Bibliotecas Escolares Solidarias. Curso 2015/2016

 

O Portal Educativo publica a Resolución da Dirección Xeral de Centros e Recursos Humanos, de 10 de decembro de 2015, pola que se convoca o programa BIBLIOTECAS ESCOLARES SOLIDARIAS para o curso 2015/2016. Este programa, destinado a centros de titularidade da Consellería de Cultura, Educación e Ordenación Universitaria, conta coa colaboración da Dirección Xeral de Xuventude, Participación e Voluntariado (Consellería de Política Social) e inclúe varias accións:

  • Selo "Biblioteca Escolar Solidaria"
  • Voluntariado na biblioteca escolar (Secundaria)
  • Voluntariado de Lectura-A (Primaria)
Bibliotecas Escolares Solidarias ten como obxectivo estimular o voluntariado cultural en relación coas bibliotecas e a lectura entre o alumnado dos niveis non universitarios e as súas familias nos centros públicos galegos, e recoñecer os esforzos das comunidades educativas por conformar bibliotecas escolares que axuden a paliar as desigualdades no acceso ao coñecemento e ao uso dos recursos culturais e de aprendizaxe. Este programa intégrase como inicativa de voluntariado nos programas da D. X. de Xuventude, Participación e Voluntariado. 

 

AdxuntoTamaño
Impresos editables: SELO Biblioteca Escolar Solidaria - 818.zip129.03 KB
Impresos editables: Voluntariado na biblioteca escolar - 819.zip279.55 KB
Impresos editables: Voluntariado de Lectura-A - 820.zip401.02 KB