURSIÓN FIN DE CURSO DE 5º E 6º DE PRIMARIA Á GRANXA-ESCOLA "MARCELLE"
Enviado por admin o Xov, 22/08/2013 - 19:54O alumnado de 5º e 6º de Primaria participaron nunha excursión fin de curso á granxa-escola "MARCELLE" onde disfrutaron dunha marabillosa visita, como podedes ver na seguinte presentación:
DEBATES no CPI Conde de Fenosa
Enviado por admin o Mar, 18/06/2013 - 14:04No presente curso académico por iniciativa do profesor, Xoan Barrio, tivo lugar un novo proxecto que comezou coa participación nos Debates do Parlamento Xove dun grupo de alumnos de 3º e 4º de ESO, e continuáronse realizando nas horas de titoría baixo o lema: "O uso das novas tecnoloxías".
PROGRAMA DE ASPANEPS "PONTE NO MEU LUGAR" PARA O ALUMNADO DE 6º PRIMARIA
Enviado por admin o Lun, 27/05/2013 - 12:17 A Concellaría de Educación, que dirixe José Juan Vilar, e a entidade Aspaneps levaron ao CPI Conde de Fenosa o programa “Ponte no meu lugar”, unha recoñecida actividade promovida e desenvolvida por esta asociación que ten como principal obxectivo o de achegar a discapacidade en primeira persoa a través de dinámicas e accións participativas que procuran a reflexión entre o alumnado de 6º de Primaria e o profesorado.
Tanto na mañá do pasado xoves como na do venres, os responsables deste programa levaron a cabo diversas actividades cos nenos e nenas, que poideron constatar as dificultades coas que persoas invidentes, xordas ou con problemas de movilidade pódense atopar nas súas rutinas diarias nun centro escolar, neste caso o de Ares.
O programa “Ponte no meu lugar” desenvólvese en dúas fases:
- A primeira, a do traballo cos Mestres e alumnado de 6º co apoio de carteis temáticos e unha película para comentar cómo se vive o feito de ser tratado de maneira diferente.
- A segunda fase é de vivir en primeira persoa esas dificultades, realizando un circuito cos rapaces e rapazas. Este circuito tiveron que facelo en cadeira de rodas, cunhas vendas nos ollos ou cuns cascos nos oídos.
Estivo tamén presente nunha das xornadas a concelleira de Servizos Sociais, Victoria Montenegro. Nesta xornada, Aspaneps entregou á nosa directora, Blanca Cortizas, o diploma acreditativo da realización do programa levado a cabo.
Máis información no noso blog:http://tesmoitalingua.blogspot.com.es/2013/05/programa-de-aspaneps-ponte-no-meu-lugar.html
O ALUMNADO DE 3º ESO VISITA A DOMUS E AO MUSEO DE ARTE CONTEMPORÁNEO (MAC).
Enviado por admin o Lun, 27/05/2013 - 10:32O dia 30 de abril houbo una saída a Coruña organizada polos departamentos de bioloxía e artes plásticas.
Pasamos a mañá no MAC onde vimos un documental sobre a obsolescencia programada, a exposición de Daniel Canogar, e fixemos un obradoiro.
Xantamos cara o Atlántico no comedor da Domus para despois percorrer durante a tarde este interesante museo.
Ahí tedes as fotos.
https://docs.google.com/presentation/d/1B_b5CRsR7Od_k2Tu81oeYq6HhRyz3l4TWYsdGlJF5SE/pub?start=false&loop=false&delayms=3000
- « primeira
- ‹ anterior
- 1
- 2
- 3
- 4
- 5
- 6
- 7
- seguinte ›
- última »