Información

Convocatoria de Biblioteca Creativa para o curso 2023/24

 

 
 
O Portal Educativo vén de publicaraa Resolución do 28 de setembro de 2023 setembro da Dirección Xeral de Ordenación e Innovación Educativa pola que se convoca a participación no proxecto de Biblioteca Creativa, no contexto do Plan LÍA de Bibliotecas Escolares (Lectura, Información e Aprendizaxe) para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros públicos de titularidade da Consellería de Cultura, Educación, Formación Profesional e Universidades,que acollan ensinanzas de educación infantil e primaria, integrados no Plan de mellora de bibliotecas escolares, para curso 2023/24.
 
 Seleccionaranse un máximo de 25 centros para a súa integración no programa e, igualmente, deberán solicitar a continuidade no proxecto os centros integrados en convocatorias anteriores.
O prazo de presentación de solicitudes será de quince días naturais a partir do día seguinte ao da publicación da presente convocatoria no portal educativo. 
 

  • PUBLICACIÓN NO PORTAL EDUCATIVO

 

Convocatoria de Biblioteca creativa para o curso 2022/2023

 
Portal Educativo publica a convocatoria da Dirección Xeral de Ordenaciçón e Innovación Educativa, do proxecto BIBLIOTECA CREATIVA, para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros que matriculan alumnado de educación infantil e primaria, integrados no Plan de mellora de bibliotecas escolares, para o curso 2022/2023.
 
Poderán participar os centros integrados en anteriores convocatorias do proxecto BIBLIOTECA CREATIVA e seleccionaranse 25 centros de nova incorporación.
 
Non poderán participar os centros que se incorporan ao PLAMBE no curso 2022/2023, curso no que cómpre centrar a súa actividade na consolidación do modelo de biblioteca escolar segundo os obxectivos presentados no seu proxecto.
 
O prazo para presentación de solicitudes é de quince días a partir do día seguinte da data de publicación (17 de novembro).
 

  • Publicación no Portal Educativo 

Logo: Biblioteca creativa

 BE_Biblioteca_creativa_mini

 

 

 

 

 Ofrecemos, a continuación, o logo de Biblioteca creativa para poder ser empregado tanto en contornas web como en documentos impresos.

 


Imaxe para a web e documentos

Imaxe png (875KB): 6912x3456 píxeles

Imaxe jpg (952KB): 6912x3456 píxeles

 


Código HTML para crear un BLOQUE co logo de Biblioteca creativa

Bloque centrado, imaxe con ligazón, tamaño: 96 x 48 píxeles:

Descrición do bloque: Logo Biblioteca creativa
Código HTML para o corpo do bloque:

<div style="text-align: center;"><a title="Ligazón a Bibliotecas Escolares de Galicia" href="https://www.edu.xunta.gal/biblioteca/blog/?q=category/19/86" target="_blank"><img src="https://www.edu.xunta.gal/biblioteca/blog/files/BE_Biblioteca creativa_96x48.png" alt="Biblioteca creativa" width="96" height="48" /></a></div>

Resolución da convocatoria do programa BIBLIOTECA CREATIVA para o curso 2021/2022

 
O Portal Educativo publica a
Resolución da Dirección Xeral de Centros e Recursos Humanos, de 12 de novembro de 2021, pola que se resolve a convocatoria do programa BIBLIOTECA CREATIVA correspondente ao curso 2021/22. Incorpóranse 25 novos centros e  publícanse as asignacións que recibirán os  centros que presentaron a súa solicitude de continuidade neste proxecto. En total, son 125 centros PLAMBE, con ensinanzas de infantil e/ou primaria, os que participan nesta iniciativa destinada a apoiar a cultura da experimentación, a creación e a investigación en espazos creativos e cooperativos no seo da biblioteca escolar.
 
 
Os espazos creativos ou espazos maker creados nestas bibliotecas son bos exemplos da evolución que pode vivir unha biblioteca escolar que acolle os multialfabetismos e atende as necesidades da comunidade escolar, ofertando oportunidades para as aprendizaxes a modo de laboratorio de creación e experimentación. 
 
 

Convocatoria de Biblioteca Creativa para o curso 2021/2022

 
Portal Educativo publica a convocatoria da Dirección Xeral de Centros e Recursos Humanos, de 8 de outubro de 2021, do proxecto BIBLIOTECA CREATIVA, para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros que matriculan alumnado de educación infantil e primaria, integrados no Plan de mellora de bibliotecas escolares, para o curso 2021/2022.
 
Poderán participar os centros integrados en anteriores convocatorias do proxecto BIBLIOTECA CREATIVA e seleccionaranse 25 centros de nova incorporación.
 
Non poderán participar os centros que se incorporan ao PLAMBE no curso 2021/2022, curso no que cómpre centrar a súa actividade na consolidación do modelo de biblioteca escolar segundo os obxectivos presentados no seu proxecto.
 
O prazo de presentación de solicitudes remata o 29 de outubro de 2021.
 

Convocatoria do proxecto BIBLIOTECA CREATIVA. Curso 2020/2021

 

Portal Educativo publica a convocatoria da Dirección Xeral de Centros e Recursos Humanos, de 2 de setembro de 2020, do proxecto BIBLIOTECA CREATIVA, para apoiar a cultura da experimentación, a creación e a investigación, en espazos creativos e cooperativos no seo das bibliotecas escolares dos centros que matriculan alumnado de educación infantil e primaria, integrados no Plan de mellora de bibliotecas escolares, para o curso 2020/2021.

Poderán participar os centros integrados en anteriores convocatorias do proxecto BIBLIOTECA CREATIVA e seleccionaranse 25 centros de nova incorporación.

Non poderán participar os centros que se incorporan ao PLAMBE no curso 2020/2021, curso no que cómpre centrar a súa actividade na consolidación do modelo de biblioteca escolar segundo os obxectivos presentados no seu proxecto.

O prazo de presentación de solicitudes remata o 23 de setembro de 2020.

 

 

Convocatoria do programa BIBLIOTECA CREATIVA. Curso 2019/2020

Biblioteca creativa

Xa está publicada no Portal Educativo a convocatoria do proxecto BIBLIOTECA CREATIVA para o curso 2019/2020. Mediante este programa preténdese apoiar a cultura da experimentación e da investigación, da robótica e da linguaxe de programación nas bibliotecas dos centros públicos que matriculan alumnado de infantil e primaria e que están integrados no Plan de mellora de bibliotecas escolares no presente curso 2019/2020.

Poderán participar neste programa os centros integrados en convocatorias anteriores do proxecto BIBLIOTECA CREATIVA e seleccionaranse 25 centros de nova incorporación.

O prazo de presentación de solicitudes remata o 18 de setembro de 2019.

 

 

 

Actividade formativa BIBLIOTECA CREATIVA - 19 de outubro

O vindeiro venres 19 de outubro reuniranse en Compostela (EGAP) profesores e profesoras dos centros integrados no programa BIBLIOTECA CREATIVA, da Consellería de Educación, Universidade e Formación Profesional, nunha xornada formativa intensa en relación cos contidos deste programa: escornabots, impresión 3D, espazo creativo (espazo maker) na biblioteca escolar. Os representantes dos 55 centros incluídos no programa, segundo a resolución da última convocatoria, distribuiránse en tres grupos ao longo da mañá, en función dos anos que levan integrados no programa e, xa pola tarde en sesión conxunta, haberá oportunidade para coñecer experiencias que xa están levando a cabo algúns centros pioneiros neste campo, así como intercambiar inquedanzas, propostas e coñecementos. 

Biblioteca creativa. Resolución da convocatoria. Curso 2018/2019

O Portal Educativo publica a Resolución de 3 de setembro de 2018, da Dirección Xeral de Centros e Recursos Humanos pola que se relacionan os centros de nova incorporación ao programa BIBLIOTECA CREATIVA para o curso 2018/2019, unha ver resolta a convocatoria publicada con data de 3 de setembro de 2018. Tamén se detallan os centros que estaban integrados no anterior "Escornabots na biblioteca escolar" e que solicitaron continuidade. Desta forma, aparecen incluídos neste programa un total de 55 centros con alumnado de ensino infantil e primaria e pertencentes ao Plan de mellora de bibliotecas escolares no actual curso 2018/2019. . 

 
Agradecemos a colaboración de María López Pousa, autora da nova imaxe do programa "Biblioteca Creativa". 

Convocatoria do programa BIBLIOTECA CREATIVA (antes "Proxecto Escornabots na biblioteca escolar"). Curso 2018/2019

 
Xa está publicada no Portal Educativo a convocatoria do proxecto BIBLIOTECA CREATIVA (antes "Escornabots na biblioteca escolar") para o curso 2018/2019. Mediante este programa preténdese apoiar a cultura da experimentación e da investigación, da robótica e da linguaxe de programación nas bibliotecas dos centros públicos que matriculan alumnado de infantil e primaria e que están integrados no Plan de mellora de bibliotecas escolares no presente curso 2018/2019.
Poderán participar neste programa os centros integrados en convocatorias anteriores do proxecto "Escornabots na biblioteca escolar" (agora,"Biblioteca Creativa") e seleccionaranse 25 centros de nova incorporación.
O prazo de presentación de solicitudes remata o 18 de setembro de 2018. 

Formación Impresión 3D- Proxecto Escornabots na biblioteca escolar-2

 

 

O venres 6 de outubro reuniranse en Compostela (EGAP) integrantes dos equipos de biblioteca dos 16 centros integrados por segundo ano no Proxecto Escornabots na biblioteca escolar, unha iniciativa que está a creación de recunchos "maker", de recunchos creativos, de recunchos fedelleiros, nalgunhas bibliotecas escolares, e marcando o camiño para moitas outras nesa evolución do modelo de biblioteca cara un "centro creativo das aprendizaxes".  O profesorado participante adquirirá os rudimentos da impresión 3D a través dun obradoiro (impartido por Ricardo Feijoo Costa) no que se realizará todo o proceso e coñecerá de primeira man unha experiencia xa asentada nunha biblioteca escolar, a da EEI Barrionovo (Arteixo), da man de María Pousa. Haberá ocasión para intercambiar experiencias, inquedanzas e propostas. Entre todos, seguro que atopan algunha resposta máis á "gran pregunta" que desde a perplexidade se escoita con frecuencia: Para que unha impresora 3D na biblioteca? 

“Desde o inicio da revolución dixital a comunidade bibliotecaria asumiu un papel de liderado no esforzo para axudar ás persoas de todas as idades a desenvolver as habilidades e competencias que necesitan para prosperar nun mundo de alta tecnoloxía. A impresión 3D expande a fronteira da transformación dixital en curso da nosa sociedade. En consonancia coa nosa reputación de liderado dixital, os profesionais da biblioteca axudan a que as persoas e as comunidades aproveiten este desenvolvemento. A impresión 3D capacita á xente para participar na aprendizaxe creativa, lanzar proxectos empresariais e resolver complexos problemas de saúde” (America Library Association, ALA, 2014).

As bibliotecas escolares galegas iniciaron xa este camiño como pode verse nestas entradas do blogue da biblioteca da EEI Barrionovo (Arteixo)

Nas imaxes, probas preparatorias da actividade formativa, a impresora en acción

 

Proxecto "Escornabots na biblioteca escolar". Centros participantes 2017

EscornabotBE

 

O Portal Educativo publica o 3 de maio de 2017 a Resolución da D. X. de Centros de Recursos Humanos de 2 de maio de 2017, pola que se dá a coñecer a relación de centros seleccionados na convocatoria do proxecto ESCORNABOTS NA BIBLIOTECA ESCOLAR. Os centros de nova incorporación no proxecto serán convocados a unha sesión formativa presencial que se desenvolverá o vindeiro 12 de maio.

Esta iniciativa intégrase no contexto dun modelo de biblioteca aberto ás distintas linguaxes, no que se promove a expresión oral, a
alfabetización múltiple, a aprendizaxe manipulativa, o xogo, a investigación e o traballo colaborativo de profesorado e alumnado.

Proxecto Escornabots na biblioteca escolar - 2017

O Portal Educativo publica a Resolución de 17 de abril de 2017, da Dirección Xeral de Centros e Recursos Humanos, pola que se convoca o Proxecto Escornabots na biblioteca escolar para o ano 2017, no contexto do Plan LÍA 2016/2020. Esta iniciativa, que botou a andar no ano 2016,  ten dados excelentes resultados nos 20 centros integrados até o momento no proxecto piloto (En breve, difundirase o informe de valoración cos resultados do primeiro ano do programa).

Poderán participar os centros públicos, de titularidade da consellería, ntegrados no Plan de mellora de bibliotecas escolares no presente curso 2016/2017 e, así mesmo, poderán solicitar a súa continuidade os centros xa integrados. Seleccionaranse un total de 20 centros de nova incorporación entre as solicitudes presentadas. Para a selección terase en conta a valoración acadada na memoria PLAMBE do curso 2015/2016 (ou proxecto, no caso dos centros novos no PLAMBE). Terán prioridade, en igualdade de condicións, os centros situados en concellos de ámbito rural.  A participación neste programa conleva un compromiso de participación nas actividades formativas previstas na convocatoria. O prazo de presentación de solicitudes remata o 27 de abril.

Proxecto "Escornabots na biblioteca escolar". Centros participantes

 

O Portal Educativo publicaba o pasado xoves 28 de abril a Resolución da D. X. de Centros de Recursos Humanos de 28 de abril, pola que se dá a coñecer a relación de centros seleccionados, segundo os criterios da convocatoria, para participar neste proxecto que se iniciará o vindeiro 13 de maio coa sesión presencial de fase formativa prevista. 

Esta iniciativa intégrase no contexto dun modelo de biblioteca aberto ás distintas linguaxes, no que se promove a expresión oral, a alfabetización múltiple, a aprendizaxe manipulativa, o xogo, a investigación e o traballo colaborativo de profesorado e alumnado.

  1. Mis robots en pijarama. Michael Leblond. Kalandraka
  2. O neno que tiña medo dos robots e o robot que tiña medo dos nenos. Miguel Vázquez Freire. Rodeira
  3. Pájaro amarillo. Olga de Dios. Apila Ediciones
  4. Vídeo relacionado: Programación, unha linguaxe a ter en conta en tempos de multialfabetismo (Intervención de Tucho Méndez nas VI Xornadas de Bibliotecas Escolares de Galicia). 
  5. Fondos robóticos na biblioteca da EEI Barrionovo ( Arteixo, A Coruña)

Proxecto piloto " Escornabots na biblioteca escolar". Convocatoria.

O Portal Educativo publica hoxe a Convocatoria do 8 de abril de 2016, da Dirección Xeral de Centros e Recursos Humanos referida ao proxecto piloto "ESCORNABOTS NA BIBLIOTECA ESCOLAR", unha iniciativa incluída no Plan LÍA de Bibliotecas Escolares que está destinada aos centros de infantil e primaria que están integrados no Plan de mellora de bibliotecas escolares no presente curso 2015/2016.

As bibliotecas en xeral, tamén as escolares, están a vivir importantes transformacións e unha das máis importantes e a de acoller todo tipo de actividades nas que as persoas usuarias (neste caso, alumnado, profesorado e familias) poden atoparse para pensar, deseñar, facer, construír e aprender xuntas, na liña dos makerspaces ou dos laboratorios de ideas.

Na actualidade, as bibliotecas escolares contemplan todo tipo de linguaxes (oral, escrito, icónico, audiovisual, artístico...) e posibilitan ao alumnado múltiples oportunidades de aprendizaxe, de expresión e de creación. Neste contexto de alfabetización múltiple encádrase a presente iniciativa, destinada a introducir nas bibliotecas escolares unha nova linguaxe, a linguaxe de programación, e impulsar a utilización de pequenos robots en actividades destinadas a mellorar a comunicación lingüística do alumnado, a expresión oral, a creatividade, o traballo colaborativo, a investigación, a aprendizaxe manipulativa e o xogo.  

O prazo de presentación de solicitudes remata o 25 de abril de 2016.

Proxecto Escornabot - Entrega de ficheiros

Rematou o prazo de solicitude para esta convocatoria.